諗住睇妹妹打比賽, 點知趕唔切... 仲要唔識落車, 落早左, 攪到要搭輕鐵, 我太醒了, 最後都係去到的。錯過左好多比賽咁, 但睇到佩翹同曾瑩, 都唔錯了~ 最最最最開心o既係.....我終於可以同佩翹講野, 仲掂到佢隻手呀!!!! 佢傷左我好心痛呢...佢o既笑容如果是真心的, 我會有一百萬個開心!!! 只怕.... 佢想我打番柔道, 我一定會努力ga! 佢竟然問o個個人係咪我男朋友...我真係唔敢答, 因為我怕佢會唔鍾意, 其實佩翹同男朋友地位一樣重要,(仲有我d小學同學!!) 真係好難取捨.... 傻瓜!!!! 佩翹先唔會介意呢d, 佢好可能已經當我係好普通o既朋友, 佢唔再重視我喇....我亂諗o黎做乜鴉.... 恭喜佩翹今日贏左, 希望佢隻手快d冇事, 俾d時間我, 我一定會番o黎呢個柔道界ga!!!!

好開心可以放一日假, 仲有小偉陪左我成日, 勁耐未試過咁relax喇~~ bb計劃好好睇, 好攪笑, bb好可愛~ 遊左屯門元朗, 勁少去, 不過有小偉陪我去邊都開心la, 哈哈哈~~~

閃電....

尋日終於可以見到dick dick哥哥, 佢養到自己肥肥黑黑咁, 生活可好嗎? 溫書很辛苦, 但你o既努力一定唔會白費ga!! 阿詩永遠都支持你, 下年我地要做同學呀~~ 夜晚番工, 真開心, 又少call, 又可以同朋友仔一齊傾偈, 係對你地我先可以講到咁多野, 成個女人咁, 但唔緊要la, 我知你地唔mind ge^^ 一齊收兩點, 真係幾開心, 哈哈~ 番到屋企又四點幾了.... (派左roster, 番得多都唔知係好定唔好, 仲要日日都放三四點, 小偉會唔開心呢>.<)

同alvin、catherine傾偈 , 我都明白左好多野~ 或者我真係未叫放得低, 俾多d時間我, 兩個月未足以令我o既內疚感消除.... 原來咁做會令你開心, 其實對我都冇衝突, 或者會對你同我都有更大o既信心... 點解你要咁傻呢?? 唔俾我知, 一個人自己等.... 傻瓜傻瓜傻瓜!!!  可能就因為你咁傻, 所以喜歡你, 很喜歡你...

尋晚五點終於攪掂GST, 十一點九起身, 點知發現唔夠字數, 九個字趕起三百字, 仲要一點約左美蘭老師食飯呢~ 好彩時間剛剛好! 美蘭老師依然是這麼美, 同佢單獨食飯真係好d驚ga, 我怕唔識講野會悶親佢, 但見到佢真係好開心好開心^^ 之後番學, 交功課, 上堂仲冇訓覺, 有進步, i love it~ 放學番屋企, 買左官燕月餅, 但個個一樣味lor.... 算la, 人一世物一世, 點都要試下ge~ 打牌, 第一次贏錢, 四十蚊, 勁開心lor~ 多謝小偉俾d運我, 好開心好開心~~~

聽日中秋, 上網睇到人地話追月迎月, 我呢.... 同GST過中秋la.... 聽日仲好可能一個人在家中渡過, 冇所謂la, 好耐都冇留o係屋企, 節日之ma, 其實日日都冇乜分別, 開心的話日日係咩節都得la~!

尋日三堂有兩堂都聽到書, 開始在狀態喇, 我要俾心機呢~ 夜晚番工, alvin打俾我話佢都要番, 明明我冇記錯ga ma, 之前又係佢話唔使, 不過點都好la, 有人陪真係開心好多... 點開心都唔及放工開心la, 太傻喇佢, 攪到自己咁累, but it really surprise me^^ i haven't thought my dream can come true~ 我地阻住左人, 攪到人地走左, 哈哈, 咁大聲講電話, 陣間俾人打呀, 下次我會細聲d! 點幾先走, 雖然好累, 但開心就點都值得la, 佢仲累過我... 今晚要訓多d喇~~~

今朝我番到八點半o個堂, 訓左五分鐘咋, 好感動, 我要努力, 可能今日鬼佬鬧完人我先精神d.... 同sam仔食早餐, 好耐冇見sam仔咁, 不過佢冇乜點變, 依然係咁可愛, 哈哈~ 又要等成個月先有機會見, 希望下次我會得閒d, 可以同你去玩下ma~ 兩點半放學即走, 同阿hei傾偈, 原來佢都同我有一樣諗法, 希望佢冇事la... 番屋企即訓, 真係要訓多d喇, 但GST....唉......