琴晚12點幾就訓...但唔知點解今朝訓到10點鬆d仲係好眼訓...

點都要起身喇~11:30要上英文...返到去都係miss講左一陣做research paper既「泡泡point」, 跟住就同每一組人睇下大家既進度...我果組係做Lolita...因為有個組員手頭上有基本資料...但唔係好知個outline寫乜好, 咁miss都俾左指引我地...有頭緒既...但我覺得搵料方面有d困難 (鬼叫得我一丁友修music咩~我係做Lolita起entainment方面對香港個society有咩影響) 希望有書參考下啦...

咁o岩我果組另外一個女仔冇返...變左成組得我一條女...於是果陣cindy問我地果組, 點同另外三條麻甩佬做Lolita個topic wor...我都唔知點答佢好...

落左堂就同sasa去hall can食晏...食左個肉醬意粉...佢之後要返屋企等人上黎set上網d野...咁我都走去聯合lu~等阿權黎~黎左冇耐一入錢打鼓就有人問我同唔同佢地session...有得玩little prayer

今日都幾攰~可能係咁搞到打左幾舖鼓都冇分加~當交學費算喇...

之後阿權嗌餓~咁我地我左新之城後面條街...有間野d單拼粉麵一律10蚊, 咁佢要左個雲吞麵...

再去家樂商場對面~一人買左5蚊野飲~我梗係例牌叫返杯朱古力奶茶啦

之後行左一陣~再起聯合打左一陣機就返歸lu

今日晏晝約左vivian同sasa去打乒乓波...雞脾都黎埋...後尾阿sasa同雞脾1:30要上堂...咁我同vivian繼續打...

vivian勁左好多 (尤其係冚波 ) 果然上左幾堂係唔同d...搞到我成日執波

後尾阿sir都黎打, 企起我果邊...做左替身~

不過呢排我打乒乓波都算打得密~所以打得快左...但講到冚波仲未夠功力囉...同埋命中率麻麻地...慢慢修練啦

打到2:30就同vivian去買野飲同坐低傾偈~都係傾屋企d野...佢地要咁諗我地都阻止唔到架...我地都咁大個人, 點解對於我地既事仲要咁敏感...理性d唔得既...?!

之後3:30去左上中文...頭一粒鐘都係講殘雪既生平事...所以我起樹雲遊四海...其他同學都唔例外~@_@

落左堂同candy放學...見肚餓就起火車站隔黎既小食店買左$5魚蛋

之後去fz搵阿權...我開齋玩she said adv...雖然冇上代咁多combo (上代好似3xx combo架)...但係個perfect率都嚇親我...有成72%...咁梗係有分加啦

我地打完一陣機後, 佢就送我去車站撘免費車返歸lu~

今日食完老媽子整既炒烏冬...彈左一陣琴~

跟住阿權打黎...咁我地約左起曾大屋打乒乓波...果處都唔錯呀...有成8張枱...不過d網個頂係搵鐵整...咁會搞到d波成日店到果度反彈上去...仲有人嘗試去表演絕技

打左半粒鐘多d就剷上去阿權屋企lu~佢老媽子琴晚整左三杯雞~咁我叫佢整兩件過我試下~伯母手勢果然唔錯

仲有蛋撻食添~其實酥皮都唔錯丫~不過連續食兩件會太滯~所以食左一件算了...

之後約左爹爹佢地起河內道等~知道pp張gf咭係第4階層~即刻搵佢同我session~好想玩magical jet tour同dream rush...期待已久...

不過呢兩首都係得個A...之後因為冇時間揀歌迫住玩no more crying...無啦啦加左1%...仲要開齋A左  魔笛adv加到60%...計返sp...加左兩分~

之後大家輪流打左舖dm/gf就去食飯喇...今晚出黎既主要目的係傾下我地暑假去camp既事.

我地叫哂野食, 個伙計已經覆左一次單架啦~點知我個黑椒牛柳等左幾個字都未黎...咁我地催下佢, 佢先話漏左單wor...搞到我餓到gi gi聲

食完飯再落河內道~靠session玩rebirth (計返sp) 同埋之後玩lucky staff 夾埋加左1分...

11點幾阿權打黎~同佢傾左一陣  之後冇耐大家就各自撘車返歸lu~

同爹爹撘81C果陣...傾緊某人d野...有趣有趣

琴晚好乖乖咁12點就 ~所以今朝上8:30堂IT lab係第4個人返到去, 難得呢?!

呢堂仲係教Excel, 今次係第3份assignment...我地set set下d formula發覺係阿sir set定左其中兩條formula既~所以好快收得工~

10:30起sce tower地下join埋vivian同candy就諗住去R7樓上...跟住阿權打黎, 話佢返左去IVE交功課wor..佢隔一陣就去勝利打DM10...咁我去樂富圖書館俾對私家Q佢先...

之後去舊校同vivian, candy去食晏~跟住去上英文

坦白講, 上得最輕鬆既係英文堂同IT堂 XD

落左堂就係例牌去河內道搵阿權~似乎我第一舖都打得幾順~mushroom boy+3%同lucky stuff+4% (呢首又計返sp)~就係咁加左兩分...  不過~mushroom boy對我黎講都幾難full到 =.="

之後阿權話佢晏晝仲未落格~咁我同佢去吉野家食左個下午茶~再落河內道打左一陣機...夜晚再叫個牛肉飯餐~順便草埋印花, 有得換大既牛肉飯食喇

佢今日好慘呀...喉嚨吊盅發炎搞到個飯好難食到

差唔多8點就去中港城睇「同撈同煲」...

之後去尖東坐下  跟住再行去紅磡撘馬鐵返歸lu~

今日返學之前去左fz搵阿權~過左一陣我就要走喇, 因為我12:30有中文補課~咁佢送我去火車站

補完中文阿candy話佢要同人傾project, 所以要食自己~買左個三文治就算lu~

到2:30上public speaking, 仲有幾個人未present...睇完佢地present~miss就話黎個「殘酷一叮」, 佢會叫你抽cue card~入面有一個題目, 咁你要即場brainstorm 10分鐘去寫果個題目d ideas...唉...我果個係SPY~勁難發揮呀...人地果d就好啦~咩咩T-back呀, perfect body呀...抽到Tokyo都好丫...

過左10分鐘, miss就會隨機抽人出黎present兩分鐘~再隨機搵兩個同學~一個計時, 一個負責隨時叮人...跟住叮人果個就好似李克勤、梁榮忠咁~話返俾你知做乜事叮你...同埋有咩好唔好既地方...

miss都係抽左十幾個同學出黎present (所以我冇獻醜 ), 之後第2 round搵左講得最長時間果兩個~

之後黎多個talk show, miss叫大家寫幾條關於「成功」既問題~然後搵一個主持一個嘉賓~係想訓練下我地唔好有咁多dead air wor...

跟住放學要幫老媽子去Lush買野沖涼~順便起又一城行下...