今朝去舊校睇醫生~都係個喉嚨發炎~上個月先發過炎黎呢個月又黎...點解會咁架

之後就起canteen食左份三文治就食藥喇...跟住去上最後一堂國畫堂~今日要交論文同畫幅雞作俾佢...

一入到課室就見到有d人黎攝錄我地上堂既情況~我諗係同音樂科取消左果件事有關...因為報音樂做主修既同學係俾學校recommend我地去讀國畫~係藝術既來源...唔知邊個搵人黎攝錄~但係我諗佢地想學校知道上國畫班d人上堂好認真...想學校改變主意掛...我都唔太清楚呀

我覺得自己交果幅畫麻麻地~不過我又畫左雀仔, 畫左熊貓食竹筍同畫左d樹就拼埋一幅畫...今堂特別搵d顏色去畫~希望阿sir識欣賞啦

之後同vivian佢地去日本餐廳食晏~果陣d藥力發作..未食野已經攰死我喇

食完上埋IT堂諗住走...因為之後果堂中文都係聽人present~同埋約左阿權

行到衛衡體育中心斜對面個巴士站先收到candy電話~話而家人齊起hall canteen去傾中文第2次份小組報告~因為下星期一要present~到而家都未正式開過會~咁冇計喇...唯有用d腳骨力折返去傾一陣...傾完之後先撘85A搵阿權~之後就去文化博物館...成5點幾先去到~得幾個字時間睇  不過我地起果度都印左d有紀念價值既野~

跟住同佢去沙田廣場間people~佢個電話要增值...之後行左一陣就撘免費巴返歸喇

終於返到去睇「百法百眾」喇

今朝9點幾就俾個電話嘈醒左  原來係maggie打黎問我借快譯通...佢一陣quiz要用

咁大家咁o岩都係11:30上堂~於是約左起九龍塘地鐵站行返學...順便借埋部機俾佢~去到學校門口果陣就有免費野飲~罐野叫Red Bull...飲完係會提神wor~maggie一見到罐野寫住「含有氨基酸及咖啡因」就即刻掉左罐野落垃圾桶lu~話呢d野冇益~果然夠瀟灑  不過我都係費事徙野~又想提下神~咁就拎埋罐野上去飲~仲有人誤以為飲完罐野會壯陽~叫我小心d  因為罐野個logo都幾似寶力達盲牛架...

今日堂英文幾乎係冇教書~因為要交formal outline~miss真係會拎把間尺去度下你份outline d空位闊度係咪留左大約2吋  所以好多人都要整理d格式同出去print過份outline交俾miss...不過我地果組d野都算執得o岩~所以呢堂都過得幾空閒  望下窗口...有幾丁友坐起草地度都唔知做乜~好似寫生咁...一陣之後突然落雨~成班友就拿拿林跑去hall canteen度避雨~好似進行緊賽跑比賽咁...我地幾條友睇完呢個情景又真係覺得幾好笑

miss都幾慘~早一個月到而家d咳都未好得哂~佢話睇過4次中醫都未好wor...不過佢都唔定時煲藥~因為佢屋企冇藥煲...不過我都唔好得過佢幾多~因為我個間中有d咳

落左堂就同sasa去日本餐廳食晏, 叫左個怪味雞飯~好耐冇食台式飯喇~仲飲左鐵觀音

之後去圖書館整理下英文份功課就去聯合搵阿權~佢一開波就加左4分~首Rally差唔多full咁滯~有88%呀

好彩我都有少少分加~首mushroom boy升到85%~一直以黎都未full過

後來我條頸又痕又損左~因為前幾日係咁戴果條熊仔頸鏈~可能加埋d汗up住條頸磨擦到...阿權見況就叫我即刻除左佢...冇計喇~因為我條頸痕到就黎俾我抓損喇

之後同阿權去行下~起家樂商場對面個小食檔叫左杯布甸奶茶去飲~好好飲呀~但係一住飲一住係咁咳...仲俾人話我係暴龍  可能本身個喉嚨有事~加埋晏晝食左辣野刺激到佢 (食左怪味雞飯), 而家又食左甜野...所以咳到個喉嚨都就黎損埋...

