今日如常9點鬆d返到學校上IT堂~一入到課室~奇蹟!! 差唔多全班人都返哂黎...再睇真d...弊喇!! 原來我琴晚唔記得左今日有個quiz...好在係考MC+T/F咋~如果唔係真係炒到唔清唔楚...

起呢兩粒鐘既break期間~都係同阿vivian去R7玩下電腦先~之後諗住出發去舊校canteen食飯...阿雞脾就打俾佢~join埋我地一齊去食飯  行行下阿權打黎~話我dm個team真係燉左冬菇wor...變左去第2層喇~要居權之下喇~可惡!! (1)

不過我gf就升左兩層...即係起另一邊見到magical jet tour  

我同雞脾今日係第2次見面~食食下飯傾起選科d野~先知原來佢都係修音樂~太好喇...據我所知都係得十幾人揀呢科咋~難得多一個識人同我一齊讀

上完英文堂就放學~約左阿權起九龍塘地鐵站等呀...跟住齊齊閃去河內~有玩dm, gf...佢升左去第4層喇~又係居權之下~可惡!! (2)

唔知我幾時先起dm同gf樓望到你頭殼頂...

之後去茶餐廳叫左兩個送食~上次食過爹爹叫既椒鹽骨~太好味喇...所以今次到我叫~同埋阿權叫左個西檸雞跟住一齊食...

食完之後就去LCX睇我想買既鏈喇...d飾物可以自由配撘~不過新款就要貴d囉...點都好啦~買一送一都買得過既~等我過兩日禁完$就帶你地返屋企下~真係睇到心郁郁架...

之後就齊齊起中港城睇「同撈同煲」喇~今晚係大結局~點都要睇既...

睇睇下阿管家打黎~先知原來今日個missed call係浸會打黎~係想同我地講...黎緊既音樂科唔會開喇~因為得十幾個人讀...同埋話人手不足wor <-呢個係好大既疑點  咁我同佢都要諗下自己想點...又黎個人生交叉路...真係煩~如果大家有咩意見都可以向我提出既~我會參詳下...

冇幾耐阿las打黎~話聽日黎我度學琴~同埋話佢約左芷霞~順便搵埋我出去食飯~阿芷霞姐會俾件粉紅playboy tee過我~

睇完電視就同阿權落返河內~見到個勁人~本來係紫字...玩左舖就897分...再玩多舖就976分~見佢玩三蟲有92% perfect, 明鏡有84% perfect~仲就黎full添, herring roe又差d S埋...睇呢d表演真係精彩

之後我玩左舖~Doki Doki竟然起最後一粒low-tom度poor左~飲恨!!  (88.xx分)

再同阿權去紅磡醞釀下就撘馬鐵返歸喇

今日再去阿權屋企搞搞震~不過有幫襯架~就係幫襯佢親手煮既蝦子麵...仲有魚蛋、豬皮同雞翼添...  不過都係一式一兩件咁囉  好在晏晝食左3碗烏冬咋~呵

之後佢都想落下fz打機~經過乙明邨...有檔野d豆腐、魚蛋之類既小食都係1蚊件~真係大件夾抵食呀...d魚蛋真係好好味呀  見你咁「落力」整野俾我食~就醒你一舊豆腐啦

我同佢都打左舖~自己玩返雪藏左十世既after a hard day...好似比之前好左好多...可惜都係唔入sp.

再同佢起冒險樂園打左轉~佢就要乖乖返屋企食飯喇~而我就約左may may今晚去kfc食野~多謝may may     我都好耐冇去kfc食野喇~佢頭先起LCX間igloo度買左兩條鏈...好骨緻呀~而家仲係買一送一~搞到我都好想整返兩條...雖然呢排窮過水咁...但睇完佢果兩隻款~我都好想去銀行禁$買呀...都係唔好咁衝動住~聽日去果間野睇下先決定都未遲丫

食完野阿may may就要拿拿淋閃去馬會返工喇~我見自己有少少手痕~咁就再落去打多舖dm...nore more crying有73% perfect~咁就計返sp...真係開心到喊呀

今日d機運都幾差~玩左最拿手既Doki☆Doki都係得廿幾分~you'll be a man開頭打到 咁~仲有joker同keiko my love就更加唔使講喇...K記總係玩死人既~隻隻盃出親既歌都係冷門同屈機果d...

好在呢隻盃只要一萬名內就入到決賽~

仲有~you'll be a man今日有左新紀錄~竟然係死個A返黎...

之後阿權黎左...咁我試下開張gf咭睇下自己係第幾層...原來只係第一層~所以之後我都要賠局俾佢...

玩完就去7記食下點心...之後諗住去kfc食下午茶~$8/5隻雞翼...不過之後睇返隻錶~已經成6點喇

咁之後同佢一齊行返去紅磡醞釀一陣就撘馬鐵返歸喇

今日約左阿權去奧海金牌坊食晏~本來約左佢12:30起沙田火車站等~今日已經比平時預鬆左時間去等免費巴架啦...但都係放假既關係~太多人喇~所以都係冇得撘...

