16/2   (四)

今朝有8:30堂~估唔到上左一星期堂就要開始約時間做project...

之後同candy同埋佢個fd食飯, 佢個fd再拖多另一個fd黎, 咁啱原來佢今個sem既Business Communication同我同班

上Business Communication~除左學見工寫信啲野仲唔到仲要上悶堂...做discussion果陣, miss問我意見~我果陣都係懵懵下咁up左個point出黎, 估唔到被miss讚我good point...

之後要立即去舊校上Joy Of Singing~行去舊校都要差唔多兩個字~快快速速咁行過去, 成個sem都要咁行真係會減到肥

一開波就唱埋啲Are You Sleeping同Row A Boat...啲既野 =.="

跟住做個人試音, 我係屬於Alto既

期間收到Kitty sms, 佢約我聽日唱K, 預左聽日冇時間買戲飛, 所以放左學要落去奧海百老匯買...於是搵Tommy幫我用佢張學生證買多張飛~都好耐冇見佢喇

琴日阿權打黎同我講新之城有DM3, 於是過去玩兩舖, 不過個cymbol都幾壞, 搞到一打個cymbol啲人就以為我劈鼓

之後返歸睇紀曉嵐喇

17/2   (五)

今朝都係上Joy of Singing, 5月可能有個所謂既choir表演...

12點放左就同Kitty去Neway City唱K, 好耐冇見佢了, 又令女左

唱「勁歌金曲」果陣又犯同一個毛病, 應唱國語果part又係唔識轉channel...

之後去新之城搵阿權, 再玩下DM3, SS左Body Operation T_T

5:50去奧海百老匯睇「戇豆撞正女殺手」, 劇情都幾簡單同埋冇想像中咁搞笑~不過我地都鍾意呢套戲既

之後落金牌坊食飯~食完二人套餐後, 估唔到撞到KM家族~世界真細小

由於家族果邊都成5個人, 唔係咁夠位, 所以都係坐返原位, 等佢地食完飯再7人行, 一齊去奧海打機, 打左一陣大家諗住返歸, 之後仲有「大鈔」事件...

19/2   (日)

估唔到過左十五仲有利是逗...

13/2   (一)

一個月的sem break過去了...

上第一堂Persuasion & Social Influence已經知道將要面臨一個好大規模既project

14/2   (二)

願天下有情人終成眷屬~情侶們更加要長長久久~祝大家情人節快樂

我同阿權今日都係下晝先放學~到我5:30放學果陣佢就打黎話起元氣門口排定隊隊先~我6點幾去到已經好多人排緊隊了~好彩你排定隊先, 醒目!! 所以我地好快就有得入去食

今日天氣唔太好, 所以尖東海旁果邊相對地少左啲人...

之後我地交換禮物~我之前起銅鑼灣地帶果樹買左個Shit Frighter系列既公仔俾佢~係抽既, 但係...

好在我地有情侶裝既Saint Jack鎖匙包 -3-

我都好鍾意你送既Miffy散子包呀

夜啲就去糖朝食糖水~阿權碗芒果雜果豆腐花有煙出架

仲有人以為啲西瓜粒係不明物體, 講左過佢聽~食完仲續到阿媽都唔知姓乜...

8/2   (三)

今日同阿媽過海~撘巴士去到灣仔落車~跟住起正隆小籠包果間醫肚~見間野朝早9-12點, 2點-6點都有八折優惠, 衰鬼間野整啲咁既JetSo真係吸引!! 啲野都唔錯~食左口水雞菜飯餐, 牛根+雲吞麵餐, 仲有兩杯豆漿, 叫多客小籠包, 80蚊有找

之後撘24M剷上傅麗儀老人院探親戚個阿媽 (唔記得同果個親戚係咩關係添 =.=")

佢同舊年一樣, 都幾精神~但係啲護理人員已經唔俾佢行路了 (收埋哂佢啲柺仗), 因為佢年間試過行路click到野跌左幾次...

佢話佢有時趁啲護理人員唔發覺會偷行~咁樣好冒險wor, 但係老人家唔郁又會好易退化...

我地黎果陣啱要等佢地開飯, 期間阿權打黎, 出去傾左一陣~傾完就同佢地入房...

個阿婆好talkative架~走果陣已經6點幾了...

撘小巴起返灣仔落車, 就搵下有咩野食啦~見到「權記」雲吞麵, 仲全場10蚊添

經過波士頓餐廳~好多餐都係埋單加埋一都過百~有個火焰雪糕餐, 好吸引~但我地食唔起...見到有個著到光鮮頸靚既西裝靚女連出面個餐牌都唔使睇就入去...唔知我呢世人有冇咁既福氣

跟住起綠野仙踪食飯...仲做埋VIP

食完就諗住單拖行下銅鑼灣~經過goldstar機舖就打舖DM~終於有Break Out了...有左呢首歌~我諗呢個月既打機意欲會減低... 

9/2   (四)

阿權今日day off~就同佢出去食飯打機喇

起旺角食完飯, 諗住起聯合打機~勁凍~睇佢打完舖機就行去尖咀打好過喇...

今日GF加左11分, DM果邊冇進賬...

玩下睇下人打機, 大家5點幾見肚餓就想食下野~突然醒起尖咀都有正隆小籠包既分店~就入去食下午茶

食完野我地用第二條路行返去紅磡火車站~快過平時好多呀

7:30學琴, 落左堂miss問我讀書讀成點, 我話麻麻地~佢就叫我勤力啲

佢話我個人係懶啲, 其實有少少聰明...

