29/1   (日)

祝大家新年快樂~狗年行大運

大部分人起年初一既日子都係最熱鬧既, 我地就反其道而行~既無人黎我地屋企拜年, 我地又無去親戚屋企拜年

新年搵親戚朋友~不嬲都係過左年初三先活躍起黎

所以今日同媽打食下野行下新世紀就算喇

31/1   (二)

赤口呀~媽打啲朋友過黎打牌, 希望佢地打牌唔好嗌交

1/2   (三)

新年新division~國際係抵玩既~起DM/GF連續入$18 (即係連續3局) 就送一局, 不過啲凳就麻麻地好坐...都係奧海啲凳最好坐

3勝有得玩真超深TION, 有一次起河內玩差唔夠10粒notes就過到

最終今日都係過唔到呢首野...

不過...今日...重大驚喜!! 竟然起尖金地下拾到利是~於是好好奇咁打開睇下有幾多餡, 嘩~一張紅衫魚呀!!!

鼠年果然起今年係有財運!!

見阿權打完DM一首歌~即刻話佢知, 我仲突登好大聲咁向佢講聲多謝

所以...今晚就起新港中心food court同佢一齊分紅衫魚做晚餐

跟住就起中港城睇紀曉嵐~次次起親中港城睇電視一去到最緊張環節果陣梗係cut左去睇賑災...一等就等成5分鐘

2/2   (四)

今日又有朋友黎媽打屋企打衛生四方城~今次係媽打啲太極友~我又有利是收喇~吃吃吃

阿權打黎~佢手腳有啲軟~額頭又有啲慶~又喉嚨痛~梗係琴晚起中港城睇電視對住個風口位吹親喇~最衰都係我 =.="

小心身體呀~後日見你果陣帶啲特強喉糖過你食

媽打佢地大約4點打完牌, 就落樓下老爹茶居食野~啲午餐30蚊樓上樓下, 又有台式野飲~幾好食

之後就去奧海喇~約左KM家族, 去到未有人黎, 但就見到個同學, 原來佢放sem break期間有搵野做~同我相比之下, 我好似冇邊個假期正式搵過野做wor...講起黎真係慚愧

之後玩左舖KM~佢地就陸續黎喇~夜晚就起金牌坊食飯

食完飯再攻DM~好想快啲有Break Out呢首歌呀

之後玩DD7果陣飛棍...唔係既話可能過到

後來同芝家姐傾下大家讀書做野既事~搵食真係艱難

冇耐就同爹爹出機舖喇~聽日同媽打佢地行南丫島, 唔玩咁夜喇~

返到屋企先知cancel左...因為媽打有個朋友唔可以早起出去, 所以節目改為媽打出去同佢地打牌了

都好...聽日無枉管~可以放心上網睇考試成績

驚到成晚都訓得唔好...

3/2   (五)

真係驚嚇~媽打朝早出左去冇耐, 浸會就打電話黎...我科Communication Theory考試炒左了

其他科平平啦~但3個學期既英文系列既GPA都係拉到上去2.1, 比學院標準仲差0.2 (俾上年第一學期既分拉低左 )

好彩阿sir好人俾我7號再考多次...但始終有野炒左都唔多開心

聽日搵阿權之前去學校辦補考手續先~$200補考費~WTF!!

4/2   (六)

進貢左兩條紅衫魚過學院會計部喇~

而家大專唔似得中學, 考完試有結果係冇得睇返自己份卷, 即係想睇下自己份卷衰起邊既機會都冇...

好驚7號再考果陣又重蹈覆徹...如果今次再衰就冇得讀下學期既Persuasive and Social Influence~因為讀呢科既pre-requirement就係我所謂考試肥果科Communication Theory要合格

如果補考都死埋, 可以話要足足遲多一年先畢到業...  因為下學期想補修肥左果科都冇, 呢科淨係每年上學期先開班

仲有3日~應該溫得切~辦完補考手續就去九龍塘火車站搵阿權, 去奧海打機

打機前當然要醫肚~原來新九龍商場入面間茶餐廳啲野幾有水準架~果陣起教院讀果陣, 咁近既茶餐廳都未試過, 而家想食多幾次都難...

之後打DM喇~今日加左8分...最震撼係Rockin' Paradise既紀錄

而且今次打得好輕鬆...發夢都估唔到會咁

今日打機都算豐富喇~同阿權玩孖寶賽車, 篤手指, 料理大師同Pop n' 13

但打完機後, 大家呢幾日既隱憂就浮現喇~我咪係擔心科補考囉, 阿權就病未好

我呢幾日努力溫書喇~阿權就返屋企努力保重身體

原本11/1係我同阿權既一週年~不過我果陣考緊試...所以到而家先補祝喇

我地起沙田UA睇朝早10:20既「春天花花同學會」, 除左啲角色太多~嫌有啲人啲曝光率唔夠之外~其他方面都唔錯~最鍾意就係聽黃秋生把聲  同埋有麥兜班同學果啲剪接片段...

