5/7    (三)

CIE出埋最後一個學期既成績喇~估唔到係今個學期考得最好, 冇一科拎低過B- 呀, 但我覺得joy of singing同computer可以再好   但4個學期既平均GPA得2.45, 俾第一同第三個學期拉低左喇...好在呢兩年都科科合格冇野要retake~如期畢到業, 但仲差英文GPA果部分, 遲d要考返IELTS黎拉高英文個GPA...

睇完成績就同阿權去沙田拎智能身分證喇~終於有返張似樣既身分證喇, 我幾滿意今次自己張相呀 ^_^

之後出太子南風食晏, 玩左一陣NDS, 引起樓面阿嬸既注目

食完飯去奧海打機, 好快就過左一個下午...傍晚起波鞋街行左一陣就去撘火車, 期間芝家姐打黎, 話星期六去新屋度同pp搞生日會wor

今日媽子佢地打牌, 所以今晚出去食飯喇

8/7   (六)

下晝同阿權去聯合打左一陣機, 撞到好耐冇見既芷霞...

之後起地鐵站匯合patrick, 上去新屋度玩喇

patrick玩新孖寶搶星實在太勁喇 =.="

晏d pp, 中和同爹爹陸續上黎...今日都係芝家姐親自下廚同pp搞生日會, 辛苦哂佢喇

食完飯齊齊玩UNO (永遠係多人玩先係最好玩既), 晏d就食生日蛋糕喇

到11點幾就齊齊離開喇

30/6   (五)

今日同阿權出尖咀, 都好耐冇同佢出尖咀咯

我地去紅磡都會商場food court食完晏就過尖咀打一陣機, 之後去美麗華睇衫, 阿權入左兩件貨呀

之後我心血來潮想去pizza hut食下午茶既小食拼盤 (有墨魚餅, 蝦多士, 咖哩角同薯條 ), 好耐冇試過坐得咁舒服喇

跟住去LCX買左隻monchichi俾咪咪, 下次見面同佢交換「遲來的生日禮物」

2/7   (日)

今日下晝約左咪咪同嘉寶出沙田呀, 嘉寶琴日生日, 今日就同佢慶祝生日啦

我地行左一陣沙田, 之後suki到左, 我地叫佢去左漢陽苑等位先, 點知我搞左個大烏龍, 冇人知果間野已經搬左去旺角兩年!!

搞到大家去左沙田做駐腳點添, sorry...

後來去沙田火車站搵埋suki就齊齊去創興間漢陽苑食韓燒啦

今晚狀態好~比早幾晚去完海洋公園果陣食多左好多野...

我地食下傾下, 影左好多相呀 ^_^

好快就過左成晚, 下次再約過啦

25/6   (日)

今日約左好耐無見既Kitty去尖咀唱k, 原來佢都好想出返部3250呀, 希望和記3快d有貨等你買到啦

托賴咪咪同neway講聲等我地可以唱lunch k唱到5點 ^_^

之後同Kitty行下街, 大家大個左, 睇衫品味都有所略同, 當然佢選衫範圍比我多好多

夜晚佢話好耐冇起麥記食野~就去麥記喇~咁啱我手上有既阿根延同德國既咭都嬴左呀, 可以換多杯新地

之後起星光行附近既海邊影下相...今日咁難得同佢出到黎, 就同佢行耐d, 唔睇今晚世盃住喇~今晚既賽事隨緣啦

佢想買多對鞋返工替換, 今日都係冇心水呀, 希望你快d搵到你想要既鞋啦 ^_^

26/6   (一)

0300: 荷蘭 VS 葡萄牙

我如常落去商場睇波, 呢場賽車真係精彩到暈...兩隊球員好似打交咁, 真係笑死我呀

荷蘭之後雖然極力進攻, 但係都唔能夠同葡萄牙扯平呀, 無緣晉級真係可惜, 我之前都係睇好荷蘭多既

27/6   (二)

