14/10  (五)

晏晝同阿權起五十嵐食晏~跟住行去黃大仙海龍打DM7懷下舊~再去新光打舖DM9, 個芒怪怪地...

晏d落尖咀打機~打departure慘死~未入主題已經冇得玩, 以前都差唔多過到架

灰爆~跟住禁住阿權叫佢唔好即時玩呢首歌~因為佢之前都過過兩次, 想再玩返

之後落麥記買開心樂園餐, 換左個蟠桃丸

夜晚去中港城食飯~28蚊食到捧住個肚~一款小菜+上海菜飯+豆漿　

順便睇「百法百眾」同「翻瓜大少」大結局

15/10  (六)

開始多功課同project喇~遲兩個禮拜又係咁quiz, 加上天氣乾燥, 皮膚想唔殘都幾難

雖然未至於要開夜車, 但一有野做我就有無形壓力, 仲要係未到deadline前一兩日都未有頭緒~你地話點算好呢

17/10  (一)

個嘴唇開始有d痛, 尤其右邊嘴角~一張開口食野就痛

晏晝去金星匯合阿權, 我見去到紅磡有d時間, 就起尖東間Ice Fire行下, 果間野好大間架

之後就齊齊起新港元綠食晏~跟住起Extravaganza行下, 件可樂jacket都幾啱心水~諗住試下~點知個男sells勁熱情, 又問我食左晏未, 我試褸果陣佢又撥我d頭髮, 佢近距離同我整理下件衫果陣, 佢望我既眼神...我覺得好怪, 怪到唔知點形容~真係嚇死我  仲要係佢個樣有d姣姣地我先驚...於是我同阿權覺得要買呢件褸都去第二間Extraganza買喇...

晏d去許留山食龜苓膏~要清下熱喇

夜晚臨訓前起個咀邊薄薄地搽d牙膏~希望會無事啦

18/10  (二)

個嘴比尋日腫~又痛左

今日上音樂堂, 過兩個禮拜要quiz了~要努力溫習

之後約左vivian去南山村食野, 佢有兩粒鐘break, 行行下candy打黎, 先醒起原來我忘記左佢...真唔好意思~下個禮拜再同你食啦~再行出去果陣, vivian見到佢個朋友家輝, 於是佢join埋我地, 行去city再行去南山原來好近, 比我地預期中既仲要近...又真係幾方便~下次識行去食好野喇

不過vivian覺得幾徙時間, 好彩d野好食咋~哈哈

夜晚7點學琴, 個miss都見我個嘴腫得好緊要

呢兩日搽左幾次牙膏都冇好過~諗住聽朝早d返去舊校睇醫生

19/10  (三)

個嘴已經無意中變左Q太郎, 真係腫到阿媽都唔認得呀, 兼且劇痛...

10:30先要上堂, 可以早d返去睇醫生喇~佢照下我個嘴, 周圍睇下, 話「乾、乾、乾...」就俾藥膏我搽

之前我都冇咩先兆覺得個嘴乾wor, 又會突然間乾到腫左

今日堂英文要直踩三粒鐘  上堂俾佢睇埋個essay plan, 過兩個星期要交喇~係要比較三個短故事 (話係short story遮, 其實每篇故仔都要花你成粒鐘去睇) miss話搵一個故仔係出面既會好d, 起碼叫有d創意~咁我揀左「貝隆夫人」好耐之前睇過, 但大多數情節我都忘記, 咁要去圖書館借DVD黎睇再回溫下喇...

20/10  (四)

呢幾日都唔夠訓, 兼且今朝上8:30, 所以一起身就好似啪左丸咁, 成身軟哂

返去上人際堂~一組組做第二次既workshop (即係做角色扮演或者示範apply concept果d) 要計分, 咁我負責扮老人院既婆婆, 係同人分享我既人生經歷, 當然係悲慘既~以下就係我同佢地既對話:

我: 「My 2 sons & 3 daughters have never visited me for several years.」

同學 (扮探訪老人既角色): 「Why? Because they go overseas?」

我: 「Yes, but some of them died. 」

成班同學起度大笑

跟住另一個同組組員講老人院既設備有咩唔好, 又講下佢平時有咩活動...

