今日上國畫堂~返去就係畫一幅畫, 呢幅畫同埋一篇論文就係計成個國畫course既分 (即係呢科唔駛考試 ) 所以不容有失~就係因為咁, 我畫既梅花樹同隻雀都有俾阿sir睇左先~佢話我隻雀畫得好搞笑  起左兩次稿~整體黎講我都覺得幅畫唔交得出去住~咁唯有等下堂最後衝刺喇...

上完堂就同vivian去hall canteen食飯~d芝士牛柳扭紋粉好好味呀

之後IT堂都係聽書, 再隔一粒鐘後既中文堂係聽第一組同學present第二份小組報告...

放左學就起樓下民主牆見到有學生投訴CIE分配宿舍同選科既問題~仲要大大隻字show個標題出黎: CIE學生不要再沉默!!! <-個標題實在太型喇

之後打俾選修音樂既同學~阿昭係同我一樣係聽日10點去見Ella, 咁佢話仲會join埋雞脾一齊去~太好喇

同埋阿昭都諗左幾個問題俾CIE去答覆...聽完佢d問題覺得佢諗得好週到

等我同大家講下我幾時考試啦: 6/6-6/9 算係俾人早考完試架喇~哇哈哈

今日撘完火車出九龍塘地鐵站果陣撞到小芒...

之後一上英文堂~d組員就同我講有關音樂科取消左既話題...alex仲話佢有個fd因為呢個消息而好煩惱~仲托佢俾佢個fd個電話過我同佢傾~個個人都叫我去告CIE...不過成年掉左4萬8千幾落去讀AD yr1, 竟然起學期尾先得知呢個消息~又的確係令人氣憤既事   如果到時真係要轉科...呢個等價交換根本唔化算...

CIE都唔知有冇搞錯既~早唔講遲唔講到而家先話少人讀同人手不足先話唔開音樂科~先前入黎果陣都冇話如果少人報既話就唔開呢科架啵~而家又搞d咁既野~迫人轉科~有d人會因為咁而唔繼續讀落去~佢咁做簡直係自打咀巴...佢唔好等我交埋下年d學費先講?!

之後聽kathy講佢落左堂會陪個fd去interview Jourlism呢科野~無啦啦呢兩日CIE又話呢科野太多人讀要interview去篩人~少人報又話唔開, 多人報又話要篩人~乜都俾佢玩哂啦...

所以呢幾日都令我好心煩~一來可能同月事將近來潮有關...影響心情~二來又黎單咁既Q打~三來又學期尾...清功課, 考試~四來又手緊...真係麻煩

講返我今日有咩搞作啦~上完英文堂就同sasa佢地食飯~食完飯佢地要去大library做healthy living份project~個題目係藥物增肥...仲煩過我地上個sem既題目: 控制體重

跟住我搞一陣電腦~到差唔多3:30就出聯合等阿權~佢DM而家693分~都想快d過700...殊不知佢今日好叻仔呀, 玩一舖就701分喇~ out of breath差唔多full咁滯~我都冇佢咁多combo呀

我成十世冇玩scenario~就玩下佢啦...起初連左2xx combo架...但後尾死鬼左

好彩首mushroom boy有d安慰~連多左combo不過仲未full...1poor~最後果段cymbol既第一下cymbol打快左   不過都有d分加既...

plastic implantation...我覺得幾好玩~同入sp既差距唔遠~好想將佢加入名列...

同佢打完機機行左一陣就返歸睇百法百眾喇~之後8點要學琴...揀埋第二同第三首performance要考既歌仔~

今日約左dicky師傅12:30去飛髮~但係果陣出面落狗 咁大~於是我煮埋麵食見d雨細d先出去...

師傅一見到我就話我好似瘦左, 咁我同佢講我係跳ddr瘦既~跟住佢問:「真係得架咩?」早排都好多人話我瘦左好多...其實我除左跳ddr瘦左外~早幾個月咳完又咳~間歇性咁拖左兩個月...唔瘦至奇呀

個頭都飛得ok既~主要我係想剪薄同剪碎~依家真係無髮一身輕

飛完髮都差唔多時候去上堂~放break果陣阿rachel又話我瘦左好多  

我心諗: 如果減到埋對象腳就好喇

5:30放左學就去搵阿權~行去新城市三期果陣撞到may may~佢同小蛋去shopping掃貨~之後同阿權去麥記一人食左個麥香雞  

之後諗住撘7:25班免費車返歸~但係太大雨喇~咁就齊齊起starbucks坐左一陣...

