補習Econ變做聽棟篤笑!!

http://www.econexp.net/econexp/econ/movie/econexp_movie7.wmv

善解人意的baby

http://myhome.apbb.com.tw/ag085994/lief.wmv

今日下晝我阿媽同朋友跟樓下會所團去濕地公園...所以我叫左阿權上黎~

佢聽我彈下琴, 一齊訓下覺玩下電腦咁...好快就過左幾個鐘...

之後同佢去手作之店買雪糕食~一個大波12蚊, 加多個波都係加5蚊~兩個人食完都漏到上心~不過好好食呀...  

跟住同佢去圖書館還書~馬鞍山圖書館開左廿日...住起附近既我而家先至第一次入去 =.="

再去街市拎免費巴士飛~就送佢去撘車~我冇陪佢等車係因為有另一個人等緊我...阿las~上我屋企學琴~我之前起浸大圖書館借d初學琴書已經到期還左~所以都係用屋企本piano for children...教佢彈第一隻歌

之後去左樓下斜對面間小廚食飯 (唔記得左間野叫咩名 )...條友竟然話冇兩送套餐wor...咁我地兩名女子就唯有叫三送套餐~有飯有粟米羹有綠豆沙...飽到阿媽都唔認得...  咁就剩返半窩羹同d東江雞...叫人拎盒仔打包~話每個盒收1蚊wor...=.=" 不過d盒係微波爐適用既~算係物有所值啦

食飽飯梗係要行下~同阿las睇下衫~跟住我就返屋企lu

今朝8:30要上堂, 例牌都係懶床半粒鐘先起身...摸摸下就搞到差唔多遲左成粒鐘先到課室...今堂係教access...當然又有assignment做啦...

之後join埋vivian同candy就去R7度print notes同琴譜 (孖寶兄弟果d ) 冇耐阿權打黎, 同佢傾左一陣...佢同我講, 佢上網睇到我個team升左去第3階層喇~好野~終於再次同你平起平坐喇~不過大家要爭飯食

到左11:30, 我地就諗住叫pizza外賣, 睇埋食咩野打電話過去啦, 佢話1點先送到wor...但我同candy12:30要上堂...冇計~唯有去日本餐廳食晏...食左個焗吞拿魚意粉...唔係好夠飽

上左堂英文堂, 冇左半條人命...因為MLA Project d格式好麻煩, 少少差池就會扣分...初頭咁學真係想闔頭埋牆...

之後去河內道搵阿權...一開波梗係係咁打Destructive Wave同其他隱藏歌啦~都有d新紀錄: S左Magical Jet Tour同A左Little Prayer(adv)  

阿權今日開始打舊歌~加左唔少分

不過大家都有同感~打DM唔係為加分~首要打既係自己想打/鍾意聽既歌仔...抱咁既心態去打鼓會仲開心

打左幾舖我見肚餓~咁同佢周圍行下有咩食~跟住就去左雞記...食左個蒜蓉雞扒飯~

食左飯再戰河內~Full左Rebirth~不過p率幾低, 得81%...

最唔抵都係首Destructive Wave...開頭連左1xx combo~起low-tom 4下度甩左粒...再連左399 combo...唉...如果夾埋連哂既一定計sp.

之後我地就去中港城睇「同撈同煲」lu~睇完大家仲想打一陣機~再落返河內

呢代未打過蛹(adv)~亦都有半年冇打~再打返~第一次A左~仲比上一代多左3% sp...但應該有得再升既

跟住去下尖東散心~激戰一輪後就齊齊撘馬鐵返歸lu~

今日10:30約左阿權去聯福樓飲茶, 仲係第一次呢~

食左唔少野~椒盬豆腐, 棉花雞, 花枝丸, 牛柏葉...

我地起11:55前埋左單 (呢個鐘數之前找數係大中小點一律$6.8架 ), 之後先慢慢嘆茶~

過左冇耐我要走lu~因為12:30要補中文~

咁我個動物盃入左圍~阿權話想一陣打隱藏歌wor~咁我俾我張咭過佢打住先...

補完課佢就打黎...話原來聽日先有得玩wor...兩個傻人都醒唔起呢樣野~

順便問埋佢~我個team排第幾~佢話第一wor...咁我放左學唔使去煲機...聽日至打lu~希望聽日揀歌果陣見到little prayer啦~之前次次都上唔到樓...我唔想再住1樓喇...

之後上public speaking...miss講左一陣泡泡point後, 之後俾1988年歡樂今宵之金像獎既片段過我地睇...幾好笑~主要想我地睇d司儀, 頒獎同得獎人既台詞~之後佢就叫我地分組表演~叫我地向有趣d既項目入手...

我地果組係做扮野大賽得獎, 我同kimberly猜輸左要做得獎人...即係要即場表演返兩手~

最搞笑係有一組人係頒獎俾狗主人~3個男既要扮哂狗~叫聲同動作都好逼真~佢地又會肯做狗既?!

全班人show time完畢...剩返d時間~咁miss叫我地brainstorm遲下個debate既ideas~個題目係香港文化受日本文化影響~我地係做反方...傾左一陣就放學喇

今朝一起身又攰又肚痛...咁自己休養半日...  下晝先返去上堂~

原本今日例牌同阿vivian食晏~但我下晝果堂係2:30先上~加上自己果陣冇咩胃口~所以食左野先出門...

vivian打黎同我講, 原來易拎都冇返...

3:30上完IT, 跟住落9樓個資源圖書館溫下中文~miss起而家教緊呢課「山上的小屋」既泡泡point度問左好多問題~咁佢叫我地預備下...上堂果陣都冇咩人識答~因為太難喇...

落左堂就同candy放學, 途中有人派左張噹拿屋既傳單∼主要食薄餅既~d薄餅都係$1x-4x, 焗飯都係平均廿幾三十蚊度, 學生仲有優惠...太抵喇~佢起學校附近派得張野俾我地~咁我地相議話星期五晏晝打去果間野叫外賣睇佢送唔送黎...因為間野起西九龍中心度架

行到去逸夫行政樓對面就見到樓下有家樂牌既promote, 有得俾人試飲野...由於我地過左馬路先見到...所以冇去試~

之後再去fz搵阿權~打左舖機跟住出去坐一陣就撘車走lu~