|
| |||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2005 年 12 月 25 日 星期日  |
聖誕...  |
20/12 (二) 今日最後一日上堂, 我地俾個同學「鑑生」咁捉住去影班相...我既蒼白面色總於亮相了
兩點就去聯福樓飲下午茶, 有vivian, candy, crystal, jenny, sasa同佢個fd, 連埋我7個人...好少可咁熱鬧咯 叫左咁多野食都係夾左三十幾蚊, 多人去飲茶真係著數
之後同candy諗住去Office搵阿sir拎功課, 點知佢唔起樹wor...咁啱我同vivian撞到Vicky, 最抵死係我地都冇Literary份功課既hard copy起手, 變左撞到救星都冇用...問唔到佢我地做既野啱唔啱...唯有等死囉 (係我遮) 夜晚7點就去學琴喇
21/12 (三) 起身已經點幾~勁大風...大風吹...一開窗就中頭獎~成塊百葉簾撞向我額頭...都唔知好嬲定好笑
下晝去附近飛髮, 再唔飛真係好染...成隻獅子咁 一入到去就有條靚仔問你點稱呼你...之後我一坐, 又有另外一條靚仔話睇下我啲髮質
以為佢係師傅, 點知同我講完一倫野先知佢係徒弟仔 到洗頭仔同我洗頭, 睇佢個樣好似幾cool咁, 但佢途中問左我好多野, 又問我聖誕有咩做...都算有講有笑
諗返起幾年前去飛髮既遭遇同而家真係好唔同, 果陣只係學生染妹時代, 一副四眼既八兩金亮相, 俾人用啲串串供既口吻問我, 「塊布會唔會箍得你太緊呀?!」 我聽唔清楚, 再問佢一次, 佢啲態度就更惡劣...
可以話, 呢個遭遇係其中一個令我既自尊心一年比一年重既因素... 雖然起我角度黎講, 人不可以貌相...但係起salon啲人黎講, 絕對係啱啱相反...加上幾年前幫襯果間野個師傅同我飛髮一次比一次求奇, 所以我都冇幫襯佢咯... 之後就用左百佳張50蚊coupon買左一盒大排檔綠茶 (我已經習慣左差唔多日日都飲), 一盒廿幾蚊既Almond Roca同埋一包蝦條...已經要貼多兩蚊
22/12 (四) 今日同阿權去奧海打機, 順便諗住去金牌坊間小薯大廚食通粉餐, 點知間野執左lu... 雖然好多靚妹黎奧海打機, 但係冇乜人玩鼓機, 所以我地一人都打到5-6舖, 仲見到gingging
我而家dm新歌+復活歌係676分, gf Metal Queen既bass好難呀...
到7點幾約左阿軒去老銅, 佢佳人有約, 我就陪佢去果樹睇下有咩好野食...諗住睇啱邊間野食訂24號晚嘛 之後阿權打黎稟報話見到阿軒所謂既佳人起聯合wor...仲好似唔太開心添, 睇怕因為冇你陪佢掛
跟住同阿軒起翠華餐廳share左個餐 (佢夜啲要返屋企做冬, 唔食咁多野), 點知食左半個餐都滿足左我晚餐所需...唔知今晚咩事, 肚脹脹咁
諗住去時代影貼紙相, 點知間野變左Pageone...跟住去世貿影, 食
24/12 (六) 下晝同阿權起河內打左一陣機, 就坐船去中環喇, 我地起皇后大道中間喜悅訂左位今晚食火鍋呀...
講真, 今日我狀態唔太好...真係要過紅色聖誕
火鍋叫左好多野食, 橙汁蔗水都飲左幾壺...
