|
| |||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2005 年 5 月 24 日 星期二  |
覺得自己好冇炭用呀...  |
今日英文quiz~覺得有d難同埋做唔哂~WTF!!!
之後同sasa同jenny去聯福樓飲茶~好耐都冇同jenny一齊食飯喇
不過今朝淨係飲左杯野就出門口~之後飲茶第一樣就係食炸魷魚鬚...唔知我空肚係咪唔受得肥膩野既關係~食左冇幾耐個胃就會唔舒服...跟住就唔多想食野~搞到大家食唔哂既菠蘿雞粒炒飯我都唔可以幫手清哂佢喇
其實我都好鍾意飲茶架~點心多元化嘛~好鍾意食鴛鴦水晶球呀
飲完茶之後約左阿權去海內~冇得陪sasa同jenny佢地喇
撘地鐵果陣~差d直接撘左去油麻地...我起旺角站冇意識要落車~好彩佢再開多次門...我咁o岩見到路線圖閃閃下~我先醒起要轉車...點解我會咁架?!
一去到河內~阿權已經黎左...同埋見到pp, 一齊夾左舖機~聽講今日有人搞meeting~所以都比平時既星期二多人黎...同埋今日入左部搖鈴~唔知部野係咪起荷李活果邊黎... 呢排唔知係咪多功課做同埋老豆中風搞到我有壓力~加上呢排訓覺同胃口方面都唔好~打dm又打得差左~所以覺得自己好冇炭用呀...我真係好似張相果個女仔咁~起DMV佢係個懸命女子...唔知我係咪都係咁呢...
所以之後我忍唔住向阿權訴左好多苦...我講果d說話都去到灰色地帶架喇...我諗都聽到佢耳都側埋
我都想事事順景~又想叻d...但係我份人一見到自己唔夠人黎就會覺得自己好冇用~因為我個人又蠢...識既野又少...分析同理解能力又差...
所以今晚一返到屋企就做d好耐都冇做過既野喇~做facial同聽歌
P.S. 我自問係一個復原力強既人, 但好易因為小事而唔開心~勝在睇得開... |
| 刊登時間︰2005-05-25 02:32 AM [ 訪客留言(1) ] [ 編輯日誌 ] [ 分享至FACEBOOK ] |
miss話如果覺得難既話~咁我地考試就有problem wor...好明顯我就係有problem果個...
不過vivian要上堂...始終仲未有機會4個坐埋一齊~唔似上個sem咁有咁多機會...
2005 年 5 月 23 日 星期一  |
DMV一舖有3首長歌玩??  |
今朝出到去九龍塘地鐵站就落雨~都幾大下~我又冇帶遮...即係行行下變左落湯雞
返到學校去傾中文第2次小組報告~下晝果堂要present...我都要諗下一陣點講喇~每次一到present之前果幾粒鐘我心入面就會好緊張...總係怕自己會講錯野
present完之後, miss就會俾feedback我地...佢都講得好詳細架~每組都起碼講左5分鐘...其實我一向都好欣賞佢~
放學途中同candy講左好多野...之後去fz搵阿權~去到見到阿軒, 佢話之前趁部入咭既DMV壞左, 走去將長歌較做當1首計~所以今日多左好多人去玩...跟機都有排跟~
我跟機跟住7:30都未到我~唔等喇~老媽子頭先返左沙田...約左我起風月堂食晚飯~正呀
之後同佢去Fancl買野...同兩位小姐撘嗲~有一位小姐話我睇落好細個...問我幾歲~咁我叫佢估下...佢估我唔夠18歲~真係開心呀~
|
| 刊登時間︰2005-05-25 02:05 AM [ 訪客留言(1) ] [ 編輯日誌 ] [ 分享至FACEBOOK ] |
人靚聲甜, 教學又好又有責任感, 課課書都整哂/print哂泡泡point同埋課文過我地架~d泡泡point又詳細...好多教中文既阿sir同miss都冇咁做
跟住到阿權玩左3首長歌: High, Depend On Me同Sweet Illusion...阿軒將呢3首歌講左d幾有趣既野~
) 2005 年 5 月 22 日 星期日  |
| 醃雞翼呀... |
老媽子呢兩日都上左大陸~咁我要食自己喇 下晝整左包湯丸黎食~之後起冰格見到d雞翼~就拎左4隻去解凍~之後搵左豉油, 鹽同茄汁黎醃...留返今晚食
用微波爐整左5分鐘已經好熱...味道都唔錯架...係鹹左d遮~
過埋呢個禮拜就係學期尾~所以呢排都好多功課同project要埋尾...都唔得閒整咁多野食喇~求其翻叮d熟食醫肚就算 中文篇2000字論文~我係用小說《鞋癖》去分析...連埋構思都用左我成日...希望篇野冇離題啦...諗返起我讀中學果陣~呢d經驗實在太多...