睇黎聽日要見醫生喇~

今日諗住同阿權去荃灣~咁我地約左起fz等~佢玩左舖DMV後...有人話想同佢夾機~o岩果個人張gf咭係第6層~好野!!! 阿權有得玩隱藏歌喇~包括佢最愛既primal soul   之後果個人仲問阿權夾唔機, 咁阿權叫佢同我夾~咁我同阿權玩既歌一模一樣: say, carnival day同primal soul...不過首首都比上次玩果陣差左...可能係同fz部機既性能有關啦  夾機果陣果個人問我係咪小魚...因為上年佢見我玩gf, 問我同唔同佢一齊玩~之後咪識得佢囉...佢唔係fz人黎既, 只不過有時出開沙田就去果處玩下~你都知沙田冇咩機舖既DM打得過架啦~

今日見返佢, 佢都有同阿權傾幾句偈~幾多野講, 幾好笑容~而且夾歌果陣首首都係俾我地揀  佢都幾好記性~一年間撞過我只係好幾次~今日見返我就讚我瘦左同打鼓勁左

跟住同阿權撘48X出荃灣喇~好耐都冇同佢一齊撘巴士喇

諗住去國際玩DM6...點知去到已經係轉左DMV...4蚊冇得入咭  大家果陣都好失望...咁之後去金禾~玩左舖拍拍機~有新紀錄喇...

之後玩左舖DMV~到打緊out of breath果陣~隱約聽到個阿嬸竟然叫我個袋唔好掛起hi-hat上面, 驚整爛個hi-hat wor...由於我果陣玩緊所以我點左個頭就算~我心諗~我個袋爛都未到你個hi-hat爛呀下~最氣頂就係佢起我玩玩下果陣私自放我個袋落地!!! 有冇搞錯呀!!! 佢係咪發雞盲架?! 唔見人地起度玩緊架?? 如果我果陣揀緊歌一定會鬧瓜佢!!!  雖然阿權之後拎開左佢放起張櫈度...但係我個袋已經俾果個死人阿嬸污辱左喇!!! 我個袋之前係未放過落地架!!!

跟住我同阿權起荃灣冇地方想行, 為左彌補玩唔到DM6既心靈~咁我地就撘地鐵出柴灣玩DM3喇  今次真係遊地鐵河~由荃灣撘去柴灣...一睇條地鐵線就知有幾遠~成粒鐘先去到...當然呢段時間對我地黎講, 又好快咁過左啦

玩左好多舊歌好開心呀  比起初時o岩踏入機舖幾個月玩DM3果陣, real都係過到幾首歌...

阿權好叻仔呀~佢較左hidden果舖竟然開到extra黎玩~太型喇  佢話要開返燈玩既話, 較hidden係會打得比較好...咁不如你開過張咭轉行玩dark+hidden mode啦~好型架

打完機機就撘地鐵去鑽石山~荷李活商場有食品promote~有幾間公司開檔口~咁就去試左d快熟pasta...d汁好好味呀~如果我有米d, 一定會買你地返去食架  就算冇米~有得試食都開心既

同阿權起Pie & Tart一人要左個鮮奶撻食...佢係第一次試呢間野d撻~試完之後佢個樣好感動咁~好似廿年黎都未食過d咁好既野  睇佢個樣好似感動到差d想喊咁...  不過呢間野d批&撻真係好有水準既

我就當呢餐係晚餐~所以買多個粟米火腿撻黎食~俾左啖俾阿權...真係好好味呀...出面d薯蓉係脆脆地架~yummy yummy...

之後去埋鴻星海鮮酒家個檔口買$10樽楊枝金露就撘巴士返歸喇~

所有星期五既電腦lab堂已經上哂~所以由今日開始阿sir就會用埋果堂去講書...都係照住泡泡point講遮~所以今朝果堂蛇左王...因為太眼訓喇

今日同中文組員約左11:30去見miss, 傾下我地既第二份小組報告~所以我撘10:30第一班免費巴出沙田撘火車~返到去都11:15有多, 冇時間食晏喇~12:30傾完報告要上英文堂...咁唯有起見miss之前買左份公司三文治去食~3件食左兩件先~留返一件上英文堂先食...驚到時會肚餓

其實我地之前未一齊傾過果份要分析既小說-「愛美麗在屯門」，變左到見miss果陣先臨場講下大家點諗~即係未達到大家起篇小說度所產生既共識喇~miss都係因為我地咁而有d唔高興...就係咁就上左一堂喇~睇黎以後大家要做好d準備喇...