聖誕節, 要完成阿權既心願, 佢差兩舖勝就有香港超特急玩, 於是起上環果邊睇下有冇機玩...點知行行下搵到K2 wor...益左你啦
之後落中環, 去啲冇咁多人既地方過二人世界
特別節日真係特別多人著靚靚...搞到我對眼好唔得閒... 跟住坐返船去尖咀, 飲下野行一陣都成兩點幾咯, 大家攰到就黎行唔郁...跟住撘馬鐵返歸 |
| 刊登時間︰2006-01-03 02:17 PM [ 訪客留言(4) ] [ 編輯日誌 ] [ 分享至FACEBOOK ] |
好鍾意個炒蘿蔔糕, 如果少啲油咁仲好
囉, 兩條友都唔識睇日文, 影完相無端端冇野畫...搞到好寡囉 
2005 年 12 月 20 日 星期二  |
| V2登場!! |
呢排做project做到成隻屐咁~到今時今日終於搞掂哂喇!!
不過最擔心Literary份Individual Chapter (即係compare兩個short story), 唔知自己寫既point啱唔啱...
由於近排係咁趕功課, 所以有好強既食慾~我覺得搏殺時期食飽飽係好開心既!!
11/12 (日) 阿權已經打左5舖DMV2喇...我唔得閒去打呀...哇...
仲要玩到成三百幾分!!
好想食火鍋呀!! 見佢得閒就叫佢睇下有咩地方任食火鍋抵又好食既~為聖誕做足準備！！
12/12 (一) 朝早返hall canteen開會~之後約左阿權食晏, 順便同佢為後日既interview做足準備, 身為佢既另一半, 點都要支持佢既
今日開始打左一舖DMV2...去左荷記~張櫈太高喇~too bad... 之後去food court食晏, 啲野都幾好味
之後再返學校開communication theory個會, 點知講左兩句就走得...再打俾阿權約去奧海打一陣機 之後唔知做乜~好好火~個心燒到磡磡聲
因為我起地鐵站等左佢好耐...跟住起度鬧佢...原來我起電話度聽漏左句野...引起我對佢既誤會~sorry 奧海轉左老細~煥然一新, 仲多左兩部好cute既鼓機同腳踏機 (個鼓機淨係打兩個鼓), 呢兩隻機都有好多好cute既日文歌玩, 但唯一唔好既就係呢兩部機太易玩喇...對玩開MG既人根本一啲難度都冇
我想要既咭買齊哂喇~DM: 三度笠, 上海~GF: 主咭, 南風
13/12 (二) 第二日要present communication theory...哈~一啲野都未郁過~真係要搞掂哂先可以離開學校喇...同佢地做野都幾開心~有講有笑咁...大家5點幾食左野~做到成11點先走~我果陣都好肚餓...傻更更咁起大圍火車站落車, 起附近既街頭小食食左格仔餅同燒雞翼...之後順便行去京拿果邊~有DMV2呀!! 6蚊雞...不過見到我唔想見既人...所以唔入去打喇
之後返歸~準備完theory既present就要做Literary...所以成晚冇訓~飲左幾杯綠茶頂檔!! 鬼打咁精神!!
15/12 (四) 沙龍有DMV2, 成7蚊好x貴呀... 不過我忍唔住玩左兩舖喇...螢有10xx combo呀
16/12 (五) 正式投入去DM/GFV2喇
一舖機成六蚊雞~仲有啲傻佬走去打哂啲舊歌~見佢打妄想學園full唔到就想棄機...有病的 想用分數證明自己實力都唔至於要急功近利丫~睇下阿min阿yin果啲...都未見佢地打V2~都係打DM5, 8果啲 睇你打兩舖就知你實力係點啦... 今日我同阿權都加左好多分...我都開左GF咭去玩喇 Lolita前面騎馬果部分玩到差啲死人咁滯...