如果現實讀書做野咁簡單就好喇 

之後同阿權起小巴黎食晏~再撘火車去尖咀, 佢想去尖金打一陣DM8~但部IIDX Red set返做3蚊了...

打完機就起天星碼頭撘船去中環~再由中環行去纜車站~齊齊買套票撘纜車上山頂呀

飽攬一番

之後起Haagen-Dazs齊齊share雪糕, 再起麥記叫左個板燒雞腿飽share黎食

跟住落山~再撘叮叮出銅鑼灣...我地企响車尾, 而阿權就發現左地下有個腳掣, 一踩就「叮」一聲, 於是佢就好有節奏咁隔幾秒踩兩下, 「叮叮...叮叮...」咁, 搞到好有撘電車feel

不過佢一落車就俾個司機話:「下次唔好再搞個掣喇!」 瘀皮...

諗住去意粉屋食晚飯, 可惜太多人喇~要等起碼等半粒鐘

就索性去翠華餐廳食~叫左個鑊仔牛柳飯同蝦伊麵...啲伊麵只係18歲~太年輕喇~阿權又食到好感動

新年前諗住碰碰運氣~齊齊起投注站買返幾注六合彩, 我劃number果陣真係激死佢!!

之後就行維園花市, 多人到爆~雖然我地只係行左一條直線, 但係都覺今年好多野賣

我就買左個龜龜手機座同IQ博士系列既Turbo BB公仔

我同阿權都頂唔順多人到迫爆既場景, 加上我覺自己起花市既消費quota都差唔多...所以冇行過U-turn就走喇

之後我地去滿屋食糖水~唔知阿權係咪又俾左第一次過我呢

跟住就撘地鐵去尖咀轉81C返歸了~撘車途中阿權同我講, 今日我地撘既海陸交通工具都差唔多撘齊哂喇: 有去尖咀既火車, 有去中環既渡海小輪, 有上山頂既纜車, 有去銅鑼灣既電車, 有過海既地鐵, 仲有返歸既巴士~加埋成6種交通工具呀...

之後我又醒起, 原來我撘左7種交通工具呀...

就係咁就過左我地既一週年慶祝喇

14/1   (六)

考完試喇...開始放sem break lu

有啲人連試都仲未考...

15/1   (日)

同阿權去荃灣天天玩DM4, 個cymbol壞壞地, 所以都唔多玩

之後過國際玩下DM6, 再起荃灣中心廣場果邊行左一陣, 跟住去荃金, 點知隔左一陣撞到cherry wor~好耐冇見佢喇

到黃昏就同阿權撘巴士返歸

18/1   (三)

約左阿權起沙龍打一陣DM~今日有盃歌玩呀, 首歌都幾好聽

見到MV入面果兩個女仔起樹鋤結他, 好似鋤緊佢地既妹妹咁...

之後我過太子京華酒樓同媽子仲有佢啲朋友一齊飲下午茶, 食飽肚就去辦年貨

去到教協~好失望囉, 冇咩野賣~連甘大滋同烏冬麵都冇...

19/1   (四)

今日等埋阿軒上網選完科就出去~例牌起哈迪斯等佢, 又要罰我企囉...

之後撘馬鐵出尖河~一坐起樹打DM, 差到爆~玩首新歌見紅~真係俾我琴日開口中左

打左陣機同佢起元氣食壽司~原來佢對牛柳既僻好...真係難以形容

不過啲牛柳壽司真係好好味, 仲有炸蝦...

期間同佢傾左好多野~多數都係佢既近事~換著我係佢, 我都會不知所措...

順其自然啦~時間就係最好既見證

之後同佢去沙田滿記食糖水~期間阿火打俾佢, 我地就起沙田join佢, 再起沙龍打舖機就撘40X走喇...我同阿火以前讀同一間中學, 講起好多以前既辛酸史...

P.S.  多謝阿軒你餐晚飯...我都知好溶架喇~等你生日果陣我再請你食餐勁既

20/1   (五)

晏晝同媽子同佢啲太極友起稼軒飲茶, 之後出旺角~約左vivian去新之城, 佢個fd tony都出左黎

睇住佢地玩the house of dead 4, 睇落都幾好玩~好震撼, 可惜我玩槍game玩得太差喇...記得啱落機舖年歲果陣同個fd玩槍game果陣, 唔夠兩分鐘已經玩殘了...