跟住另一個同學問我平時有咩活動, 我: 「listen to Chinese songs.」

同學: 「Which Chinese song?」

我: 「帝女花。」

同學: 「Do you sing songs?」

我: 「I have no mood to sing.」

全班同學再次哈哈大笑

d同學仲話我扮阿婆扮得勁似, 而miss都話我地扮老人家既做得幾好

21/10  (五)

晏晝同阿權去點心皇食晏~跟住去高昇玩gf, 佢呢排好有興趣玩gf~佢加到分個樣真係開心到不得了

跟住去美麗華買我心愛既可樂jacket

之後都係起金星打下機, 去到見到阿清~我同阿權都睇到O哂嘴, 佢真係勁到無倫

d perfect率仲...高到黐線添~d姿勢又靚

跟住我地兩條友神咁早5點幾走去豪發諗住睇下晚市有咩送, 點知一入去個侍應婆話, 「仲有下午茶呀, 有快趁手喇...」於是我同阿權一人叫左個粥餐食~好耐冇食粥喇, 要清下腸胃

夜晚起金星對面行過尖東~經過先知果邊好多野食, 去開尖咀咁耐先知...

尖東真係幾好氣氛, 又幾多野睇wor, 我都係第一次夜晚黎呀

有間舖仲好似成條迷宮咁添呀 (Labyrinth)

之後坐起紅磡火車站附近無端端起度喊...

有時見到尖咀d女仔真係特別心傷...個個都苗苗條條, 身形真係同電視藝員有得媲美~簡直羨煞旁人

23/10  (日)

阿las黎學琴~佢夜晚同埋我地一齊食住家飯~今晚仲有雞翼添呀

之後佢話生左隻智慧牙, 同前面隻牙之間有空隙, 搞到塞左d食物渣滓都好難清除...希望你無事啦

24/10  (一)

今日dayoff+媽子同朋友跟團去黃山旅行 (五日四夜)

前兩日都訓到中午先識彈起身~但估唔到今日9點幾就醒左~跟住起麥記見到有邪留丸公主換, 所以第一餐就係開心樂園餐

阿權兩點幾放學就上黎, 夜晚都係我親自下廚, 整茄汁長通粉 (佢話好味)

但我買左包餃子係佢屋企平時食果隻, 話好多油wor~咁我煮果陣隔過兩次油, 但食落都係滯滯地

之後落去買雪糕同蝦條食~返上黎ICQ問個組員, Critical Reasoning份project有咩幫手, 咁我就幫手睇下個圖應該係點 (有成廿幾個論點, 就係諗下點推斷d前因後果...)

跟住齊齊睇「阿旺新傳」同「佛山贊師父」

哈哈笑完就送阿權去撘馬鐵~如果日日好似今日咁就好咯

3/10  (一)

今朝10:30返學校開會, 要傾英文project, 預備星期三既present~晏晝就同阿權出左長沙灣食飯同起龍威打機

到4點幾阿權就起九龍塘火車站果樹撘巴士返歸先~因為我要再返學校同d組員去見miss, 有d野唔明想問, 一傾就傾左成粒鐘...

之後照舊坐80M去沙田轉撘免費車, 但時間唔啱, 走左去撘85K~起頌安落車再去ok便利店買雪糕換miffy~行到新港城見到阿軒同瑪蓮娜, 吹左一陣水

5/10  (三)

今日係開學以來第一次present, 我不嬲對present都有d恐懼感~好怕講錯野  成班人望住你一個講野wor...

搞到自己都唔知自己講乜添...

7/10  (五)

今日上完英文堂照舊起12:45起圖書館等阿權, 我好想去南山村食晏呀~佢話唔想行, 就撘地鐵去果樹, 搵左一陣就到喇~咁我地去左品香樓, 南乳雞翼菜飯好好味呀

之後撘地鐵去天天, 聽講果樹有DM4玩, 但事與願違, 去到果樹部DM4經已不翼而飛  得部DM9~把鬼!!

在失望的情況下就去國際碰碰運氣, 睇下會唔會有DM6玩~果然有呀!! 總算不枉此行  於是我地夾埋起果部機都進貢左成二三十蚊咯~d歌真係好玩過而家果d好多...

