allen同eric都好似當我係阿女咁... 一個成日寵壞我, 一個成日話要接我, anyway, 多謝你地咁錫我, 我已經好幸福了~~~ 有埋阿龍呢d衰人角色中和番, 咁o既人生都唔錯鴉~ 仲有一班由細玩到大o既朋友, 馬會o既同事, 柔道o既資深好友, 真係好夠喇....

今日番馬會九個鐘, 得一個大break, 講死左... 係我自己諗住清queue, 點知三個鐘都清唔哂, 算la, 我已經盡哂力, 幫到好多人好開心, 今日得一個客鬧我咋, 佢話我冇叫佢記個電話投注密碼. 依家問佢佢點知喎, 話我憨居, 佢用網上投注點解要記電話投注pw, 仲話in charge同佢講, 我等佢呢句咋, 我都唔知點幫佢, 一笑置之la~ 喉嚨痛已經轉變成狂咳, 好快冇事掛....

好眼訓呀, 聽日又番工....

講番尋日先.... 朝早拎野俾阿霖, 見到佢個樣好心痛, 覺得自己好殘忍, 但....咁樣應該會係較好o既選擇... 之後同allen玩左成日, 首先去尖咀食海南雞飯, 然後去美麗華行街, 睇狼羊物語, 華懋都唔係好差ge... 之後行加連威老道, mastermind個sales好攪笑, 見我地唔應佢, 以為我地唔識聽廣東話, 跟住佢講國語, 即係當我地係大陸o黎la?! 之後話我似新加坡人, 哼, 兜唔番ga喇!!! 夜晚去...我都唔知叫乜名o既餐廳, 裝修到成隻船咁, 第一次試食蠔, 都唔係想像中咁難食ge... 好多油呀, 第二日真係肚痛lor.... 成日買左一件衫, ultima II o既野, 好耐未試過咁樣行街行成日, 好開心呢~

不過一番到屋企就激死我喇, 多人都已經唔係問題, 佢地沖涼竟然連成卷廁紙都可以整濕, 今日仲過份到蒸哂屋企所有包, 即係二十個到, 仲有二十粒燒賣, 食唔哂都算la, 佢仲要唔記得熄火, 又要同我拗結婚生仔問題, 話人一定要結婚, 仲一定要生番個仔, 女都唔得, 咩年代呀, 唔好玩la, 自以為自己o岩哂!

今日番工時間過得好快, 咁咪好lor, 不過開始覺得悶, 成日對住阿叔is not wt I want!! allen成日話我好似好謝咁, 我只係隻眼有d累咋, 我夠訓ga!!!! 明明就冇事......

真係估唔到你竟然會搵我, 本來平復o既心情, 又開始有點起伏。雖然牽起了不捨之感, 但心裡就知道沒有再一起的理由, 我還是第一次在愛情路上狠下心腸, 鼓起勇氣作一次堅持, 希望我的選擇並沒錯, 對你對我都是好事吧... 芒果buffet, 又令我想起你, 不過我們暫時都未能回到朋友的階段, 將來有機會我定會請你去....

對愛情已經沒有甚麼寄望, 等待遇上一位真命天子, 哈哈~

染了一頭啡啡橙橙的頭髮, 但似乎不太顯眼, 沒所謂, 傻瓜的我總會為一個新造型開心一整天, 甚至幾天, 正好蓋過了那些傷感.....

復原能力二百的我已經冇事喇~!!!!點解要二百? 因為多一倍lor, 哈哈~ 多謝欣姐, 愛死你呀~! 我地永遠都係好姐妹, 冇左任何人都唔緊要, 但唔可以冇左你呀, 我地一定會keep到contact ga, 我會打俾你講我o既事, 我唔會再怕煩到你, 因為我知你一直都等我電話, 我都係ga!  eric, 我知愛情冇分對錯, 你都唔會接受我講對唔住, 但我真心當你好朋友, 我會盡我能力對你好ga~ 我地要去玩, 一定可以!   包包, 雖然你唔知發生過咩事, 但咁o岩你真係令我心情好番好多, 我仲有你呢個朋友, 仲有好多好朋友...   allen, 你話過我好有福氣, 我諗我最大福氣就係識到你, 多謝你今日對我o既照顧, 他日我一定會好好報答你~! victor, 我知你有心ga, 放心la, 我真係好番哂lu, 記憶已經封鎖左, 唔會再因為觸碰到而難過....

傷害令我更自強, 變得百毒不侵, 男人唔可信, 我早就知道ga啦, 欣姐講得o岩, 只係一時間接受唔到太大的變化, 這並不是愛, 我知道那只是好奇和新鮮感, 我找到了新的寄託, 不, 那是一直在我身邊的精神支柱, 就是你們 — 我的好朋友~!

今日搭火車見到個好靚o既女仔, 我望左佢起碼十分鐘, 唔知佢係咪發覺到呢, 不過我只係望側面, 正面睇就冇咁靚喇, 不過都算係一個美人胚子, 眼大嘴細咁la, 又高又瘦, gd ar~ 咁快又過番正常生活, 留意身邊事物而快樂一整日, 心情勁好, 不過冇人叫我影相喎, 大家又要等機會喇, 哈哈~