今日約左阿權12:30起海龍等~繼續玩下DM7~試下玩首Can't Help Falling In Love...難到爆, 首野點只Lv 62呀...

玩左一陣就行去彩虹打DM同玩GF喇~去到冇咩人玩~good!! 今日玩Rockin Paradise意外地連左355 combo:+5%...咁就有1分進漲了  雖然首No More Crying仲未衰到至於拎個B, 但係我呢首野玩得好肉酸~d bass又食哂 ...所以~決意放棄用呢首歌計分算了!! 今日玩GF真係好差~可能前幾日考試坐定定, 條頸緊哂...我按下兩邊肩膀位都見痛...  所以咩一陣結他都見攰...所以玩左幾舖都係加得5分

之後差唔多3點就齊齊行去荷李活間Italian Tomato, 我去填form應徵...不過我交form後先俾人發覺原來我仲未填後頁d資料...唉~睇黎都係凶多吉少喇...因為我最後填完form果陣交俾個店員, 佢睇一睇我張form之後都冇問我野, 話有消息就通知我...

填完form後, 阿權同我都見有d肚餓...就撘地鐵去左尖咀間吉野家share一個下午茶~再去金星隔黎間七記要左兩串燒賣同8隻水餃~  醫完肚就去金星打機喇...打到7點幾果陣~阿權話想落一落河內鴿下境況, 落到去就見到pp同子下~佢地約左阿兔阿茶佢地...咁我同阿權冇耐就過左中港城去睇「情迷黑森林」喇~由於大家都唔太肚餓~所以share一個餐黎食就算...

睇完劇食完飯就再落河內一陣~之後起尖東坐左一陣就撘馬鐵返歸lu~

P.S. 由於本魚是日精神狀態欠佳, 故不想說太多話, 其神情亦頗呆滯

今日約左maggie去Franki Centre (即係浸會d leaturer寄居既地方) 溫IT, 佢要溫下我本書...本書係起學期初用Healthy Living本書同阿rachel換既

我到臨考前果一分鐘都未溫哂...d野真係好多...我睇書淨係睇第二課都用左兩粒鐘...其他~唔好講喇...訓幾粒鐘溫幾粒鐘再訓過咁啦~攰死我喇  

呢份卷我只係對MC同埋Long Question既第一條最有信心...其他答案都好唔肯定

考完試餓到我胃都痛埋~行去火車站果陣我都唔多想講野...因為個胃真係幾辛苦...  今朝11點幾食左個麵出門口 (對我黎講, 食完一包麵隔兩粒幾鐘就要搵野落格) 咁之後就拿拿林去沙田間pie & tart買左個南瓜批食  食完個肚冇野喇~但係唔多夠喉, 身上唔夠錢~就起麥記用八達通「嘟」左個漢堡飽食...

之後撘免費車返歸~放低個袋再去搵may may, 傾左一陣

是日金句: 「海闊天空任我飛」

但係考完試有考完試既慘處, 又要定期俾人捉洗碗喇

琴日就考英文, 最驚份篇文奶野...係都要我地寫議論文 <-我既弱項, 我d論點係冇乜point架

輪到今日考中文喇~9:15分就開考~咁早去考, 之前梗係要整返杯奶茶提下神啦~咁就去麥記食左份香草雞扒早餐, 好貴呀~成19個半, 舊雞扒又細舊...咁就俾佢呃左

食完早餐就撘馬鐵返學校考試喇~今日既作答時間得兩粒鐘, 但係要答成十幾條問題 (詩歌+散文+戲劇+小說), 好多條都唔簡單架...唔好睇小佢地~同埋時間真係唔多夠...搞到我寫到手都緊埋...

考完試就同jenny, sasa仲有佢兩個fd去日本餐廳~我睇住佢地食...因為冇耐就同阿權出去食晏~我地去左樂富間五十嵐食野~幾正架~學生免收加一

之後就同阿權行去彩虹打機~順便等may may打黎...今日約佢3點去荷李活間Italian Tomato見工~

阿權好叻仔呀~Centuar都著左紅燈  同埋S左Brand New Lady~唔錯

今日我張GFV咭都進漲左廿分~670...下個目標要700!! 不過我無啦啦白洗左幾蚊: 有一舖第一首揀左機械人...點解lv47都咁x難架...到後尾死左呀...  之後諗住同阿權玩多舖...但係我地張咭已經link唔到去server度  唯有試下玩nonstop...之後梗係「死死氣」走啦 <-係我遮

may may再打黎~原來佢4點要出尖咀見工~但佢打黎俾我話出門口果陣已經係3點幾...真係忙~一時間見咁多工  咁我見佢趕時間就叫佢去見先...因為我同阿權由彩虹行去荷李活都要成3個字~咁我地成4點幾先去到~再打返俾may may, 佢話佢見完wor, 原來去到填form就得...可惜我去到果陣, d form已經派哂~佢呢排係每日由3點派到5點~當然係先到先得啦...冇計~唯有明天請早 (不過我星期三, 四都係考2:15-5:15...最快都要星期五先可以去果間野度填form)

