13/7   (四)

今朝11點同Laurie, Jackie返思齊樓拎畢業袍, 成個月冇見佢地喇 

上到6樓, 辦拎袍手續果陣要填form, 係關於你呢兩年間對CIE既意見同埋你將來既去向, 夾埋到12點半先搞掂哂

之後同佢地出尖咀neway唱k, 咪咪今朝已經幫左我地訂位, 醒目~!!

今次一人都係32蚊, 仲可以extend唱到7點, 兼且博到懵黐左少少k buffet黎食~自己貪心到「筆」左兩兜雪糕黎食, 真係想唔變豬都幾難

唱完k, Laurie話想去飲野, 原本近住河內遁果間仙跡岩唔見左呀

於是我地去左許留山, 佢地兩個黎左個小型debate, 一講就講左成粒鐘囉

哈~Jackie都講到肚仔餓, 於是去左海防道食魚蛋粉, 之後11點幾就撘車返屋企

我諗我唔會去星期六果個畢業禮喇, 原因有下:

- 3點開始, 我地1:45pm就要到大學禮堂做rehearsal, 之後既目的就係為左自己企上台果一剎那, 仲要等到5點先完左個畢業禮

- 等得耐係其次, 最主要係唔知你果日有冇機會影到好多相, 你知架啦~成間CIE都最少有成幾百人參加個畢業典禮, 都未必輪到你影 相啦, 到時畢業照費用又用左一筆, 不如自己日後再同啲熟人影好過

- 太多人去, 人地未必有機會應酬你, 而且進行畢業典禮期間, 又未知到時邊個坐我隔離, 如果係三唔識七既就會悶左我幾粒鐘

14/7   (五)

晏晝1點阿權黎馬鞍山運動館同我打乒乓球, 打到兩點就去海皇漁港飲下午茶

飲完茶就同佢齊齊撘免費車去沙田, 我要買跳舞毯呀, 因為屋企張毯已經俾我玩到sense唔到

順便去埋恆星, 問下關於我部NDSL既save問題, 我問個師傅, 有冇人好似我呢類case, 佢話我係第一個...

點解我玩親啲game都save唔到呀...我試過係咁, 如果我集中玩一隻game, 張EZ Flash IV係會auto save既, 但如果我再開另一隻game黎玩, 原本我既auto save亦會變左auto delete!! 當然開過既game都冇save到...

好想快啲解決呢個問題, 如果唔係好多game都會原地踏步, 要花額外時間黎爆!!

個師傅都諗住換過張EZ Flash IV過我既, 但冇貨住, 要等喇~

之後同阿權行下街, 好多boutique都有做減價, 我起D-mop見到件伯伯Evisu背心減到$398呀, Evisu貨黎講係算抵~可惜只得細碼, 我著起真係「恰到好處」...個女sales仲話, 「其實你著呢個碼都ok, 可以著啲小外套起出面, 咁都唔覺肥呀...」

好明顯我係要減肥囉~

P.S. 今日S左Fire In The Dark呀

11/7   (二)

有啲咳又有啲頭痛, 天氣好熱呀，分分鐘曬到頭都暈埋 X_x"

今日晏晝同阿權去紅磡都會廣場food court食晏,  啲海南雞飯好好味呀

之後齊齊去河內打機，記得舊年同阿權一齊進行過DM Course比賽, 諗住過幾日再比拼wor

今日狀態麻麻, 所以打左一陣就去大家樂食下午茶同玩NDSL喇, 好想試下個巴西燒春雞呀!!

一路猶豫緊去唔去藥房配藥好, 但係諗到星期日會去濕地公園同埋去食下午茶buffet後, 就索性配藥食好佢喇

點知個配藥佬見到我個肚就問我係咪有左身紀...

我真係要「的」起心肝玩返跳舞機減肥喇, 如果唔係著衫會好難睇架

之前睇世盃果個月, 實行左養豬計劃嘛

P.S. 年半紀念日

遊戲~

遊戲規則

試說明5項你最想要的生日或聖誕禮物和點名幾名朋友

不能有重覆，順度去他們的blog留言，告訴他們被點名了。

(排名不分先後)

1. 有信譽既修身coupon

2. 食魚一丁, 板前, 元氣壽司

3. 靚靚衫

4. 好多miffy (sekiguchi既製造商)

5. 首飾

-------------------------------------------------------------------

1. 傳俾你o既人係邊個?

   vivian

2. 佢同你o既關係? 

   第一個起CIE識既好朋友

3. 寫出你對佢o既10個好印象

 1. 有原則

 2. 讀書又叻, 打機又叻

 3. 踏實

 4. 都幾坦誠, 唔會好似我有d識既朋友咁有野收收埋埋

 5. 識關心人

 6. 好羨慕佢囉, 又高又瘦

7. 有時都幾玩得

8. 有理想

9. 有效率

10. 肯幫人

4. 佢對同你做過最深刻的事?

 一收到成績第一個會打俾我既朋友

5. 佢同你講過最深刻的說話?     

「唔得呀!! 一定要xxx呀...」

6. 如果佢變成你o既情人，佢咩o野令你鍾意佢?

 識關心人, 去care人

7. 如果佢變成你o既情人，佢有咩要改? 

有d野要學識睇開d
 

8. 如果佢變成你o既敵人，你會對佢做咩? 