英文堂都係教我地做formal outline同project既格式~2:30落左堂已經餓到死死下喇~我個人到晏晝冇粉麵/飯落肚係唔得架...搞到我果陣面色都唔好睇

之後落聯合等阿權~自己打完一舖等佢再打完一舖DM就即刻出去食魚蛋麵喇...個胃終於都好返d

阿權呢舖都好叻仔~差唔多full左首Rally, 同埋OV有分加...咁就有7分進帳喇

玩到5點幾見到抽筋仔同個傻佬~即刻走夾唔抖!!!

咁我地去左大角咀附近一間幾靚既茶餐廳食飯~d碟頭飯都幾好味呀...仲有我呢排勁鍾意食既椒鹽骨飯添~

之後去奧海打機~唉...奧海部DMV冇得入咭雖然係平~但係吸引到唔少妖獸...睇黎奧海機舖已經俾佢地污辱左喇

不過呢間野令我覺得最可取既係篤手指機1蚊舖~仲要係幅幅圖都有時間bonus...所以勁抵玩~我同阿權齊齊創左新紀錄呀~1個credit掃左28關呀!!! 哇哈哈

今日同雞脾同阿昭起差唔多十點就去左Franki Centre二樓~秘書connie見到得三丁友未齊人...咁要等多一陣先開會喇~開會果陣阿Dr.Ella都好好笑容咁問我地有咩問題想知...咁阿昭準備左d問題問佢~都算係代表哂全部修音樂既人問架喇  開左成半個鐘會都係佢問問題同Ella既答覆...實在太勁喇

等我講下而家音樂科果邊點啦~Ella話係因為要有25人報先能夠成功開到一班, 但Biology都只係得22-23人報wor, 點解又開得班呢? 係因為Department果邊批左呢科開班喇 (我諗係個收生人數差距唔大先比開掛)

本身音樂係分開左5個項目去讀~咁Ella話會將其中4科 (除Music appreciation外) 撥入下兩個學期黎做elective (即係一個學期有兩個項目去揀)~咁都好, 我地班音樂人有打救喇...雖然呢幾個項目未必係讀音樂degree既標準~因為Ella話讀AD音樂d項目係叫專修科而唔係主修科...但係讀完之後報其他科銜接或做其他野都冇問題既~阿昭問既部分問題要Ella問埋上頭點, 先可以答覆我地...

咁我地填埋concentration re-selection份表~我同雞脾, whitney都會揀電視及電影黎讀...但係散左會大家先諗起一個問題~如果我地讀電影電視d野, 跟住揀左音樂d elective~咪比人讀多左野？同埋唔知hand唔handle到wor...真係越諗越唔掂~睇黎又有問題去問Ella佢地喇

之後就約左阿權~佢話今日派左天文份測驗, 有93分呀~真叻仔呀  仲有同學問佢係食咩奶大

齊齊行去樂富~經過肯德基見到學生餐$19.5, +$3就有兩隻巴辣香雞翼黎share, 食完再落吉之島超市買熟食  

食完就齊齊行去九龍城打DM5喇~真係好想懷舊下...同埋玩左舖KM2...都有成幾個月冇玩到KM喇...生疏左添

之後諗住返學校上堂~但呢隻衰野又提起土瓜灣有DM7玩~就係咁俾佢誘惑左過去喇...點知中左計~部DM7搬走左變左DM10呀...仲要成$4...周街都有得玩啦~仲平過佢好多...駛鬼起度玩咩

跟住阿權話想去嘉賓打DMV~咁我打完一舖就接到Kimberly電話~佢話今日要quiz呀!!! 咁我咪miss左? 好彩有得補考呀, 但要send E-mail同miss講, 佢先會同我講補測時間同地點囉  我始終都怕佢唔俾我補測~萬一真係既話就真係豪左10分俾佢喇...

同阿權一人打左舖DMV就行去紅磡~好鬼熱呀...搞到個身黐笠笠同埋好攰囉... 去到紅磡見o岩未過5:30就起kfc同佢食左$8雞邊翅喇~好味呀...但係少左d

食完就落Game Centre, 見到有部日本版既拍拍機~就搞到我用張20蚊紙唱左3蚊去玩...正過中文版幾倍呀!!! 遊戲, 聲同畫面都好正呀

之後就同阿權起摸摸索索既情形底下搵到火車站喇~齊齊撘馬鐵返歸