今日係我同阿權拍左半年拖既好日子呀~點都要賀一賀佢既

首先同佢起無線打左一陣機~之後去東瀛遊報左22/7既一日遊: 係去警察博物館, 赤柱果d地方...其實以前都去過哂~但最引人既地方係起合和中心入面既Route 66旋轉餐廳度享用自助午餐嘛

之後大家都見餓~就去元綠壽司度食晏...再去返新港間鞋舖買鞋~但個sales話男裝sizes既啡鞋斷哂碼wor...無計~唯有遲下去其他地方睇下同佢有冇緣

跟住撘船出中環~阿權認得拍「情迷黑森林」間Galaux起都爹利街~於是去左果條街度影相...果邊有間唔知叫咩spa起舖頭, 阿權話果間野係Galaux~我起度問:「同睇黑森林果陣既外景都唔同既...」搞到大家變左傻仔傻婆, 一個明知淨係見到條街都照影相, 一個就起度講傻野~哈

齊齊去附近間starbuckes coffee度嘆咖啡~爽呀

之後撘叮叮出太古城中心睇恐龍化石~撘叮叮果陣又熱又聞到老人鎚~雖然佢慢慢駛係可以飽覽大半條港島線既外景, 但我地都認為早知撘地鐵好喇~不過算啦, 起香港睇到恐龍化石好難得架~但我睇落覺得舊舊恐龍化石都冇咩分別既  BTW, 值得一遊既~31/7後就冇得睇架喇

睇完恐龍就行下, 起extravaganza度見到playboy牛仔褲有七折, 有d心郁...

再遊UNY個超市, d野食的確係多不勝數~買左包雞軟骨齊齊食

之後阿權話想打機, 就去左天威~有DM9, 10同V, DM9-10就3雞, 想玩V就俾多一雞啦~同埋部機lv偏低...就係因為咁~本來諗住玩兩舖既我就變左玩四舖~因為我想過cockpit, 前兩日第一次玩都係差d過到, 點知打完兩舖再唱錢玩果陣又唔記得揀cockpit, 之後揀黎玩又過唔到~所以呢四舖最大既收成係將little prayer著左紅燈喇~得51%

阿權話DM9個芒有d斜, 睇落好似對住個哈哈鏡咁~我冇玩過, 俾唔到意見

今日個半週年紀念日都好開心呀~但係時間有d倉猝~睇黎下次落香港要預足一日喇...我諗都未必夠呀

5/7 (二)

呢日練完琴就繼續睇阿權借俾我既龍珠DVD, 睇龍珠真係好開心架, 好鍾意悟空呀, 好cute

今日舅父起大陸返黎住兩日~一返黎實例牌叫我幫佢起電腦dl d歌仔黎燒俾佢聽~不過佢介紹d歌仔係正野黎既, 即係類似Rock n 'Roll果d  其中有一首叫Fuck The Police

夜晚7點去學琴~唔知點解miss呢晚咁好耐性~教左我足足個半鐘wor

6/7 (三)

朝早11點幾約左阿權起無線打機, 之後撘火車去BB任食特區食$45任食~d野都唔錯~每次落單佢都係象徵式咁出野俾你, 但係叫叫埋埋都食到你捧住個肚架喇  埋單果陣佢仲俾我地一人一大張coupon~分限期用

醫好肚就去順昌打機~果部DMV係$4, 但張凳唔好坐

玩左一陣就同阿權去IED度上網~之後去奧海打一陣機就走喇

去聯合附近間ok食豆腐雪糕, 大家都想試~但我找數果陣唔小心碌左個10蚊銀落個櫃下底呀, 之後阿權盡力用鼓棍挖佢出黎佢都唔出, 叫個收銀同個店員搬開個櫃又搵唔返wor, 咁果10雞咪不翼而飛囉

7/7 (四)

今日同媽子同佢兩個fd, 仲有舅父一齊去飲茶, 我舅父係好多道理同好多野講既~由等位飲茶直到返屋企果陣佢把口可以唔停~冇dead air之餘講d野都幾有point, 不過我覺得佢有d長氣~但講既野都o岩聽既, 起碼我個親生老豆一定唔會咁樣同我講咁多番話~佢係比我親生老豆關心我既...同埋坦白講, 我同我親生老豆一向都冇兩句既