晏晝起扑野家食飯~買野滿30蚊就有隻豬仔送~我講笑咁同阿權講...(同聖誕有關既)~哈哈哈哈哈
19/12 (一) DMV2玩哂30首歌喇~而家650分...當然有部分歌係2nd attempt~全部新歌 (除左I Think About You) 過唔到三度笠同埋DD7用adv計分, 其他新歌都過到ext喇...Atalante玩左三次先過到 (後面黃綠紅累事 =_=+) Blood And Thunder都要2 take先過到~托賴冇歌低過60sp
印象最深刻都係玩Desert Rain...食錯藥~6xx combo
GF就337分~個人覺得魔法呃分...過到最高lv既係呢首同STAY (玩完呢首都幾攰架...仲差啲香添) 有好多新歌唔敢玩
玩DMV2...我用三度笠白熊熊...點解次次對親BeforU都係撕中「負」
由今日開始~我憎死BeforU!!! 係你令我行衰運擲中「負」既!! 信唔信我告你虐畜?! 你繼續放馬過黎蝦白雪雪又可愛既熊熊丫~!! 搞到我咁耐都未有CP玩...可惡!!
|
| 刊登時間︰2005-12-20 01:19 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 12 月 10 日 星期六 |
| 生日週~ |
6/12 (二) 今日咪姐同我慶祝生日, 都成半年冇見佢喇~下晝就起板前壽司食野, 我地都係第一次去, 特別推介軟殼蟹壽司, 奶油薯餅同墨魚軟骨
之後去奧海搵阿權, 果邊出左唔少新機, 遲啲先去打喇~ 夜晚有KM家旋同我起加州紅慶祝生日
呢幾年同今年生日既對比, 今日真係好凍下...
收到唔少生日祝賀, 起呢度多謝所有同我講生日快樂同埋同我慶祝既朋友仔
人長大左就各有自己既生活同空間, 所以同朋友都唔係時常見面, 只要偶而眾眾, 同埋記得你生日~陪你過生日或者送上生日既祝福, 都係可貴既
7/12 (三) 琴日同今日都勁唔願起身~天氣一凍就係咁~今日懶床懶左成粒鐘, 起身好辛苦, 好彩較鬧鐘較早左...
我諗呢幾個禮拜上堂都釣左好多斤魚咯, 真係收穫豐富 =.=" 晏晝例牌同小v食飯, 佢送左玉桂狗既杯俾我, 多謝小v
8/12 (四) 今日有present同quiz...放左學仲要開會 Critical Reasoning個quiz有兩個terms調轉左~好嬲...考試一定唔會再錯!!!
好多謝IPC班有個好體諒我地既組員, present完仲有朱古力慰勞我地添 (呢個唔係重點) 仲有, 感覺上我覺得佢好好傾(應該都幾客觀), 可能佢識打開話題啦~所以同佢傾偈都幾開心
今日佢先問我平時鍾意做啲乜野...點解佢一估就估我鍾意睇書既
可能我起班上少講野掛, 所以佢咁估都唔出奇... 咁我話我鍾意打機, 估唔到佢都會打機wor, 仲玩過DM添...不過玩到DM4就冇乜點玩喇 終於起CIE遇到個同我玩MG有共識既人
9/12 (五) 好耐都冇呢種感覺喇
放縱一天
level up
乜野都俾你知道哂添...
夜晚起北京道見到芝家姐
DM/GFV2登場!!! 去機舖做足準備: 燒錢囉 |
| 刊登時間︰2005-12-10 09:28 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 3 日 星期六 |
| 就快生日喇 |
20/11 (日) 今日同阿姨同媽打同埋佢個朋友去旅行~係佢個朋友既屋村搞既~估唔到第一處去既地方就係起流浮山落格, 好少可去旅行第一就係去食野的, 跟住去黃金海岸, 可惜唔會去跳蚤市場果邊, 我一路都好想去~見到電視影既, 啲景真係好靚, 空氣都清新過一般跳蚤市場, 可惜一路都冇咁既機會
跟住去迪欣湖~好多人呀, 又冇野睇~最吃香既就係有水上單車玩, 有機會既我一定會玩, 郁下腳筋都好
傍晚起錦繡花園間酒家食晚飯, 有燒鵝食呀
今次又有獎拎, 係百佳50蚊現金劵, 仲實際過大獎 (大獎係SKII護膚品遮, 唔係人人都啱用) 之後去迪士尼睇煙花, 幾個月前都幾過, 冇咩特別~所以寧願周圍睇下有咩野比幾個月前唔同左仲好... 到9點幾就返到屋企咯~
26/11 (六) 阿las黎學琴, 我教左佢咁耐都好似冇咩野教到俾佢~真唔好意思
祝你地去台灣玩得開心啲
28/11 (一) 就快sem尾, 好多project債要清, 一有野堆積要做就煩...
