一朝起身推開電話, 係唔著ga, 知道死梗~ 九點三, 即係唔使番學la, 我可以去死了... 都要番工, 好快過左一日~

夜晚公公生日食飯, 見到好多人, 表姐把口真係好賤lor!!! 話我肥, 佢自己呢... 冇人接我妹妹, 我去, 佢竟然話我左右都唔識分, 學人接人, 話我抵俾人串喎, 係佢地冇人理我妹妹咋!!! 食飯又係咁望住我同妹妹講我地壞話咁, 賤格~! 仲睇唔起我讀high dip咁, 佢都只係讀IVE咋!!! d野好好食, 係對住d賤人有d激氣姐, 好彩我仲有小偉, 但佢都唔係陪左我好多, 一來唔可以係咁傾電話, 二來佢累呀, 俾佢休息下都應該ge.... 好似好耐冇見過佢咁, 唔通真係要星期日先有機會見???

尋晚第一次番到三點, 都冇乜野ge其實, 係臨尾兩個鐘得我一個有點悶到好易眼訓lor, 都唔係一個人ge, 仲有小偉陪我sms^^ 尋晚d人態度極之唔好, 成日cut我線, 有個仲話我駁咀, 我只係解釋番我地真係提供唔到賽果咋.... 一齊食飯真開心, 但已經十一點幾, 先有飯食, 太唔健康了~(仲要冇得睇煙花, 雖然一向都唔會睇...)  三點放工四點唔夠番到屋企, 原來新界同港島真係咁近~! 超感動, 小偉等到我番屋企先訓, 即使只係一次半次都好夠喇.... 小偉唔好再為尋晚o既事唔開心la, 諗住我唔好再諗其他人應該會好d ga!!!

尋日冇番工, 陪medaki傾偈, 朋友比工作重要! 希望佢真係開心d la~ 小偉出o黎搵我, 太感動了, 我真係好開心ga, 即使只係見到一陣....

今日唔番馬會番福仁, 可能以後都冇乜時間番去喇, 我會很想念你們的~! 今日.... 呢排..... 成日都係咁ge?! 應該冇乜機會再見到佢, 嚇死朕... 簡直受寵若驚!!!! 夜晚又見小偉, 真係怕佢會覺得我煩lor! 繼尋日同medaki影完貼紙相, 今日又好想影, 好靚ga本來, 但竟然有瑕疵, 放心la, 我唔會唔開心, 但你下次要再笑住同我影^^ 好眼訓呀呢幾日, 聽晚放三點, 好彩後日放假咋, i need a REST!!!!!

今朝又唔想起身, medaki竟然唔番, 所以我都係唔番lor medaki打俾我後十分鐘, 我係諗住番ga, 但趕唔切, 就用左呢d時間執下notes, 其實想睇下notes ga, 終有一日我做到ga!!! 都唔算好多野姐, 我一定追得上~ 努力努力努力!!!

人總係咁ge, 好說話就信哂, 唔好o既最多唔開心一陣....

一朝早與medaki的對話...
medaki: ivy你行到邊喇?
我:(未訓醒) 依家幾點呀?
medaki: 唔講住喇, 上堂喇~
我: (無奈地收線, 繼續訓...)

又是走堂的一天, 下午番去上seminar, 好唔鍾意lily喇, 都唔知佢教乜, 咁多堂我好似一d野都學唔到咁.... 發覺自己走得太多堂喇, 要好好分配時間先得!!! 忙左成日, 又要番工, 最鍾意番工好忙好忙咁, 六合彩日子最好, d問題簡單ma^^ 同朋友仔一齊番工真係好開心ga!! 六合彩頭獎點會係一注中ga???? 小偉話可能係馬會自己買左去, 都有咁o既可能, 如果唔係點會次次去到六千幾萬一定有人中喎~~~好似幾有道理

唔同你講呀, 唔想理你~ (幾似我喎, 哈哈)