咁我地就去海龍打全港唯一既DM7喇~好鬼多「小朋友」...omg  不過玩返DM7既歌仔, 比起幾年前出DM7果陣我玩既成績真係勁好多...所以部機lv7對於而家既我都唔算大難度, 我大部分歌都S到既

玩完我地就起麥記齊齊食左包大薯條同埋飲左樽茶字典, 之後就撘巴士返屋企喇~今晚再努力...聽日下晝要考public speaking

今日約左阿權起沙田火車站等~跟住齊齊撘火車出金星打機喇~今日有新division呀, 我DM果team又連升兩層~去到第六層喇  好野~終於可以隨時玩自己最鍾意既Carnival Day喇~佢真係好聽過E-Mail Me 10倍呀  我愛既歌仔當然計分啦, 仲有Rockin' Paradise計分~第一次玩就A左喇, Primal Soul+5%, Little Prayer計返分 (不過加得1% =.=")  最大奇蹟係首Kiss Me Goodbye, 呢首野雪藏左幾個月啦~一玩就有4xx combo: poor同miss各8~73% 睇黎今日打鼓真係上左身喇...不過呢~連GF個分都升得快~琴日604, 今日玩左4舖已經650喇

之後出去食飯~個咕嚕肉飯好x甜...加上今朝得碗麵落格~所以食完有d胃痛

再行去中港城霸個靚位去睇「老婆大人」大結局 (又諗起我媽子將「大結局」叫做「大隻腳」喇~原因俾大家諗下...我遲下至講答案  提示: 同語言發音有關)

跟住同阿權一人買左支水同share包蝦條食...又再落返金星喇~見到Benny, 佢向HKGirl開聲叫佢同我夾機玩第8層既歌~太好喇  有Plastic Umbrella同Suzy玩喇~期待已久...

玩下夾下機咁就差唔多去到夜晚12點~咁o岩見出去落雨~阿權本身要還返把遮俾我...咁我臨時搵左個藉口同阿媽講, 話因為落雨冇帶遮所以遲左返屋企 (因為我過左12點返屋企會俾媽子扣50蚊零用 )~咁即係要阿權拎返把遮返屋企先喇...下次先再還俾我啦~不過佢講左個條件, 既然佢咁鍾意講條件咁我彈返個相反既條件過佢...佢反抗唔到架~哈哈哈  

今日收穫咁豐富~聽日開始又要的起心肝溫書喇...下星期一開始考試

今日約左阿權去fz打一陣機~我手痕...好想GFV張咭咭快d變紫字

我差唔多一點去到~佢已經打緊「日本盃」喇...仲見到小芒...蛇王  

跟住我又開齋打下「日本盃」, 浮舟同兄弟adv~阿權仲玩得叻過我...

之後我好肚餓喇~就同阿權去申一棧食晏~記得上次d野幾好食架...但唔記得果間野d午市套餐份量係少既...不過食完個餐真係唔係好夠...同埋點解係都要遺忘我杯豆漿同碗菜飯丫?! 搞到我向人催三催四~討厭!!

醫完肚落去fz再打過~今日主要係餵GFV~玩左三舖先過600...不過我覺得fz部GFV唔係咁好玩~所以過左600要收住手先喇

後尾大芒都黎埋~有免費戲睇...太好喇~可惜佢地好快就走左...

之後阿權同我都走喇...行左一陣新城市~而家上面開左好多新舖...裝潢倒不錯的

跟住撘8點最後一班免費車返歸~同媽子起金匯庭食晚飯...唔~不過餐飯我地都麻麻地高興

我地點左個砂鍋雲吞雞, 第一次上鍋果陣~我食食下有隻細細隻既野起碗湯度...跟住媽子向人投訴, 第二次好快就上鍋喇~不過係砂鍋雲吞走「雞」呀!! 我地都未食到雞...第三次上鍋先收得貨 (註: 我地麻麻地高興既唔係因為呢件事)