之後去麥記買開心樂園餐, 有邪留丸玩具換呀~換左隻三小妖

夜晚就落尖咀食飯打機~有新紀錄呀, 上左身打膠遮~83% sp開齋計分, 平時呢首野頭果段打到亂龍~今日就係咁食perfect

阿權話見我戴帽打鼓好似型d同打得好左wor, 搞到佢都想整返頂

9/10  (日)

傍晚阿las黎學琴, 之後同佢出沙田連城食飯~起間日本野見到話d餐45蚊, 點知入到去先知果d只係午市, 搞到大家都要犧牲左張紅衫魚黎食個二人餐~下次去食野之前都係要睇清楚d餐牌喇

之後一齊起沙龍打陣機就走喇

10/10  (一)

雙十節+DAYOFF

同媽子同佢個朋友飲下午茶, 傍晚阿權打黎, 話佢隻智慧牙橫生腫左~就去搵牙醫清理

11/10  (二)

重陽節假期~晏晝同阿權去新世紀food court食晏~有間食上海野起午市套餐好抵, 一碗麵+小食+豆漿只要20蚊  之後就行下街同落尖咀打機~勁耐冇玩she said, 玩左兩次就計sp~但得63%

25/9  (日)

今日老豆撘傍晚機返台北, 咁我同媽子去機場同佢見下面~佢就話約起美心閣對面間餐廳, 但果樹有兩間餐廳打對面~點知1/2機會我地都入錯

其實我地早到左~等左個幾鐘佢先黎到, 仲要係電聯先知佢同個朋友起隔黎間恆香棧...我阿媽都傻傻地既

如果我知道淨係得老豆一丁友黎, 我肯定叫媽子起恆香棧果樹等佢, 老豆又係講到唔清唔楚既

不過見老豆之餘, 佢送左條頸鏈俾我, 仲俾左d錢過我買冬天衫

今日都係擺烏龍作怪, 間西式野麻麻地好食之餘, 叫左個二人餐, 找數都找到傻

26/9  (一)

今日阿權放11:30, 就約起聯合等~打左一陣機就去新世紀food court食晏

之後睇住佢起聯合地下買左對nike鞋返黎~有收穫喇~開心啦

本來我都諗住買dunk low, 係淺粉紅有dunk low凹凸logo果對, 我唔係特別鍾意~但鍾意佢d凹凸feel...

到左傍晚就齊齊撘馬鐵返歸

27/9  (二)

朝早落到狗屎咁~成對鞋變左水鞋~濕到阿媽都唔認得

放左學同vivian去食日本野~之後candy打黎, 諗住同我地去hall canteen食晏~因為佢得一粒鐘lunch, 想同我地食晏早d講嘛

之後起李作權大道睇下賣物會d野, 諗住買patrick cox銀包呀~減左價399呀  但我想睇定d先, 買野呢味野唔急得架

跟住起圖書館print埋d notes就同vivian去舊校, 佢起果樹上堂, 我去還埋碟就返歸喇

29/9  (四)

本來同sasa同jenny食晏,  但佢地臨走有野做甩左底~要食自己喇

我都係得一粒鐘食晏~咁我就心急去賣物會度買左個銀包先~本來想買patrick cox黑底彩色花果隻, 但有得裝埋碎銀果度賣哂~白底果隻又麻麻地, 後來個sales見我著黑衫咩黑袋咁, 佢就話睇我都應該唔多鍾意著d太colourful既衫, 我附和, 就介紹左隻黑色銀包 (黑底+黑花)過我~掂wor, 睇落比其他款似貴野~於是就買左佢落黎lu

買左野仲有得抽獎, 同埋擲銀仔~睇下中唔中落某幾個位置度, 擲中中間果個圓圈就有大獎~咁我隻童子手呢, 一擲就擲到個大獎~有princess袋/頸鏈送, 我仲以為係咩得果d袋, 點知個size係裝m巾果d...

