今日8:30上電腦堂~雖然我9點1,2先返到去~但返左黎既人10個都冇, 之後d人先陸續返黎...今堂都係教access...

kathy呢兩日都好擔心份script搞唔掂~話哂都未一齊傾過...不過kimberly已經整好lu~但仲有地方要修改下...咁阿sir俾我地最遲星期三交~阿sir真係好人

10:30落左堂就join埋vivian同candy~跟住就打去噹拿屋叫外賣...(根據上星期既經驗~11點幾叫係冇可能起預定時間送到既...因為我同candy 12:30要上堂) 唔知點解今人冇人想食pizza...咁大家都係叫焗飯, 意粉果d...佢話11:45會送到黎~咁佢地去左R7傾healthy living個project先~我就想搞搞新意思...之前見人夾起前面d頭髮跟住紮公主辮都幾好睇~咁我就去廁所照做

之後我去返R7搵佢地~再打左少少日記同埋同阿權icq左一陣~就有野食喇...d野其實係麻麻地...我個焗麵係忌廉汁多~其他料都少, 搞到我食完成個+飲埋橙汁汽水就飽到上心口...不過$20學生優惠算係咁啦

跟住上英文堂~miss成堂都係講MLA張handout...之後要交outline~miss聽我地話轉topic就嚇左一跳~因為我地話上網search Lolita就有好多條link都係鹹網~咁落左堂後miss就同我地一齊search下喇~佢睇睇下就話, 「咪搵到囉~真係嚇死我呀...choi...人地好保守架嘛...唔嚇得架~你地點做野架...」放心啦~佢講呢番話既語氣係好哀怨下...加埋佢d表情~真係幾好笑...

之後去河內道搵阿權~佢一見到我個頭就俾我嚇親  咁我地打左一陣機就去麥記坐下~食左少少野再落返去~過一陣阿軒就黎左~今日約左佢嘛...同埋帶左個fd黎~都打得幾勁  

阿權冇幾耐就要走喇~因為佢今晚要同屋企出去食飯 (母親節) 咁我送佢去車站撘火車...同佢分開左冇耐佢就打黎~話我漏左樣好重要既野...我諗左一陣先醒起...係DMV張咭呀!!! 咁我梗係返去拎...大家戲弄左一番  跟住就返河內道同阿軒夾機喇~果陣kenny黎埋, 就同阿軒玩gf~就變左3個人session喇...靠首midnight sun加左1分...

玩左幾舖就同阿軒同佢個fd去吉野家食飯~食完飯再玩左一陣~之後見到阿las, 不過我果陣差唔多要走喇~

大約11:30就散水lu~

今日係最後一次補中文~補完之後就同candy去hall canteen食晏...

之後就做最後一次既public speaking presentation...我都係頭果幾個做present...可能今次係講我阿婆...會發揮得好d...加上今次冇人會問你tough questions...所以冇咁騰雞  

有d人做既present算係一啖笑~不過都講得幾好既~present左大半班就俾miss cut左~之後又做左兩個talk show...一個係講性, 另一個係講豐胸~

雖然早左少少放~但唔走得住~因為約左英文d組員去圖書館做research paper既outline...想起4樓book房做~但6:30先有得book~咁我同kathy搵住資料先...我地係做Lolita~係d圖夠囉~其他資料都有好多唔o岩用...同埋上網search親去睇...都有唔少link係sex Lolita...

後尾大家相議都係轉topic~係做迪士尼...6:30 book到房喇~果間野叫Group Vending Room...間房環境真係唔錯~椅脊有得較前後 (當然好過大陸旅遊巴果d啦 ）仲有勁大既電腦芒, 無線老鼠, 鍵盤, Hi-Fi, VCD機都有...

大家齊齊搵幾本書寫埋MLA格式就散水喇~搞完都成8點...冇得睇同撈同煲喇~返到屋企都差唔多要睇字幕

之後仲要做access~不過都係入表同做report~所以好快做哂...

今日10:30上國畫堂~阿sir講下「中國美術史」入面d野~跟住就起電腦睇畫睇左成個幾鐘頭...所以冇畫野~冇得郁手就咁齋聽三粒鐘真係好難頂...眼訓死我喇~

之後同中和同vivian去hall canteen食晏~vivian同我都叫左燒春雞意粉~就齊齊幫隻雞仔解剖喇...我真係會剖到屍骸遍野架...  