阿權今朝好早就起沙田大會堂排隊買軟硬天師既演唱會飛, 我又係朝早去紅磡火車站join阿vivian佢地, 於是我早少少去沙田大會堂搵阿權, 買個早餐俾佢食~到9:45就去火車站買海洋公園套票, 果個人送左5張coupon俾我

10:15就見到vivian同tony, ceci過一陣就黎, 佢地知我一人有成5張海洋公園coupon, 有d唔抵得呀~哈哈

今日ceci生日~生日快樂呀

差唔多11點就憑劵撘包車去海洋公園, 好快就到

去到玩左好多野呀, 旋轉木馬, 千秋, 煤礦飛車, 海盜船同飛鷹...其中煤礦飛車要等成大半個鐘先有得玩

晏晝起灣景餐廳食晏, 個景好靚, d野都好味~但最平個飯都成68份呀 冇張8折coupon都唔洗旨意入去食咯 

可能呢排訓得少, 天氣又熱, 咪冇咩精神係咁行囉, 我玩完轉下轉下既飛鷹仲差d想嘔呀...

不過我不嬲唔慣玩太多轉轉既野~我寧願玩多次飛車了

所以之後佢地玩摩天輪我都冇玩lu

期間我地去水母館同埋例牌睇下我啲同類

落返下面已經過左6點, 撘唔到包車出紅磡喇~於是豪多10蚊睇超動感影院, 又幾正wor, hehe~

之後撘小巴出旺角食韓燒~我個頭都係唔太舒服, 所以唔算食左好多野

雖然今日好攰, 但玩得好開心~有機會再齊齊出去玩啦

d相遲d先upload (不過都冇咩野好睇喇, 對比返自己一個月前既相, 簡直老左十年!!)

19/6   (一)

vivian今日考完試, 所以今日晏晝同佢出旺角~我地去左味千拉麵食晏

之後去新之城打機, 第二次玩The House Of Dead 4, 差過上次呀 @_@

跟住佢要買生日禮物俾Ceci同埋佢既一個fd, 就行左信和同潮流特區...

行完街起KFC食下午茶, 坐左一陣都5點幾, 佢就送我行近火車站, 之後佢約左Tony再去打機...

我部NDSL開唔到dl既game黎玩, 所以早d走, 去到沙田恆聲問下個老細, 佢話張EZ Flash IV花左, 話有貨果陣會同我換過張...

之後我忍唔住, 想快d玩game, 就索性買埋Wario Touched黎玩, 得返二手貨, 殺!! 好好玩呀 T_T

21/6   (三)

今日同阿權約左時間去沙田做智能身分證~比起三年前做成人身分證既程序真係簡單好多, 又省時~好!!

做完證後講起身型問題, 好唔開心囉, 我都好想有魔鬼身材...搞到成個lunch都la埋口面食 (雖然d野好好味) 

之後梗係要做返d野令佢氹返我啦~跟住去返恆聲拎返張新既EZ Flash IV, 入返d game應該玩得架喇 ^_^

跟住去香港歷史博物館睇個足球展覽, 唔算多野睇, 最觸目既係碧咸既3呎石膏腳

睇完野玩左一陣NDSL就出返去, 起果樹附近諗緊去邊果陣, 撞到放左工既芝家姐

之後去買左串生腸食, 再去麥記玩左一陣NDSL就齊齊返歸喇

呢排頻頻睇世界盃, 有時睇到天光先訓, 呢排有時訓得3粒鐘, 個樣又殘左又老左lu... T_T

不過咁難得4年先有一次睇就冇所謂啦, 之後等若干時間補返佢啦 (我驚到時食n碗魚翅都補唔返呀, 真係...)