咁梗係要頸鏈啦~都幾靚架, 呵呵

之後用左3個字黎起聯福食晏, 12:30要上堂~今日要交group list, 上星期有兩個女仔話同我一組做野, 但今日咁啱得佢地兩個冇返, 於是我寫埋佢地個名上去~雖然今日有兩個熟d既同學 (佢地上個sem同我一班上中文) 問我有冇組, 冇計啦, 我應承左果兩個女仔先

咁啱vivian又係放3:30, 就同佢一齊放學啦

30/9  (五)

今朝上8:30英文, 照舊同vivian一齊返學, 呢幾日都慣左搞到遲左出門, 真唔好意思

之後12:45起樂富圖書館匯合阿權, 就去左尖咀扑野家食晏

跟住去金星打下機, 再去尖咀sogo, 今日開張喇

果樹就係小熊國果個位, 得兩層, 所以d舖好集中

好想買Von Dutch既帽呀, 最鍾意有星果隻, 但成四舊幾水, 太貴喇~閃石帽做優惠, 但最抵死淨係紫字果隻先有得減, 徙料~果隻紫色好淡架, 都唔靚既~唔買lu~遲下都係買粉紅色果隻喇~行去浸會附近果條路冇返頂帽傍身好唔掂, 肯定曬到變燒豬

起rainbow city度有d tee有6折~咁我買左件daisy lover既tee (即係果隻馬騮仔), 隻馬騮係搵細細隻既英文字母拼成, 幾特別~呢間野平時唔減價既話, d價錢係幾得人驚~一件冷衫既價錢係成四位數字

買左件tee仲有手機繩送添

夜晚去左叫送食飯, 有菜膽上湯雞同回鍋肉 (咁大個女都係第一次食回鍋肉)

之後經過ok, 有miffy手機公仔換呀, 但係我唔多想起ok買成廿蚊野...係wor~買雪糕咪得囉

今日玩得開心~聽日要努力開工喇~星期三有英文present

18/9  (日)

今年中秋都係起返沙田過, 為左應節，阿權建議今晚打d同中秋有關既DM歌: Mr.Moon, 月光碟果d...

我打Mr.Moon唔係穩S架

夜晚去大快活食飯, 之後起中央公園點左兩盒蠟燭（舊年買左10蚊5盒蠟燭仲剩返4盒)　

睇黎出年仲要玩點蠟燭喇...開始唔鍾意咁樣過節, 出面又多人又坐得唔舒服　

收到唔少人既SMS祝賀中秋節快樂, 多謝你地

19/9  (一)

今日約左vivian同佢個fd起家樂商場green box唱k (唔知佢個名點打 ^_^")

由於vivian早排買手機送張100蚊既coupon, 所以夾埋用左5蚊就找到數

聽到個服務員講，「多謝5蚊丫」　都係第一次聽見

之後大家都係起旺角行下, 起新之城打下機, 太鼓7抵打呀，4蚊4首~同埋好鍾意日本版既拍拍機

跟住大家買左盒章魚小丸子share黎食，同埋食佢個fd帶黎既兩件東海堂月餅

大家都同意搵日出黎淨係掃哂d街頭小食, ３個人份量啱啱好

到左6點幾就散水，送埋vivian去撘巴士我就去太子娛樂城匯合KM家族，補祝中和生日，去左BB任食

叫左好多野食，一定食剩，照舊係班仔猜輸左就要啃哂佢, 當中既片段好好笑

食完飯我都攰喇，第二朝要返學, 唔跟佢地去聯合喇，就同爹爹撘馬鐵返歸

20/9  (二)

今日上World Music Appreciation, 都係教印度音樂

12:30落堂, 賣左3本舊書俾d year 1同學~有二百幾蚊進賬

之後同vivian去delifrance食晏~冇耐jenny打俾佢話過黎搵我地, 後尾佢食完話唔夠飽, 於是我地起kfc一人叫一d小食share黎食  跟住行左一陣就返去lu

23/9  (五)

呢幾朝係咁打乞嗤流鼻水, 以為係鼻敏感發作, 但由琴日開始~覺得自己真係傷風呀~鼻酸酸咁

於是上完英文堂就去舊校睇醫生~食左藥勁眼訓~就起休息室張枱上訓左個幾鐘~訓到12:15就行去樂富圖書館等阿權, 佢12:30放學

之後齊齊起旺角地鐵站匯合tommy, 去左大家樂食飯~

跟住去信和睇阿權想要既鞋~但我認為隻款太過女仔, 於是佢都係考慮買nike灰色絨面果對鞋

走去聯合打幾舖鼓後, tommy走先, 之後我同阿權起始創行左陣~再去新世紀個food court飲杯野就散水 (發覺呢樹既晚市勁多正野食

24/9  (六)

夜晚睇「殘酷一叮」, 睇好爆炸猛男PHD~雖然馮生都唔錯, 但猛男搞笑好多, 好有娛樂性

估唔到佢地最大同最細既年齡竟然差成十幾歲, 但佢地拍埋去好似差唔多咁

點知佢地都係輸左, 可惜

唔知呢排點解冇乜打日記既意欲, 可能係懶蟲作怪

為免令大家對我既近況產生嚴重既懸疑, 係時候講下我近排有咩搞作喇...