上完IT堂就起9樓資源圖書館睇埋篇「現實一種」...超好睇~上埋中文堂就放學喇...跟住kathy打黎~話起學校門口等我~咁我講埋俾佢知今日IT堂教左d咩野...佢今日有事冇返~星期五仲要交份drama script架...幾個人仲未傾過

跟住同佢同埋candy一齊走~行行下落大雨呀...不過kathy有遮~所以我唔使開

由於落雨既關係~我直接撘馬鐵返屋企算喇...經過大圍火車站間榮華就買左件蜜瓜酥食~好好味呀  不過成6蚊雞仲要係細細件~雖然係貴左d...不過好味就補哂數~

聽日係public speaking最後一次present~係commorative speech~要起你身邊既人中搵件感人既事黎講...講果陣仲要emotional...睇黎聽日present前要搵d白花油滲起我雙眼附近先得喇~(識得我耐既人就會知點解 ) 我呢廿年黎既生活都係呈水平線~鬼有野講咩...

今日11:30要上英文...咁miss講左一陣MLA格式後就俾我地傾下呢份project既proposal...但好抵死~我地果組冇人有帶資料返黎...因為之前阿kathy借左幾本書~但睇過後覺得唔o岩用囉...記得miss前幾日講過~佢讀書果陣好慘, 借做呢類project果陣, 借左幾十本書先有一本o岩使~

咁唯有大部分時間起樹吹水~同佢地一齊吹水...時間過得特別快~途中alex拎左我支鼓棍出黎...順便同我講佢之前學左一個月鼓...之後eric話佢個fd起機舖見過我打DM...佢個fd就係起SCE Tower地下見過下我撘lift...咁就認得我~原來我打鼓有BU既人認得出~

落左堂同sasa去1樓cafe食晏~之後同小咪send左幾輪sms後就去河內登下腳先~呢排一開波果舖係打得特別好既~full左To The IST, Roopa同Little Prayer adv都計返sp喇~(我都好期待Little Prayer計sp架 ) 咁就加左3分...

之後阿權黎左~睇完阿賢表演一番後就到我地輪流打...大家都冇乜邊舖打得好...我有一舖玩Destructive Wave~但係過完段hi-hat後死鬼左呀...點都估唔到自己會死架  果陣仲係第一首打佢架...哇  (飛走6元)

之後阿權玩愛之證明, 睇佢打完個result出黎~笑鬼死我...搞到頭先所有怒氣都全消了~多謝你帶俾我既歡樂

記得我臨走前果舖玩左首Mr.Bobby...估唔到呢首都full得咁滯~1poor 2 miss...但8% good...p率只係69%

之後就同佢起紅磡附近坐左陣就撘馬鐵返歸lu~我7點鐘要學琴...

撘到去大圍先收到miss電話~話延遲到8點先學wor...咁我同阿權起同一個站落車~等佢起佢屋企附近個阿嬸度買魚蛋過我食...(飛走6元~但73分帳... )

跟住就返去睇百法百眾lu~呢兩日d問題都俾我估中哂~呵呵

今日冇同vivian佢地去打乒乓波, 因為要幫老媽子處理網上股票期權既技術問題~部電腦既Java同期權用既Java撞程式...所以要搞搞佢...跟住要install埋期權用既Java...

整完之後就落左金匯庭食晏~有粟米羹, 叫左個碧綠雞球飯, 仲有豆漿飲~學生優惠價$25~抵食夾好食~  呢間野d水準一向都唔錯既~

食完之後已經係下晝兩點幾~就撘免費車返學~阿權打黎~佢話之後果兩堂取消左所以放左學wor...仲落左聯合打3舖機 @_@ 咁我5:30先放學~仲有成幾個鐘~所以佢今日唔去沙田打機了...

我見到左沙田仲有d時間, 就手痕痕想去打舖DM~DD6 adv前面連左成2xx combo...但係之後死Q左...後面唔識玩 @_@

玩完一舖就拿拿淋返學校上中文喇~今日講既係「現實一種」...內容又得意又殘忍...又話個祖母個胃生左海苔...又有個細路掉左個BB落地...之後話個BB訓著左...個祖母見到灘屍血就即刻入返房...睇黎呢幾堂我會特別集中精神上堂喇~最抵死係個miss已經講哂佢地既死亡次序~人地想睇哂篇野去探究下嘛

上完堂就去返沙田圖書館借左本「中國美術史」, 國畫堂要用黎參考~唔想買...加埋個同學早幾個鐘前還左本電腦書過我, 兩面夾攻~簡直拎到想死...

跟住就撘免費車返屋企喇~之後睇百法百眾~都幾好睇