原諒佢

9. 如果佢變成你o既敵人，佢咩o野令你咁憎佢?                                    

背叛我

10. 依家你最想佢對你做o既一件事?

請我食buffet !!

11. 對傳這份卷給你的人的印象?      

幾好丫 XD

12. 你覺得周圍的人認為你是怎樣的人?

又乖又純

13. 自己喜歡的個性是? 

容忍度高, 大方,不自私,理人感受,有責任感

14. 相反的，討厭的個性是?        

自私,虛偽,推卸責任,不守信用,鍾意呃人
 

15. 自己想成為的理想類型?

堅強,理性,獨立

16. 給關心自己、喜歡自己的人大喊一句吧...

 願主祝福你

17. 把這份問卷傳給你最想知佢地對你咩感覺的8人..

唔傳喇, 鍾意就自己玩啦

-- 上屆2002年世界盃起我會完考先做, 而今年呢, 世界盃做左3日我就考完試, 又可以睇大部分既賽事喇

-- 錄左既開幕戰 (德國 VS 哥斯達黎加) 一路都冇睇

-- 遺憾既係今年冇裝有線, 大部分賽事都係落新港城中心睇 (附近有得睇都好啦 )

-- 第一場落去睇既賽事係我啱考完試果晚 (14/6: 西班牙 VS 烏克蘭), 魯爾老左好多呀... BTW, 托里斯都ok靚仔wor...睇完呢場賽事, 我覺得西班牙起今屆賽事既去向應該唔錯

-- 開始留意商場買野換飛既情況喇, 我計到西班牙會入小組首名, 於是起換飛既第3回合果陣 (幾場有關16強既賽事) 就換28號3:00既賽事 (No.56: H組首名 VS G組次名), 第3回合既飛起26號朝早10點開始換, 我差唔多9點落到去換票處, 比我預期中既多好多人, 於是拿拿林落惠康買野湊夠$100喇, 好在換到No.56場賽事

-- 點知呢場賽事令我大失所望, 我預期西班牙至少可以入到8強架... (輸經驗, 真係唔抵)

-- 起新港城中心, 賽事翌日係會播重播的, 而且可以以先到先得既形式無條件咁入去坐起樹睇賽事...可惜到最後一回分組賽果陣好難預知到個播映時間, miss左一啲我認為好精彩既賽事 (e.g. 荷蘭 VS阿根廷), 都係我唔醒目, 之前冇睇到都市日報既有線世界盃時間表, 商場都係照呢個台既播影時間去播之嘛

-- 巴西起頭兩場分組賽既表現真係唔多好

-- 我認為好睇既賽事 (由16強講起): 德國 VS 瑞典, 葡萄牙 VS 荷蘭, 巴西 VS 加納, 德國 VS 阿根廷, 英格蘭 VS 葡萄牙, 跟住4強果4場賽事都好精彩

-- 我鍾意睇d滿係火藥味既賽事, 同時替荷蘭不值, 我覺得葡萄牙球員起禁區內犯規, 個死人球證至少有兩次可以俾荷蘭12碼, 同埋荷蘭有d冇運既攻門

-- 碧咸宣布唔做隊長

-- 果個朗尼真係抵佢死, 洗乜理阿C朗同佢講乜丫, 點知辣起果隻獅子頭把火, 出事啦...英格蘭踢少左個人兼出埋局, 我真係替碧咸傷痛呀

-- 阿根廷起對德國果場真係好蠢...

-- 以往我覺得意大利踢得麻麻, 不過睇到佢對德國果場同總決賽, 表現真係好好呀, 而且d球員都好友善

-- 反觀法國, 施丹咁做真係無謂, 咁鍾意頂人返屋企慢慢頂啦...

-- 我好希望奇連士文可以繼續帶領國家隊

-- 我覺得法國嬴面比意大利大, 但比較想意大利捧盃, 所以我好滿意今屆總決賽既賽果

-- 我以前就好大口氣話做sales企成十個八個鐘係冇咩野既, 企唔會肥嘛, 但係經過我半個月以黎落去商場企起樹睇波 (睇一場賽事連續企成兩粒鐘), 我相信連續企得耐真係好攰既, 同埋會影響腰骨, 所以我有時預早時間拎張櫈落去霸頭位

-- 我覺得今屆有d唔起眼既國家發揮既足球水準都唔錯, 係少d落場經驗唧

-- 所有國家啊, 努力踢球啊, 以後世界盃精唔精彩就靠你地喇!!

今日原本同媽子上深圳搵老豆, 之後撘直通車去國際機場送佢機返台灣, 不過晏晝媽子打上去深圳, 先知老豆唔舒服, 唔洗北上喇, 今晚去機場見佢啦

冇耐m到, 有小小肚痛~不過我照舊同媽子起5點幾落去等機場巴士啦, 點知...

我等車果陣突然好唔舒服, 個肚勁痛之餘, 成塊面出哂冷汗, 個頭又暈, 視力仲有d模糊, 仲有谷住想嘔既感覺, 好驚自己暈左起街度...X_x"

於是我要撤退, 真係好辛苦呀, 一返屋企就撻落床...兩個鐘後訓醒, 好在冇咩事咋

我真係驚下個月黎果陣會有陰影