雖然我冇同舅父講我暑假會去榮華做野既事, 但係聽完佢一番理論後, 再經我一番思索下, 我決定唔去榮華做野喇~唔係唔想搵錢, 而係...一來我想專注起鋼琴方面, 出年要考演奏級喇~二來我要起銅鑼灣果邊做, 一星期起碼飛左100蚊做交通費~三來請我去榮華做野果個fd話有個讀完中七既太子女要去果邊做, 所以公司請人既準則會嚴左, 想應徵就要交履歷表...所以~我都係抽多d時間練琴同埋搵下學生教琴喇

我舅父下晝就走喇~夜晚就同媽打同埋阿姨食飯~佢過幾日生日嘛

8/7 (五)

今日12點幾約左阿權起無線等先~通常經沙田都會起果樹打架喇~因為果樹既bonus track只係扣一首

之後撘火車出紅磡, 阿權肚餓~就去左阿波羅食燒賣~佢之前都係食燒賣做午餐~夾埋已經食左14粒燒賣

再行去金星~心血來潮打美麗的家鄉~80% perfect, 2 miss, d combo離行離欄但我覺得自己有可能full~所以我連續打多次~果然有用~87% perfect, max combo 9x%, 前面甩左腳掣, 有91% sp~我都唔知再玩唔玩好喇~不過呢首野已經加左4分  balalaika起今日先開齋計sp~我起兩個月以前打呢隻歌係未s過既...今日食左4xx combo, 但perfect低~得78%~不過計到分都好~如果搵日full到佢就最好不過喇~連埋計返sp既midnight special (71%), 而家加到895分~但係要加到900分可能要再打多n舖~以我既鼓技, 要上千真係唔知點喇...我好多難歌都連唔到combo~就算連到, perfect都唔高得去邊...

之後去金沙堡食晚飯~食完都係6點幾遮~阿權想買啡色既cons鞋~順便去新港睇下d鞋仔~佢想買果對dream shoes減到107呀  等佢星期一帶夠錢再經過呢樹買左佢

10/7 (日)

阿las下晝黎學琴~之後起我屋企食晚飯~我媽子邀請佢既   

之後睇最後一集獎門人~爆笑!! 尤其聽到八兩金把聲真係笑到碌地

都好耐冇打日記喇~一來懶散, 二來呢排唔係成日開住部腦, 而且開腦既目的唔係單單為左打日記嘛

30/6 (四)

去左阿權屋企~今次係我出手煮麵俾佢食  

之後睇「在世界中心呼喚愛」既VCD, 我地睇到想訓~阿權未睇完一隻碟已經訓著左喇

其實呢套戲有佢好睇既地方既~只不過我地唔識欣賞日/韓劇遮

到下晝5點幾就同佢去麥記share個麥樂雞套餐食~係我貪得意~起KCR月刊度見到麥記既coupon: 買套餐就有紀念品送...結果佢送左滑嘟嘟既簿俾我~順便試埋個芒果新地~唔錯

再去無線打兩舖機就走喇...

夜晚又俾媽打嘈我練琴既問題~搞到大家都翻面~holy shit!!!

佢叫我一日彈兩粒鐘~呢個唔係問題~因為我出年要考演奏級~放假得閒抽多d時間黎練琴係正常~佢呢句既出發點係好, 但我好撚憎佢d態度~佢喝我話: 「你一日最少要彈兩個鐘琴同埋每晚一點訓覺十點起身呀!!! 如果唔係扣錢呀下!!!」 (仲有, 佢一向都有限我平時出街要12點前返到屋企架~如果唔係都會扣錢!!! 如果有特別野要晏d返屋企都可以同佢商量既~但都係限時限刻) 態度唔好不特只仲要限我幾點訓覺幾點起身~雖然生活模式係比較好, 但係放假十點起到身係有困難, 試問訓唔夠冇精神又點有心機練琴同做其他野呀~慣左咁就咁架啦, 就算佢呢一刻治到我既生活模式, 佢方我第日嫁左出去仲會照佢d咁既規限咩?! 小學生就或者會聽佢講既...雖然仔女起家長心中永遠都當細路咁看待~但佢果隻真係過火左d

唔係因為扣錢問題我仲會聽佢枝笛

1/7 (五)

今朝媽子出左去耍太極~咁我練琴之餘, 趁佢唔起屋企就玩下gba, 起冇人監管既情況下唔做返d自己鍾意做既野實在太對唔住自己!! 之後到大約12點煮個麵食就出門口~例牌約左阿權嘛

不過一出門就撞到媽子~相信大家啖氣都未消~咪大家厲住大家囉~係佢扯起我把火先...  我覺得佢而家呢種教女模式係一般現實人都唔會接受得到!!