|
| 刊登時間︰2005-05-25 01:43 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 5 月 20 日 星期五 |
| 行APM呀... |
今日上完IT堂就同vivian, candy去hall canteen食早餐...好耐冇出去食早餐喇
之後同candy同其他做中文報告既組員去分工...傾左一陣 之後雞脾佢地都黎埋...幾個人有講有笑...幾有氣氛
跟住12:30上去英文堂...miss講左一粒鐘書就同埋我地去聽準備去考試既講座...入到去原來得兩丁友去聽...阿emily起樹講解點樣應付考試...其實都冇特別~聽黎聽去都係叫我地起學期初jot下notes, 整下outline...叫我地考試要放鬆...用深呼吸去relax自己...類似既野起中學已經聽左好多次喇
放學左約左阿權去lost game...都有幾個月冇去喇~果邊既gf機壞左~今日玩左兩舖都勁黑仔: 頭果舖既extra stage玩左首新既隱藏歌-wonderful workers...想打最尾兩粒音果陣就香左...成首野都要踩好多bass...踩到腳軟喇...同埋後面段野好麻煩, 第二舖諗住第3rd stage玩埋midnight sun有個A玩到extra stage...點知中間打到好亂...卒之打埋最後兩粒音就拉閘!!! 激到我彈起
之後就同阿權行APM~商場都幾大幾多野睇
夜晚同佢起citysuper開既food court度食飯
咁大家唯有起168篤手指...都幾過癮~之後就雨中漫步 (一d都唔稀罕呀!!! 最憎落雨!!! 擔遮好煩呀!!!
|
| 刊登時間︰2005-05-22 10:34 PM [ 訪客留言(1) ] [ 編輯日誌 ] [ 分享至FACEBOOK ] |
我總覺得midnight sun呢首野有得升sp既~
| 2005 年 5 月 19 日 星期四 |
| 升級有望喇... |
今日2:30先要上堂~所以訓到12點幾先起身...即係一起身就出門口食野返學喇~晏晝去左金匯庭~例牌叫個學生餐~有冬菇幼荀羹同豆漿飲~叫左個粟米雞丁飯黎食
之後上最後一堂public speaking喇~返去都係玩game show~全班分左兩組, 每組都有廿幾張cue cards, 入面寫左個字...要你用張野入面既字黎諗一條問題~之後大家寫哂問題就開始玩喇~你同對手果組猜~嬴左果邊就要抽對方既問題黎答...嬴左就加$, 輸左就扣$, 同埋有3個錦囊用...錦囊係用處係可以有隊員幫你答~就係咁樣就上完一堂喇...唉...早知上堂quiz果陣返左佢啦~跟住呢堂唔返好過...真係選擇錯誤~覺得自己呢排好蠢好冇用呀
今日都早左15分鐘放學~就去下fz打舖鼓先~撘火車中途阿權打黎...佢今日同鄰居去奧海打機~之後佢話起聯合果邊個小食檔食埋佢既「情婦」就撘火車黎搵我
我為左保障我第2層team A既第一名~所以玩左stranger既nonstop~點知玩到N.G.S已經扣左3/4既血...到rebirth of love已經見紅...不過最終起冇血剩既情況下過到~吸引到唔少觀眾~
我仲好擔心星期六有冇得補測public speaking...因為我之前send醫貓俾miss confirm左我既補測時間得, 但係我同佢講左我冇醫生紙~所以佢冇同我講到時起邊個課室測驗...咁我今晚send醫貓問佢起邊測~佢答左我呀!!! miss真係好人...如果要我寫個topic係講「我最敬愛的老師」, 我識做喇
之後我個親戚打黎~話我老豆起廣州中風...而家返緊去深圳~聽講佢個口歪左, 同埋行動唔方便...但佢唔肯入醫院~就搵左人同佢做針灸~我媽子打算聽日北上探下佢, 我呢排業務纏身...行唔開 |
| 刊登時間︰2005-05-22 10:07 PM [ 訪客留言(0) ] [ 編輯日誌 ] [ 分享至FACEBOOK ] |
| « | 20 | 21 | 22 | 23 | 24 | 25 | 26 | 27 | 28 | 29 | ... | 32 | » |