下一班車要隔50分鐘先黎~唔等喇...唯有撘馬鐵轉去大圍火車站搵佢喇~去到旺角就睇住阿權食左佢既情婦(臭豆腐) 先~跟住佢話想去聯合打下機先...咁佢玩左兩舖~好好運咁加左6分...唔只好運既~佢比起上年真係勁左好多

之後就行去奧海食晏喇~以為今日有自選通粉食~點知假期係冇...唯有叫其他野食喇~   金牌坊出面好熱鬧~因為有學警雄心班藝員黎左...

大家醫完肚仔後就去奧海間機舖~琴晚阿權話要同我打比賽 (有4場-1場有4首歌: 1. 泉陸奧彥系列   2. 古川系列    3. Jimmy Weckl系列   4. Kevin Vecchione系列) 賽果暫時係2比2...遲下仲要其他系列再決一生死~

玩到6點鬆d就出去河內道喇~因為7點約左爹爹佢地...本來阿權唔諗住同我行過去~後來我用Primal Soul加埋一個附帶既著數條件引佢過去...(果陣我係完全意識到今日只係星期日)

行程相當痛苦~主要原因都係太熱~加上大家頭先既激戰下...要費既腳骨力真係好多

一經過彌敦道d有冷氣既舖頭~有陣陣涼風吹黎, 已經好感動    果d地方就係阿權所謂既「天堂」喇~

行左大約45分鐘終於去到河內喇~爹爹派每人一張咭, 係叫我地估下圍內打dm既人總共有幾多分~估得最相近既~爹爹就會請佢打機~

之後諗住搵pp/阿芝同阿權session~佢要玩Primal Soul嘛~之後就要返歸食飯...

咁阿芝同我玩gf+阿權玩dm~由於我冇入咭玩gf~又慣常按住R+G掣去按start...結果搞到個session取消左...我都唔想架~對唔住呀阿權...   雖然我話聽日賠局俾佢~不過佢都鏈左我幾野...  

遲下你一定得償所願既~放心啦

之後大家去返上次間茶餐廳食飯...食完飯吹下水又落返河內打機lu~跟住我諗到個可以俾阿權聽日玩到Primal Soul既機會~不過要佢合作喇...同埋機會唔大~個機會係咩野? 聽日試下真係work至同大家講...

我都等左幾個字至有得玩~係同V.G.仔+pp session~打Miss You竟然出奇地咁s左...第二次打無常之星都s左喇~p率+combo仲要多過上次...最後一首試Primal Soul~幾好呃...係呢首野令我加左2分~  其實仲可以連多d combo既~只不過係我唔記得左踩「悲屎」

臨走前我都玩多一舖~不過呢舖好  唔好提喇~

同阿las, 爹爹同中和去柏麗大道撘巴士...咁我同爹爹見到架81C~猶豫左一陣就決定去追車...雖然我以9秒9既速度飛奔去架巴士度...但都係miss左~仲搞到我對鼓棍飛左出街...好彩架巴士未駛過咋~如果唔係...可能會有意想不到既事發生...

今日諗住同阿權上萬佛寺食齋~(上山果間唔使$, 添d香油錢俾佢就得)

咁我諗住撘12:10班免費巴去沙田~照舊冇得撘...放假太多人喇  咁我索性撘馬鐵去沙田圍~join埋阿權一齊行去沙田...撘緊馬鐵果陣小咪就打黎~傾左一陣...想約我就早d出聲嘛

之後阿權黎左~大家傾傾下今日晏晝d野...原來先知道我地兩條友都走左寶...  我地太肚餓喇~所以唔上山食齋喇...就去敦豪外賣部~一人買個燒味飯盒食喇~阿權琴晚食完飯同佢阿爸起西田買左件去飲宴用既T恤有披口~就同佢去西田換左佢喇~講真~件衫既款真係n年後先o岩佢著...後尾問左個sales, 佢話可以換其他野~總之係西田貨就得~個budget係292蚊~當然同佢揀返件靚靚恤衫先啦~件野都係99蚊~之後我見到有件the beatles既tee, o岩佢口味~仲有件tee係有隻腳板寫住shut up...不過佢唔鍾意呢件野~咁我又覺得幾得意~就係咁, 一人殺左一件喇

連埋少少文具精品就夠數喇, 最後都係貼返5毫子...不過睇野揀野都行左個幾鐘有多喇~大家都好攰...買左d野飲就上西田個food court坐左一陣~跟住就去fz搵阿軒喇...佢地今日搞meeting~

之後同佢地吹一陣水~打左一陣機再坐下...7點鬆d就同阿權走喇~大家8點要睇殘酷一叮