之後去大快活食tea~冇耐vivian要走了...唔知幾時先可以再約呢

跟住我起始創打左個轉~諗住落聯合打舖機就走, 點知跟緊部DM果陣, 撞到自己個男朋友wor~真係搞笑...

原來阿權果陣都差唔多要走~咁啱佢阿媽果晚出去唔煮飯, 既然撞埋一齊就俾左個今晚你喇~一齊起新世紀food court食晚飯~又可以睇紀曉嵐

21/1   (六)

傍晚起大圍火車站同阿權出聯合搵KM家族~呢晚去食團年飯

點知果間酒家啲服務...真係...我覺得佢地啲服務搞到亂哂龍囉

又漏野又寫錯野...連個D餐都變左個F餐~正如爹爹話齋:「窿胸呀?!」

淨係個燒味拼盤都等左成幾個字, 乜唔係整定哂架咩...

餓到大家個肚都發出不同叫聲了...

24/1   (二)

同阿權起尖咀果樹打機~食完晏去到尖金~有重大發現!!

IIDX Red竟然set左做free play!!

就係咁~我同阿權係咁玩佢,  我初時連果7粒掣都未摸熟 (一向都少玩), 經過幾舖既鍛鍊後, 有d course已經超越阿權了

越玩越興起~期間又會冇人黎玩既?! 睇黎都冇咩人知free play呢個消息~肯定場務set錯野!! 真係錯有錯著

免費娛樂兩小時!! 正到爆!!

正到之後去尖荷已經冇力去玩gf囉...

25/1   (三)

同阿權講1:25有免費車過黎我果頭~點解又會咁啱果個時間冇車...

有時間真係要起沙田個站抄哂啲時間落黎至得喇~沙田啲車, 班次好唔定

之後同佢起圖書館借左幾本書, 就齊齊落沙田文化博物館睇四頭家

跟住傾開昨日icq既野~我地覺得起呢年間, 大部分誤會都係傾icq而起...

冇必要都係電話度講好啲

去完博物館就起海皇食下午茶~勁飽, 再起新城市行街~新出果隻Adidas鞋真係幾靚, 有$大家整返對都好

4/1   (三)

今日考英文literary...有三粒鐘時間做卷, 最尾果part仲有成個大point寫唔切, 好明顯係前果兩part用得太耐時間, 時間分配得唔好囉

想拎B...收皮啦

果啲補course$$注定倒入鹹水海...

呢輪兩塊面豬登又有幾粒紅豆...買左支暗瘡膏...但係唔好用囉, 早知買返之前果隻, 兩三日後, 啲豆豆係時候同你講拜拜!!

好攰~腳都軟...一打就斷果隻

6/1   (五)

今日考Critical Reasoning, 都叫做得哂既~呢科唔使多時間準備...琴日先開始溫

之後去工展會~成7年冇去過喇~多左好多野睇...最後悔係冇買到肥韜好介紹果隻麵食  唯有等下年...

好耐都冇一個地方令我去完唔捨得走喇

啲野勁重, 早知叫阿權下晝放左學過海幫手拎

之後去左河內道搵佢, 差唔多全程都係睇我煲機~我成6日冇打機喇, 開始玩LIVE2GO盃, 除左Sing A Well其他歌都係玩adv, 5首歌一take已經過250, 我諗之後唔使再玩呢隻盃喇

夜晚去茶餐廳食飯, 有個女人侍應全程「啤」住哂, 都唔知佢有咩咁好啤!! 以後都唔鬼幫襯你...

反觀有啲比較cheap既茶餐廳啲人服務態度仲好

食飽飽去中港城睇紀曉嵐~笑爆肚

之後再戰河內~而家811分喇, 有6首新歌仲計緊分, 不過有啲都好快被踢...基於呢代主要以perfect黎計sp, 所以好多歌既sp都比上代好, 暫時唔想玩太多公認既呃分歌

臨走前睇阿權起尖金玩舖DM8就走喇~出面勁凍

8/1   (日)

凍到頭痛

9/1   (一)

下晝先考試, 可以訓晏啲

Communication Theory考三粒鐘, 要做4條短答+2條長答+1條essay...想玩死人咩?!