見到阿權就同佢申我琴晚既事~佢都話我媽子咁做有d過分~我寧願好似佢媽子咁, 俾少d錢但係唔會點管佢起屋企有咩作為果隻, 咁大個人都有分寸架啦...

之後去金星打下機咁~我張dm咭升到去第7層喇~但係阿權俾dmv樓燉左冬菇, 落返去第1層喇~不過經佢呢個幾禮拜既努力下, 靠牛女既66% sp上到800分喇~睇佢個樣不知幾感動

打完機機就去update mall隔黎新開張既商場~叫重慶站~一層商場成四百幾間舖, 成層好似迷宮咁~邊d舖行過都唔係咁搞得清~同埋佢好多舖都未開~如果冇指示既話真係到天光都未搵到出口架

阿權今晚想起中港城食炒麵~咁就起中港城食晚飯順便睇埋「情迷黑森林」既大結局喇

坦白講~呢晚唔係咁想返屋企~睇返我琴晚既事就知喇

3/7 (日)

下晝約左阿權起無線打左一陣機~之後我見肚餓~就起聯合附近間小食店買左個章魚小丸子食

之後阿權話想玩舖gf~就起聯合玩左舖就過新之城喇~今晚有家族聚會, 約左佢地起果樹等~pp過兩日生日呀

起阿las撘緊車黎果陣我地就去左彌敦道間hundred cafe先~訂左位嘛~但係個侍應話張訂位紙唔見左wor, 而果間野已經滿座~唯有去斜對面另一間hundred cafe喇...冇耐阿las黎左~今日慶祝pp生日既模式同patrick果個差唔多~都係起cafe食下野玩下UNO~到9點鬆d芷霞話眼訓~咁大家起臨走前影左d相

之後起聯合打下機~阿芝張gf咭第10層呀, 太好喇  好鍾意首flow呀

最後爹爹, VG, 阿權同我就行出去撘81C返歸喇~爹爹話個旅行可能搞唔成, 可惜...不過大家keep住有meeting都已經係一件好事黎既

4/7 (一)

晏晝同媽子同埋個auntie起美心飲茶~之後都係例牌練下琴...夜晚睇「開心賓館」, 爆笑呀!!!

早幾日開始睇翁靜晶既「兩棲女性」, 有d內容都幾好笑同幾有意義, 等我逐小逐小咁滲d料俾大家

「亂發綺夢」(部分內容)

早兩天就接到「蝴蝶君」來電: 「專誠讓妳高興, 我正在法庭控告妳最討厭的x公司。」鷓事獻殷勤, 非奸即盜, 而且這傢伙老在最忙的時候來纏。為絕後患, 盡出最佳斷絕邦交方法: 「千萬別把我扯進去, 打個比喻--你父母性交生了你, 「你」就是別人性交過程中的「副產品」。你父母並不是要「你」這孩子才性交! 正如你吃飯, 然後「拉屎」, 你並不因為想要那「屎」才吃飯, 「屎」只是副產品。你跟x公司的官司, 我的「高興與否」亦是副產品, 少跟我來這一套!」

今日10點幾就同阿權由沙田出大角咀~因為eebi, tommy同ocean佢地朝早10點起奧海百老匯睇「頭文字D」~咁我地之後約左佢地去食晏...佢地睇完戲後就去匯合佢地~ocean瘦左好多, 遠睇真係唔認得~判若兩人  以前睇落成隻豬咁~而家睇落, 似返個有為同幹勁十足既好青年

之後我地跟tommy返IED交學費, 佢地暑假要讀增潤課程~

跟住出新世紀食晏~之後佢地返屋企嘆冷氣, 阿權同我就去聯合打一陣機~佢求800分心切

經過上星期既加分行動後, 我同佢今日都冇咩分加~佢full左首機械人都係加得0.x分, 而我首lucky staff都係加左1%, 勝左perfect高左~我唔識連combo...  我加左0.8分~而家係888.96, 諗返起星期日果陣打三度笠加左0.08分~如果唔加呢0.08分~咪真係有888.88分?! 走寶添~唉...如果咁o岩888.88分就死都要搵fd用電話幫我影低個分喇

之後齊齊行去尖金~又熱又攰...  途中經過佐敦新樂酒店對面個商場就貢入去過冷河~順便起果樹行下~因為我地經過果樹n次都未入過去行~入去其中一間boutique~有tiffany既tee賣~仲係買二送一~不過呢個夏天我都唔使買衫住喇

去到尖金就打陣機坐下就走喇~我又攰佢加分又加得冇癮~第日先加喇...好快就800啦