10/2   (五)

有結果了~

Communication Theory: Grade F --> C

果然沒有白費心機...

11/2   (六)

出左真正既時間表~最失望係讀到果科Persuasion & Social Influence係星期一2:30-5:30, 呢日原本2:30放左學去搵阿權

不過未至於衰到編左呢科去星期三...果日我dayoff 架

呢篇野專誠為浸會某兩位書記既態度而設~有唔少粗口成份, 唔想睇粗口就唔好睇喇~

6/2   (一)

傍晚收到佢既電話, 因為我英文唔夠分所以佢打黎同我約時間返Franki Centre見miss, 咁佢問我11:40am得唔得, 我就話唔得, 問佢12:30pm得唔得~於是佢叫我準時, 但我唔肯定聽日準時到嘛, 補考都考到12:15pm啦, 咁我問12:30-12:45pm黎到得唔得, 於是...

書記: 唔得wor...miss要食飯呀 (串串地既口吻)

我: 咁遲啲再約過啦

書記: 你11:40am黎, 早啲黎唔得咩?

我頂佢個肺, 咁既口吻除左我阿媽都冇人試過咁對住我黎...唔得咪再約過囉, 你打多次電話唔使死呀下?! 學校請你黎都係負責打電話同接線架遮~學生有疑難就應該盡力幫~態度好啲啦唔該...

呢個電話都算喇~仲有個仲離譜既~原來就係負責考試果條線啲人

7/2   (二)

補考完Communication Theory, 就打去負責考試果條線~

我: 你地之前咪send左E-mail黎話我科Communication Theory F左, 咁就唔讀得Persuasive & Social Influence呢科, 咁我今日補考完,  唔知幾時會知道結果呢?

所謂接線果個人點答我呢, 聽完真係扯火...(接線生, 就簡稱「生」啦, 唔加個畜字起前面已經俾面你)

生: 你交左考試費未呀?  (態度極度惡劣)

我: (你啲智商唔係咁撚低呀嘛?! 我未交費用又點入去考試呀? 收錢你就叻~做野就慢吞吞~食 啦!! 答非所問~返去讀小學啦...我做書記一定做得好過你!!) 交左啦!! 考埋試添喇!!

生: 前幾日同你辦考試手續果個人咪同你講左10號知結果囉!! 你唔知咩?

我: 都冇人同我講過...

生: 佢有同個個學生講10號架啦!! 你聽唔到咋掛? 

屌!! 家下呃你有金執呀? 你唔信我咪算囉, 唔使咁撚串嘛?! 再咁串就去搵上頭投訴你地班廢柴!!

P.S. 同我辦補考手續果個黃先生 (會計部) 好過佢地唔知幾多倍

雖然學院唔係個個書記都好似以上果兩個女人咁臭串, 但係呢兩個女人足以令成間學院既型像大大降低呀...唉

好心呢兩舊臭西學下今晚打黎既另一個書記啦, 咪又係女人, 但佢斯文好禮貌嘛, 又唔該前唔該後~人地女人你地又係女人, 點解你地會咁仆街?!

6/2   (一)

同媽打坐巴士出屯門同阿姨, 表姐同表哥拜年同飲下午茶~撘車途中maggie打黎, 諗住搵埋我去淺水灣「啤啤Q」, 係communication阿sir同miss搞既~最衰我聽日要補考, 如果唔係我飲完茶應該黎到

去到屯門都點半~去到稻香同美心都要等成差唔多100張枱

唔戅狗狗等咁耐喇~索性去金滬庭食野~啲三鮮煎窩貼超好味呀...

之後醒起阿sir應該起maggie隔黎, 就打俾maggie託佢俾個電話阿sir同我講話, 我想問佢聽日補考既模式, 問左果然有著數~起碼唔使好似上次考試咁要諗下啲新聞可以有咩Theory apply到入去...今次係20分一題, 7揀5~冇其他part, 個人認為有溫書一定唔會再肥佬!!

飲完茶行左一陣街就返屋企喇~聽日要補考, 想快啲返屋企溫書...

撘車果陣阿權打黎~傾左一陣, 最快要星期四先見到佢了 -3-

雖然知聽日補考既模式, 但越夜越驚, 有冇人有珍珠末呀...

12點幾撻落床, 成晚都訓得好淺~卒之差唔多6點起左身...再go through下啲泡泡point就去麥記食早餐~跟住補考了

7/2   (二)

估唔到我考試肥果科有成20個人要補考...啲題目都幾啱我答 (比上次順好多)~應該過到骨掛...

考完試成個人鬆口氣...之後撘火車去沙田, 經過沙龍打舖DM, 唔鍾意啲機搬左位

兩個禮拜冇玩沙龍部DM遮, 估唔到部機衰老得咁快, 又有「振芒」又變色...

對鼓棍都幾輕, 但係係對令面棍, 一鬆手好易飛棍...我用過已經變左做例子...

開齋打K因為飛棍而NO了...於是寄託起育成果邊, 點知個死人start掣壞到乜春咁, 禁極都冇反應 (個人習慣以start代替打cymbol黎分勝負), 有反應果陣就撳中「負」了 (果舖仲要係8成勝, 睇下我啲勝運幾好丫... ) 差果1舖勝就有Break Out, 偏偏起呢個階段連輸兩舖 (其中一舖係4號起奧海玩既最後一舖)

之後撘免費車返屋企附近飲下午茶

今晚學唔到琴呀, 因為miss大傷風~呢排啲天氣忽冷忽熱, 大家要小心身體呀