就係覺得煩既緣故, 搞到情緒失調, 心煩氣燥, 真叫人不好受~我自問已經唔係勤力果批, 都搞到咁煩~睇黎起香港讀書讀得好真係唔容易... 如果因為我既情緒波動煩到你就更加唔好意思, 我已經盡力收歛啦~ 可能因為我病病地既關係, 我都勁唔鍾意因為多野做而要捱夜~又搞到病埋, 係人都知早訓令身體好啲~但係想咁做都好困難... 點解人到大個左就身不由己, 係人都最鍾意就係吃喝玩樂~雖然成日咁樣都好頹廢, 但係至低限度...忙既程度都有少少時間可以做返自己鍾意做既野啦~好似有啲服務性行業既人咁, 一日就係返工放工訓覺跟住又返工咁, 或者一日到晚都係玩玩下冇正經野做~呢兩種生活真係好冇意思~最唔鍾意一面倒既生活... 我知~或者我忙既程度對大部分人黎講都係雞毛蒜皮既事, 可能我個人捱唔慣啦, 要學識經得起考驗喇 算啦~照咁睇黎, 返學已經算輕鬆架喇~至少都有時間俾我地一個禮拜見到兩次面先啦
喉嚨又痛又痕~註定聽日要見醫生, 我個喉嚨係好易發炎的
1/12 (四) 今朝上人際堂要做business negotiation既workshop計分, 要著suit, 真係好唔慣~仲要係全班得我一個女仔著西褲~我自問腳粗唔敢著西裙, 冇鞋遮小腿嘛~挺難看的
我好冇商業頭腦架~所以呢個discussion我都俾唔到意見~所以兩組人做negotiation果陣, 我覺得幾難為情
之後果堂critical reasoning我都冇咩心機上~落左堂發生左啲小事, 但令我唔開心... 後來放左學去聽「咪前咪後」, 請左梁繼璋, 思浩同貴花田做嘉賓~去到見到candy就同佢坐, 思浩一上黎就聽到好大既歡呼聲
5點鬆啲聽完, 就撘巴士去沙田轉車, 諗住返歸果陣打俾阿權~confirm下聽日約會既時間, 先知原來佢啱啱放學, 所以我個西裝look冇得走雞
2/12 (五) 今日成7點9先醒, 琴晚有較morning call架啵~點解我聽唔到既
如果返學都係返得一粒鐘, 唔返喇~打俾vivian同佢講 之後我訓到9點幾~出去匯合阿權~佢同我預祝生日
份禮物我好鍾意呀! 多謝你 -3- 我地晏晝就去R66旋轉餐廳食自助餐, 今次唔算多野食, 同埋我覺得我個胃口差左~個肚食左野仲好易脹添
食飽飽就去駱克城打機, 今次係大家第一次駕臨~間機舖設計唔錯呀, 有啲日本feel, 希望香港將來起多啲呢類既機舖, 去取代啲人煙稠密既地窖機舖 跟住行去交易廣場出面啲露天位坐左一陣, 齊齊睇雜誌
再起IFC行左一陣, 去Evisu睇野~啲野得個睇字好喇 跟住坐船去尖咀~咪係例牌打機, 起中港城食野同睇阿旺 之後就齊齊返歸喇~今日好開心
|
| 刊登時間︰2005-12-03 07:02 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 19 日 星期六 |
| 日記變週記, 週記變月記 |
成個幾月都冇打日記, 再唔打真係會無人睇
係時候講下呢個幾月發生左既大事喇
26/10 (三) 放左學同candy同埋佢啲個fd都參加左「人文素質」既抱抱良音, 5:30齊人就撘旅遊巴去中環既藝穗會~去到入面間房就係俾人聽band表演既地方, 都幾似酒bar feel~呢晚有唔少夾band表演, 有農夫、赤子...成晚既氣氛都唔錯~如果呢晚係萬聖節咁就更好
之後同candy同jenny起蘭桂芳兜個轉再食埋野就返歸喇~返到去仲要溫IPC同搞埋Critical Reasoning既project, 成4點幾先訓...
