今日12點幾仲懶緊床果陣~媽子就叫我去金匯庭飲茶~有個auntie約左佢...估唔到連續兩日有茶飲wor

飲完茶就出尖咀河內~約左阿權起果樹等...大家玩左陣就搬屋喇~因為好多地方d機都開始減價~金星仲$4/4首wor...咁梗係要轉地方啦

雖然果樹有三部DMV, 但我只會玩最近門口果部~因為我覺得中間果部一向sense得麻麻, 近counter果部個snare都唔太好~玩mad blast會秒殺 (可能係我問題呢 )

GFV我玩左三舖~加左廿幾分~而家594喇

玩到6點幾要走喇~因為我7點要學琴~死啦...遲哂到添

後尾撘馬鐵差唔多到屋企果陣~miss打黎叫我聽日先黎~因為下個學生要準時8點學琴~唔係就會俾佢媽子話...話個miss學得太夜會阻住佢地食飯wor...咁我又係衰~遲左去又冇打個電話同miss講聲~佢鬧我兩句都抵既

就係咁, 我就可以準時睇「老婆大人」喇...見到果個YoYo真係想鏈死佢...很替宣萱不值  

今日返大陸見我老豆~佢已經冇咩事喇...星期日會返台灣~

過關俾人check完身分證後~咪有條橋過去俾人check回鄉証既~果度而家已經俾d窗封哂...仲有d冷氣~好過以前行過去身水身汗丫~果陣真係熱到阿媽都唔認得  之後就直接撘深圳地鐵~唔使經出去深圳果d麻煩地方~太好喇~不過買飛果度就麻煩d~買單程飛要用人民幣~人地無嘛~詢問處果邊都唔俾用港幣唱返人民幣~中銀又要100蚊港紙做兌換既下限...最後都係問人唱~之後按機買飛果陣~一個個一蚊銀同個車飛 (車飛係好似等飯食果d數字圓形牌咁 ) 飛哂出黎~搞到我要起地下拾既零錢~仲要係咁四圍搵車飛~好彩有人見到我個車飛俾保安拎左咋~如果唔係又要入多5蚊去買  

遊左半粒鐘地鐵河終於去到親戚屋企喇~都有幾日冇見媽子...等齊人就開飯~媽子炒左小唐菜

食完飯同親戚個仔玩下~佢讀緊小二~冇耐佢個英文阿sir都黎埋...佢地好多時都一齊玩架~亦師亦友

冇耐我老豆要出去~好夜先會返屋企...佢叫我同媽子今晚一齊走wor

之後我同媽子, 親戚同佢個仔, 仲有佢阿sir一齊去海濱公園~真係唔錯...地方又大~坐起海附近又舒服~真係好過好多香港既公園...果個公園有得摘荔枝架~不過而家摘又未係時候...

跟住就食晚飯喇~有蝦有豬頸肉仲有乳鴿食~好耐冇食乳鴿喇

「飲飽食醉」後就返香港喇...

今日係最後一日要上堂~要返兩堂: IT同英文~兩堂都係返去present~上次咪話段片係做IT份presentation既, 其實果段片係叫「警訊」, raichel做警訊既主持人~kimberly做電腦推銷員~係推銷d勁out既產品: InterPentium 1, Microsoft Windows 3.1, Dot Matrix Printer...(淨係呢d產品已經笑死我地 )我咪係個受害者囉~係對電腦一無所知既大學生...咁起present果陣~我就話我要增進電腦既知識~就上左個course...present返我學左咩野~所以我都係扮到present到唔知頭唔知路果隻...跟住仲要彈一句:「我知既野就係咁多喇 」

做完IT presentation就要去hall canteen開會~傾下一陣英文個MLA project點present...主要都係quote返出處~跟住kathy食完早餐就上9樓執返d MLA格式~我就同eric食晏~今日食左兩送飯~有「sailing day」呀~正!!

全班做完英文個present, miss就派返上次份quiz~好多人都考得唔係咁好...考試要加油喇~俾埋做presentation既feedback我地~就正式落堂喇

之後去fz搵阿權~我地玩左幾舖GF...鋤到rocki paradise喇~不過差1%先A到

唔知點解呢排鍾意玩GF既程度係多過DM 10倍...DM~我反而想玩nonstop~前兩日睇我個team係排第一~好想用nonstop d combo黎幫個team加分...如果真係第一就好喇~可以升去第6層~期待...