點知去到差唔多8點都係咁上下大雨...唯有頂硬上行出去啦~因為8點係最後一班車喇...阿權冇帶遮~咁我上埋車就借把「暗啤拿」過佢...咁就過左一日喇 　

今日同媽子, 一個auntie同阿姨去旅行~係工聯會搞既...所以8點幾就出左門口lu~架車再起大圍火車站接埋我阿姨同其他團友~首先去既係嶺南之風~之前都去過架...咪當行下散下心囉

不過行行下就落大雨...好在一人一把傘咋...最憎落雨

行左幾個字就上車去中環果頭食自助餐~間野叫皇太子日西餐廳 (之前係咁起中環一帶遊車河~淨係中銀大廈都經過左兩次~餓死我喇 ) 有料落格之前就有個工聯會小姐講呢番說話:

小姐:「知唔知今日係咩節呀?」

團友: 「母親節。」

小姐: 「咁d阿媽平時買送就只會諗d仔女, 另一半想食乜...有冇諗過自己想食乜呀?」

團友:「冇。」

小姐: 「咁今日你地就係大哂既~d媽媽要翹埋雙手~俾d仔女, 另一半出去夾野俾你地食喇, 如果夾錯一樣野食就罰佢地一陣去赤柱買一樣野你地好冇? 咁夾錯幾樣就等佢地買幾樣野你地好唔好?」

團友: 「好。」

咁我就夾左一碟俾自己~同埋一碟俾媽子~佢咁注重健康~當然係夾d椰菜花, 粟米同魚柳俾佢食先啦

我覺得d野食都ok既~又有我最鍾意食既炸雞翼wor...只不過d甜品少左d...同埋得果一粒鐘鬆d俾人食...太少時間喇~實在唔能夠完全發揮我所長

食食下野就抽獎喇~竟然最後一份獎有我份wor~不過冇份揀喇~獎品係鞋x (大家應該估到既~係保護隻腳用既) 不過呢樣野唔o岩我用~就俾左我媽子用喇

之後去電影資料館~得20-25分鐘參觀~可以話係拎下d catalog同掛名「到此一遊」就算喇~

再去赤柱行下睇下野 (之前都去過幾次喇)~之後撘車去星光大道~我阿姨話今日落開九龍~就去埋電訊盈科 (近聯合) 度拎埋贈品~要我陪埋佢去...

由於我地之前都去過星光大道~所以直頭離隊喇~我見又起尖咀附近...就即刻走去LCX度買左兩條我心愛既頸鏈+手鏈...等左幾日喇~終於可以帶你地返屋企喇

之後就同阿姨撘6號巴士去電訊盈科拎贈品~點知d煲系列換哂wor...得返DVD機~咁佢舊年都換左DVD機...冇理由再換架...咁佢唯有遲d先再換啦~佢先前已經問左人仲有咩野換架啦~果兩個職員已經答左佢係得返DVD機換...點知冇耐阿姨又重覆問多兩三次果條問題~d人都笑喇~最好笑係有個職員話有煲系列換果陣會電聯通知~跟住阿姨先黎拎~咁佢就話: 「等我黎拎果陣問你地拎返d車錢先...」真係吹漲~但又忍唔住笑喇

我地就起豉油街附近食粥~10蚊碗呀...超抵~

今日一起身~跳完一陣DDR再去沖個涼...跟住就去匯豐銀行禁$喇~再去QQ rice度買兩個加大飯糰~一個係買俾媽子既~真係健康又美味

下晝阿las黎學琴~之後就同佢撘免費巴去沙田, 再撘火車落河內搵芷霞姐佢地~仲見到埋光仔~都好耐冇見佢喇

跟住我+芷霞+光仔session~第一首開齋玩carnival day~點知光仔唔記得較返野~玩左半首歌就齊齊死lu~

之後果舖先享受去玩say (呢首野真係好聽呀~ ), 過返carnival day...不過冇玩rocki paradise~又有玩primal soul~今次A左喇

跟住齊齊去食飯~大家都起度講緊某人d衰野...之前都睇唔出佢係d咁既人

芷霞姐俾左件playboy tee我喇~好靚呀~多謝芷霞姐  

食完飯再落返河內~阿las冇耐就走左~佢好少可咁架~不過見佢今日唔多開心...同平時好唔同

之後再同光仔+pp夾多舖session~靠玩primal soul果75% perfect都係加左分幾...因為我連100個combo都冇

冇耐我再玩多舖~mushroom boy連到最後果段cymbol位甩左~但係前面甩過combo~所以有81% perfect都係冇分加~真係唔知幾時先full到...

跟住我走先~就行去紅磡撘馬鐵返歸~聽日有旅行去~要早起身