4/11 (五) 同阿權起新世紀food court食晏~之後起尖金打幾舖機~下晝就撘船去中環喇 行去半山區叫「泰昌」既餅店買蛋撻食 (肥彭食過果間野呢
我地係撘巴士去堅尼地城打DM4, 早排阿權話想草齊DM1-V2既logo (而家差DM3同4), 兼且我玩V都玩到悶, 想玩下舊機回味下~咪去囉
之後行去上環~夜晚起pizza hut食, 用左張$100 coupon吘再撘電車出銅鑼灣轉車走...落車行左一陣~阿權話見到爹爹~唔係佢同我講我都見佢唔到~於是我地一齊叫佢, 真係估唔到咁難得會起呢頭撞到佢
11/11 (五) 阿權過兩日生日~早幾日話俾個驚喜? 但個驚喜係我要起佢上緊堂果兩粒鐘做起 (10:30-12:30) 於是我直接約佢起尖金等~個驚喜係: 呢日我10:30一放學就撘地鐵去柴灣間機舖影DM3既logo, 順便玩幾舖
之後去尖金搵阿權~佢都問左幾次個驚喜係乜...我叫佢估下~點解佢一估就會估我係電左髮既
跟住俾DM3既logo過佢睇~佢都有啲愕然wor
晏晝同佢漢陽苑食韓燒 (新花名: 壯陽丸
我地都飽到行唔郁咁滯~本來話夜晚返歸食飯~睇黎都唔使食喇~就齊齊索性玩夜d
遲d睇下你睇啱邊件褸我再送俾你啦~預祝生日快樂
18/11 (五) 呢排玩多左gf, 加左唔少分, 而家739了 今日例牌同阿權起尖金同河內打機, 下晝就見到阿軒, 原本都約左佢聽日去打機 夜晚同阿權去睇褸, 終於起U2睇啱左件軍褸, 就買左黎送俾佢
19/11 (六) 今日約左阿軒, 去左花園餐廳食晏~不過果處d牛扒怪怪地~以前我起花園食晚餐好正架啵, 而家又會咁既
之後起聯合逗留左一陣就去銀座玩gf~佢拉我玩3個nonstop同d難歌加分, 終於過左800喇, 多謝你
我地都好耐冇見, 所以期間都傾左好多偈~不過, 佢本身都好傾既, 同埋多謝你對我既信任
跟住我帶佢新世紀food court間泰昌餅店買蛋撻食~佢都話好味, 估唔到佢一買就買左5件, 哈哈~睇怕你過左今晚d蛋撻會冇哂...
之後同佢撘火車, 佢起沙田約左人, 而我就起大圍轉馬鐵返歸, 果陣都成9點幾, 差唔多喇, 聽朝仲要早起身去旅行 雖然我唔鍾意太複雜既人際關係, 但係我都覺得人與人既相處真係一門好深既學問, 如果以單一既方式與人相處, 一定唔能夠同所有人都相處得好, 所以「一樣米養八樣人」, 呢句話真係一啲都冇錯 好多同我唔熟既人可能覺得我好靜, 唔多出聲, 其實我係怕講錯野, 驚講啲野大家唔鍾意咋~如果想同我熟絡既, 不妨多啲關心我同埋問我多啲野~我答到既一定會答
|
| 刊登時間︰2005-12-03 06:48 PM [ 訪客留言(0) ] [ 編輯日誌 ] [ 分享至FACEBOOK ] |
阿權食到個樣都好似好感動咁, 哈哈~
| « | 10 | 11 | 12 | 13 | 14 | 15 | 16 | 17 | 18 | 19 | ... | 32 | » |