23/6   (五)

今日下晝3:30落樓下商場睇巴西VS日本~巴西既實力終於返返黎喇, 大哨入左兩球wor, 咁咪幾好~之前果兩場倒瀉籬蟹咁踢空氣~!! 好論盡呀

睇完之後約左阿權6點起紅磡常滿百家菜度食飯, 直落睇埋夜晚11點果場賽事 (西班牙VS沙地阿拉伯)

果樹5粒鐘任食$118, 坐位都舒服, 有地方俾我地食野玩下NDSL同睇波真係好呀, 而且d野食都ok既~撚手小菜有三杯雞, 賽螃蟹同紅油抄手果d...

我玩左幾次應援團都叫開始捉到路, 同阿權一齊玩任天狗先過癮   (自己玩係唔好玩的~我平時係唔會自己玩任天狗既)

夜晚11點開波喇, 咦~唔係太多人睇波wor, ,差唔多果個鐘數黎既人都係食野多...搞到個氣氛麻麻地添, 唔緊要啦, 我鍾意睇西班牙...但呢場波唔多好睇, 值得一讚既係沙地下半場都打得唔錯

睇完波...大家就捧住個肚返歸

15/6   (四)

一起身就撘車去九龍塘火車站匯合阿權, 出到灣仔食埋晏, 再去機城玩location test...好多人跟機呀, 主要係尖金d人玩緊

等左成粒鐘, 終於有得玩喇~玩左超特急 (起一個唔留神之下full唔成添 ^_^") 仲有好好玩既偶然同埋Handsome Jet既歌仔, extra stage玩埋El Dorado...阿權同我各玩左一舖就走喇~大家都頂唔順d大煙味

之後去駱克遊戲城玩左一陣, 就撘電車去中環~之前我起學校個WebCT見到有同學話去新浪網介紹佢個網提供既10隻歌 (你鍾意介紹幾多隻都得) , 透過e-mail send俾人, send得俾越多人, 中獎機會越大~呢期抽到兩位幸運兒就有Nokia 3250~我諗大部分人睇到呢個訊息都覺得唔太可信~我都覺中獎機會好渺茫, 但我就戅戅居居咁試下, 唔單只send俾通訊錄既人, 連yahoo拍賣場既e-mail address都唔放過...夾埋send左幾百個~點知新浪網公司打黎話我中獎呀!!! 成世人都未試過咁好彩呀

所以我同阿權去中環萬宜大廈果邊 (上去新浪網公司) 拎獎, 我用開果部3230會俾阿權, 佢冇影得相手機嘛~

之後去哈迪斯食下午餐, 坐一陣就去旺角實惠, 幫爹爹買櫈拎去佢地間新屋呀, 但後尾芝家姐話想d櫈統一啲, 怕我地未見過啲櫈買錯唔好, 叫我地唔洗買住wor~咁我地去地鐵站搵patrick帶路上新屋...雖然間屋比我預期中既細, 但係入面有間房, 都係一個家庭樂既好地方既

有芝家姐煮送, 辛苦佢喇~我覺得個鯪魚豆腐最好食  遲啲得閒同佢拍爛檔煮下飯仔先~當然要佢教路啦

食完飯就同阿權返屋企喇~沖埋涼就睇精華

17/6   (六)

同阿權去沙田FZ打左一陣機, 就去好運恆聲買NDSL喇~佢話呢間最好信譽嘛

我地齊齊買左部白色既NDSL, 佢就諗住玩卡帶, 買左盒新孖寶呀~而我就買Super Key, EZ Flash IV同512 MB Midi SD黎dl game玩...可以玩多d game嘛

機機到手後就去吉野家食下午茶~之後行左一陣, 幫阿權換張SIM咭入去我部3230幫埋佢set好d野就正式俾部機佢lu~好好照顧佢呀 ^_^

至於我部新手機3250...好好用呀, 隻色又靚~最主要係聽歌d聲好清呀, 錄video都清d啦

NDSL...最想玩既game梗係Wario Touched啦 好鍾意玩d小遊戲...