今日下晝阿las黎學琴, 點知學學下呢~我地聽到「時時」聲, 轉頭望就見到仲大隻過蒼蠅既黑色物體~好驚呀~救命

呀!!!  阿las同我都忍唔住嗌左聲, 跟住標左出房lu~大家都睇下隻野有冇飛左出去先敢入房...過左5-10分鐘~一

切回復正常...噓!!

我由細到大都好怕昆蟲架~細過我隻手指既另計~好驚佢會咬我囉

之前因為復活假同埋之後既清明搞到冇英文堂上, 所以miss安排今日10:30補課, 但我9點鬆d起身果陣好攰, 所以都係唔返lu~繼續訓...

訓到12點鬆d就打俾may may喇~跟住約左佢起旺角火車站等~

跟住我帶佢去奧海既一番壽司食晏~d壽司都唔錯呀...佢整到d款好似元氣壽司咁架  不過拉麵唔好食囉~

食完就去奧海打左一陣機~DMV$3/4首, 抵玩囉, 唯美中不足既係冇得入咭...

玩左舖就同may may篤手指喇, 大家反應都比之前快左, 太好了~may may大左一年果然進步左wor

同佢打完機就經二期商場行返出旺角撘馬鐵~行行下經過ceu, 起門口見到件青色吊帶幾靚, 佢都有同感, 於是我地入左去睇, 佢又同時睇中粉紅色既同款吊帶, 我地都諗住買~咁佢話等佢星期一出左糧同佢一齊買, 同埋起果處買兩件衫係有八折架~太好喇

有成幾個禮拜冇睇殘酷一叮喇~點知見到個肥婆出場~仲要扮兔女郎~真係想 囉...

一到左凌晨12點冇耐就發生d咁既野...

有條icq友hi左我, 之後同我講: 「其實我好愛你...」

咁我問佢點解咁講, 跟住佢話: 「愚人節快樂」真係虛驚一場~被玩了

愚人節要做英文essay既peer-review, 咁我點都要死張見得下人既essay俾人睇~於是果晚做左約300字...

做到點幾, 勁眼訓..  點都要訓喇, 第二朝8:30要上堂~之後上到10:30, 仲有兩粒鐘天地堂做既~

做到差唔多12點終於做完, vivian話食日本野wor, 咁佢同candy去搵位先, 我即刻起門口叫佢地幫我叫個A餐 (意大利菜湯+

吉列雞扒茄汁意粉=$24  諗起都流口水...) 因為我要去R7 print份essay...

英文堂都幾輕鬆, 一邊做peer-review一邊同d組員吹水, 好快就過左兩粒鐘lu~

之後梗係做例牌野~去河內道一住打機一住等阿權~不過估唔到咁啱起地鐵車廂度撞到佢

夜晚都係去吉吉家食飯~之後去左尖東海邊坐~傾左好多野~

之後我地行去紅磡撘馬鐵返歸lu~

琴晚仲未準備好今日要present既野, 於是hold左部機成晚, 今朝10點幾起身再作「最後沖廁」喇~

下晝兩點半上堂~個present程序係...RANDOM既~即係miss鍾意叫邊個present先, 果個人就要present~佢仲會搵兩個同學幫

miss一齊計分~再搵另外兩個同學問人問題~個個都係咁

佢話一粒鐘for 5個人present, 每人既time limit 最少係4分鐘, 最多係6分鐘...連埋同學問問題...差唔多啦

所以三粒鐘既堂內係冇可能起一日俾所有同學present哂~

兩點半喇~個個都好緊張~ 第一個係邊個呢~呀!!!! miss叫左我個名~我根本仲未有心理準備~又會咁鬼好彩既, 又唔見我中六合彩...唉...

咁我就戰戰兢兢地present左...唔知有冇4分鐘...覺得自己冇咩點開口...因為我條片可以播到兩分鐘...我講個topic係近期好

hit既~天水圍青年因為失戀差唔多咩都掉落街果個呢~而我條片係起房屋署搵到既, 係說服人唔好高空擲物~好在d同學

既問題我都即刻答到...但miss果條就...有難度~(個個人都係咁講)

之後d同學present, 有d話題都幾有趣既~

有個係話打Pat Pat可以增強記憶wor

仲有一個係說服人點善用condom  佢好似叫winnie (唔係打鼓果個呀 XD) 咁啱miss叫我問佢問題, 咁我一時諗唔起問

佢乜好~於是我問左條白癡問題~係咩問題我唔講喇~費事俾你地笑餐懵~

今日諗住上阿權屋企, 見去到沙田有d時間, 就走去左沙龍打兩舖DMV~冇分加~算把數~

跟住去美心買左兩隻瑞士雞翼就上阿權屋企lu~好野~有人煮麵俾我食

請你食隻瑞士雞翼獎下你啦

食完飯勁眼訓~就同左佢一齊zzz~所以下晝果堂都skip埋lu~

聽日有Public Speaking既present, 係做presuasive speech, 機乎冇店過咁滯~要返去加把勁做lu~但個腦仲係空白一片~成舊雲咁囉~點落手唧~