考完就過沙龍搵阿權, 久等了

DM第三次玩螢, 計返sp~而家83%...不過好快被踢

今代同上代一樣咁好彩~第一次玩Panasonic Youth就過到~比上代第一次玩多左7%~而家814了

跟住阿權玩左舖之後就去麥記食開心樂園餐, 我想換棒球雞丁呀

陪佢沿途行返屋企, 佢送我去撘馬鐵跟住返歸了

26/12   (一)

晏晝爹爹打黎話阿芝佢地夜晚有約會, 咁我見有時間就去見下佢地, 順便叫埋阿權出黎

我照舊撘火車去大圍匯合佢, 齊齊去尖咀地鐵站匯合埋阿芝佢地...之後我地去尖東睇燈飾...到差唔多八點果陣勁多人, 個個都要睇匯香江...有咩咁好睇 =.=" 搞到我地想出去既都難...

後來阿芝介紹有間茶餐廳既籠仔飯, 都幾好食~衫時仲以為唔夠飽添, 食完又唔係咁講喇

之後齊齊去北京道打機, 原來佢地好鍾意玩gf6, dm5同km3 session架~不過而家有得玩gf6真係好難得

我玩左兩舖V2, cachaca好難玩呀...我諗我呢世都過唔到...

之後去新港玩波波機, 雖然幾好玩但係好呃錢, 5蚊先得果三局...

跟住睇pp玩左舖龍珠機就返歸喇

28/12   (三)

再同阿權去奧海打機, 早幾個月起dm6過到rro...點知今代玩左兩次死足兩次...最後迫住玩返adv

終於有premium ticket喇~玩左over there adv, 比我想像中易~差1%就s了, 俾我玩多次~有望75%sp

到傍晚去朗豪坊睇四個光頭佬既逸事, 都幾有趣~環境都唔錯

條友對住咁多觀眾企上櫈吊野都咁鎮定, 俾我對住咁多人企上去就會驚到跌死...

睇完野經過聯合附近, 見到阿軒, 就俾返啲貼紙相過佢

之後我同阿權返歸喇~

30/12   (五)

原本媽打話我放假搵日約埋佢啲朋友齊齊飲下午茶, 點知呢日個個都唔得閒, 得返我同媽打兩個...

飲完茶我起Levis睇中左件衫, 減左價唔太貴就買左佢落黎

31/12   (六)

約左阿權去觀塘金莎~我同佢啲舊歌都開到花哂...但兩條友都仲未上到八百分...

阿權話起果樹打機好黑仔, 命中率好低, 成日都擲個負字...唔好唔開心啦~姐姐請食燒賣 -3-

打完機就行下apm, 夜晚起food court食野, 都算豐富~二人套餐$68, 包兩個送兩個飯, 湯同野飲, 仲有炸雲吞...希望食左唔好慢吞吞

之後發現apm附近有個公園

我地就起apm倒數, 有林一鋒, pancakes同at17...但個感覺係, 起商場倒數不算是味兒, 始終比起時代同蘭桂芳既氣氛差好遠...雖然apm都唔算少人, 但我地都唔慣企起商場睇表演的, 彎住腰對手平放起欄杆上都有啲唔好受...如果我地有得揀既...特別節日唔會起街上過

幾年前我係好嚮往起街上過特別節日既, 但係年年都係咁既話, 特別節日對我地黎講只係同平日冇咩分別...就算到2006年果一刻, 我都唔見特別開心~唔知係咪因為就黎考試, 心情特別沉重...

2006年到, 都想打多舖機碰下運既~而家793分...但開左唔少舊歌...

跟住同阿權起街上食啲小食就撘車返歸~要6日後先見到面了...

返去上網入skill point, 真係嚇死...而家最低分既歌都要差唔多25分...個range好少...

起樹祝大家新年進步

1/1   (日)

心情極度唔好

我都唔想有咁既心態, 但係實在控制唔到自己...雖然我知世上冇乜野係公平, 但係我既心態係, 人地有好既條件我都又要有...冇既我會好唔開心~尤其係要對住一生一世既野

不知為何, 人越大係要越做啲比死人既野, 但唔代表我鍾意跟風...

自問嫉妒既心態加強...真係唔知點收科...

我就以上所講既野, 心情好煩躁~冇咩心情溫書...

算吧~我已經不停係咁叫住自己, 我所擁有既野同生活條件都唔差啦~應該知足常樂至係, 我都唔想身邊既人為左我而唔開心

新一年,  4號要考試了, 要努力...尤其係英文科, 希望借今次考試拉高英文個gpa, 要搶返2005年第一學期所失既分數, 務求達到英文成績既最低要求 (學院對英文成績要求比其他科高)

好多人有2005年大事回顧, 我係咪應該數返上一年有咩優點缺點, 等我希望呢年會做得更好呢