跟住起沙田行左一陣~就齊齊撘免費車喇~之後食手作之店既芒果雪糕~點知想咬第一啖之前就俾人用力拍左一下~望返轉頭...原來係小芒 (食芒果雪糕見到小芒 ) 佢講野d語氣都係咁~真係五十年不變...  

咁我同阿權食完雪糕後就落街市買菜同木瓜...今晚我地玩煮飯仔...呀唔係...係煮麵至o岩~佢食唔慣隻蒿麥麵...覺得難食wor  不過我醃d雞翼真係好味呢~烚既菜都ok  之前佢都有洗菜架~有機會先食燭光晚餐啦...到時整西餐~嘻嘻~  (不過呢個機會唔知幾時先有...)

之後一邊食飯一邊睇電視~睇完「秀才遇著兵」後就玩波子棋, 飛行棋同冚棉胎各一舖~點知次次都係我嬴~哇哈哈哈  一輪激戰後就食木瓜做宵夜喇~跟住送阿權落去撘馬鐵...呼~好攰呀...所以一返去已經熟睡~Zz...  

今日阿權10:30放學~佢話要起聯合駐腳先...因為銀座比較遠~

我本來撘10:30班免費車黎~點知去到個等車位果陣, 有管理員已經派緊籌~我係排落第3個人冇籌拎~冇計喇~唯有撘10:50果班車喇~搞到差唔多11:30先落到旺角火車站, 行去聯合途中阿權仲打黎問我起邊~要佢久等喇

呢排開始想玩返gf~一開波就同阿權玩兩舖gf~試左首miss you~basic已經好難~玩到我死...

之後大家都見肚餓~就去左燉奶佬食晏~d快餐都幾好味...仲有低糖綠茶飲添  今日大家約埋阿軒出銀座打機~佢今日考完試...話考完試會打俾我~咁我地見食完晏仲未收到佢電話~就打個電話俾佢~佢話要開會wor...3:30先出發~咁我同阿權行一陣街街先喇~但係今日天氣都唔穩定...係咁落雨

之後齊齊落銀座打住機等阿軒黎~DMV $6/4, GFV $5/4...應該都不斷有機舖開始減價喇...

玩玩下阿kathy打黎~同我傾下IT presentation既野~都傾左成幾個字...之後阿軒都黎左~再同佢玩gf...玩左幾舖~有4百幾分喇~好想快d變紫字

玩到7點幾就齊齊撘馬鐵返歸喇~我去左大快活食晚飯~正呀

P.S. 我對某d人既行為感到可恥

今朝9點kimberly打黎~話大約2:30返學校錄片wor, 用黎做後日IT presentation用既~

之後我都訓唔到喇~跟住開電腦揀科~係year 2 sem 1既...後尾揀到planning for the sem 2既我都見煩~跟住阿權打黎~叫我落去接佢~咁我同佢上左黎先一齊做決定喇

d科好鬼煩架~又要你4個sem夾埋65 units...少左唔得...多左要每個unit俾多$1500, 仲要有埋其他限制~即係REQUIED, GENERAL CONCENTRATED同ELECTIVE既科都限你units...呢個都算啦~最衰就係general果d...開學前選科果張general分科既area同而家呢張係有出入架!! 咁有好多人都領左野~張野話每個area揀一科黎讀 (有3個area) 但係連埋我, 加埋我識落d人起area 1揀左兩科既人都有唔少...呢兩日真係要問下學校果邊點搞~咪搞到好似玩野咁啦~一陣area 1多左units又要貼錢黎讀埋其他area既野~o岩哂學校既目的啦可?!

阿權黎到...我仲俾左我細個d相相過佢睇~佢話我同細個個樣唔似wor...可能而家對眼朦左好多~最緊要佢話我而家係靚過以前咪得囉~

之後我地落左金匯庭食學生餐~  但估唔到果度d咖哩飯咁辣...醫完肚就齊齊撘免費車出沙田喇~佢就落fz打機...我就返學校搵kimberly拍片~返到去同佢傾左一陣~再搵埋raichel就拍得片喇~段片真係好鬼正呀

大約5點幾我就走得喇~佢地要留起圖書館做埋business既功課~加油喇