由琴晚開始, 真係比前幾日涼左好多...

天氣涼左~梗係訓得舒服d~所以都係訓多一陣先捨得起身返學...

又落雨喇~要擔遮~真係麻煩=.="

今朝係上國畫堂~係自己剔名~所以遲d返都冇咩問題...

返到去係做d我地n年都冇做既野－－寫大字...我一向都寫得唔好睇既~睇黎睇去總有怪怪既感覺...

落左堂就同vivian去日本餐廳度食個炭燒印尼雞扒配飯~幾好食但係辣既...我個喉嚨唔使要喇

一食完飯就勁眼訓...唔知係咪加埋食藥既關係...精神同肉體上倍感疲倦

所以到左電腦lecture就起度釣自己...

上完呢堂有一粒鐘天地堂~落去9樓library...見到candy~佢要拎中文d論文去影印, 咁我順便影埋喇~d論文係4揀1, 要寫2000字呀...  5月11號交貨wor...

同佢上完中文堂, 我就落fz搵阿權~拎d特效喉糖過佢食

我唔想打機, 於是同佢去左HMV度聽一陣歌仔

跟住就撘返免費巴返歸lu~

琴晚咳得好犀利~唔係幾訓得著~咁我今朝早d出門, 去舊校個診所睇醫生...

個醫生都好nice下~講野又調高少少個音, d語氣好似d細路咁, 太搞笑了

佢仲會撩下你講野, 話我條手鏈好骨緻wor...問我係咪自己配

睇完醫生就去上堂...個miss咳得仲嚴重過我10倍~聲都變埋  

呢排忽冷忽熱咁, 真係累死好多人...

1:30放左學就同sasa去食日本野~個鄉村意粉幾好食, 不過個湯就好淡...咁我諗住落美極整鹹d...點知d味好怪, 唔飲lu~

之後係約阿權起聯合等, 食完野佢未放學黎, 咁我就去旺中睇頸鏈~睇左好多間~卒之起頂樓買左條十字架~自己揀埋條皮鏈~

打左兩舖DMV冇分加...諗住過埋nonstop乙女既ext, 點知第2首未完就香左...

冇心機再玩喇~同佢行下皆旺好過~

到左8點鐘就去學琴喇...

今日本來同vivian同sasa打乒乓波, 但阿權琴晚icq話佢唔舒服, 咁我諗住過去睇佢...

佢托我買3包快熟通粉~咁我夠鐘出門撘免費車...於是去到沙田先買, 諗住落新城市間惠康買~去到先知果處已經裝緊修, 要起Citysuper wor...再諗住上4樓間百佳買...又唔醒起果處幾個月前已經變左大眾書局...我自問起呢一兩年既記憶力比以前差...

卒之要走到好運入面間百佳買, 我又買左包迷你版出前一丁俾自己...跟住越過條成門河去佢度...果2-3個字既行程已經搞到我成個背脊濕哂...

上到去都係佢煮完通粉就煮麵俾我食... 　食完野都有d眼訓 (呢排成日都係咁 =.=")

訓左一陣到3:00就落去撘車上堂...雖然琴晚起點幾訓到今朝十點幾...但上堂果陣仲好攰...唉...可能前幾日病啦~

呢兩日個喉嚨冇咩痛, 係早晚咳得多d...放左學都冇咩野...都唔知睇唔睇醫生好喇...

後尾決定行返去舊校睇醫生, 起附近經過祟得健康週既宣傳, 係講解女性癌症wor...

之後見肚餓再起canteen買左腿蛋治食, 跟住阿權打黎, 佢話仲起fz wor...以為我差唔多到沙田...

咁我諗住睇醫生, 就hold住佢個電話去登記, 點知佢話過左六點...截左wor...唯有明天請早囉...

就係咁我就去fz搵阿權...

睇下我聽日情況點先決定去唔去睇醫生啦~

今日...又眼訓又冇咩心機咁...唔知咩事...=.="

前幾日老豆打黎話今日會撘飛機去大陸幫人睇病+拜山...咁佢托我阿媽買花膠俾佢燉藥俾病人食wor...諗住今日拎俾佢, 咁我阿媽叫埋我一齊去機場搵佢~都好耐冇見老豆喇~

殊不知我戴埋con換埋衫, 老豆一個電話黎就話唔使去~因為佢地1點就要登機, 我地10:30先出門口, 去到都勁炆水...無奈~

於是我同老媽子同埋個auntie去左美心飲茶~見到個舊同學~但佢睇唔到我...

下晝返黎都係洗下衫跳下DDR彈下琴睇下獎門人上下網就過左一日lu...

前幾晚都唔夠訓...所以今日12點幾先起身

估唔到阿las仲早起身過我，打左個電話黎~問我今日係咪出荃灣wor...(上星期同佢講過)

咁我話3點幾出黎...因為我食埋晏同埋練一陣琴先去...

跟住同阿權傾左陣電話~彈左一陣琴就出去lu~

約左阿las起荃灣金星等~部DMV都幾好打~但係對棍輕左啲...玩左舖...out of breath 4xx combo...差啲計sp, 仲未去到上集既紀錄∼不過呢首野我係s得唔穩定架...因為好易爆good...

果度咁難得有DM8梗係玩埋啦~I fought The Law前面難到爆...差啲香...果首仲要係2nd stage~

我地玩左一陣就落左吉野家食飯~大家都叫左牛雞雙拼飯餐, 都係清一色咁飲左綠茶~就係咁我又草多3個印花lu~

食完飯後行左一陣街街~我想搵啲型型地 (好似十字架果類~唔大唔細果類) 既鏈...但去左幾個商場都冇心水...唔知有冇人話我聽邊處有多啲呢類野賣呢

之後同阿las影貼紙相，大家都好耐冇影喇~

跟住差唔多10點落左天天睇下有咩人落黎~去到冇咩人既~但冇耐就成班勁人黎...

我之後玩果舖玩得勁差呀...直昇機3玩到danger...No More Crying玩到香呀...點解會咁架...  一直以黎我玩呢兩首野都未試過danger...仲要咁多人睇住我死...嗚...(可能我果陣開始眼訓喇... )

咁阿las送我去天橋撘車佢就落去再打過~佢要玩魔笛 XD