11/9  (日)

夜晚同KM家族去荃灣金禾集合再去沙嗲王食飯 (佢d野都幾抵食), 同芷霞家姐同阿las慶祝生日嘛

中和呢晚要同屋企做節, 所以下個禮拜再同佢補祝

之後再返金禾打一陣機, 果邊部鼓機5蚊我冇興趣, 兼且壞壞地...最鍾意就係玩新出既pop'n 13, 得好少地方有...

好想其他機舖快d出pop'n 13呀...尖咀果邊整部就好喇~好多歌好好聽

聽日就開學喇...唔知呢個學期會點呢

12/9  (一)

今日12:30先有堂~所以有得訓晏d

返到去係上Basic Business Statistics, 但班中一個熟人都冇

雖然個阿sir講野都幾搞笑, 但上完一堂我覺得呢科都好難下, 尤其個survey project

連埋呢科我今個sem會6科19 credits, 基於呢幾個原因, 我考慮drop呢科...

3:30放左學去無線搵阿權, 到下晝為止我成日得兩碗麥皮落格, 超餓~就同阿權起扑野家食下午茶, 順便對下大家既時間表 (佢今日返到學校先有 ) 點知大家呢個學期d時間都唔多啱, 佢放早我就放晏~反之亦然~經商議後都係星期一同五係最佳見面時間, 星期五仲要係我等佢五粒鐘, 我放10:30嘛, 真係返屋企訓完個靚覺再打扮一番先再出去見佢都未遲...

16/9  (五)

返左一星期學...超攰~唔慣早左起身返學 (星期四五仲要係返八半)

不過今日上完英文堂就走得, 朝早10起身走得人又真係幾爽下

約左媽子去稼軒飲下午茶, 但放左學又肚餓, 見有時間剩就去又一城麥記諗住買個板燒雞腿飽餐食, 但放學經過李作權大道果陣俾左90蚊參加牙科個plan: 一年包兩次檢查同洗一次牙, 原價100同埋個promotion係做到今日~所以俾完錢我個銀包得返廿幾蚊, 八達通又負值要入散銀, 起迫不得已底下只可以齋買飽食, 有少少辣但幾好味

之後撘埋80M返沙田就啱啱剩返8蚊, 夠起無線打兩部DM~差唔多成個禮拜冇打鼓, 加埋果陣又攰, 狀態唔多好wor, 膠遮得返個B, 仙境又差d香...係首Infinite比較可取, 有4xx combo, 但得個A

起冇錢既狀態下阿權就打黎, 原來佢星期五下晝果兩堂調左去星期四上, 以後都係咁呀!!!

咁我地以後既星期五都可以齊齊食晏, 佢今日都有叫我出去, 但我冇錢, 同埋約左媽下飲茶, 唔去喇~聽日都見面

阿姨傍晚黎, 夜晚同我地一齊食飯做節, 佢今晚同起屋企過夜, 因為聽日佢同媽子去惠州旅行~兩日一夜

我睇完妙手仁心大結局就訓喇, 攰到黐肺

17/9  (六)

阿權上黎我屋企, 跟住齊齊去超市街市買野返去煮~諗住整乾炒牛河呀, 同埋灼菜

我從來都未整過乾炒牛河, 不過味道都唔錯, 衰在唔夠火喉, 我應該炒耐d...

我只不過將d河粉兜兩兜同埋落d生抽調味, 再炒下d牛肉就食得, 好簡單

之後大家玩下PS DDR (手掣決戰), 又有二人生活空間

好快就到傍晚喇~阿權要返屋企, 夜晚成家出去食飯做節~

天氣唔多好呀~好怕聽晚出唔到去應節

為左彌補琴日既損失, 我決定今晚再戰麥記, 食返個板燒雞腿飽餐, 再起惠康買白菜留返夜d食