第二日training, 都係好眼訓lor, 今日真係訓著左.... 原來做電腦會有咁多人爭住問我野, 太感動喇, 不過其實我唔係好識電腦ga咋, 幫唔到你地幾多... 幫到人真係好開心呢~ 終於放工, 去ssp搵吳誠, 陪佢拎電腦, 本來諗住番大埔食, 但依家好似....掛住第二個多d lor, 或者我怕失望, 唔想再花心機o係冇可能o既事身上, 現在又有可能嗎? 不知道, 只是未知數會少一點, 感覺會好一點...

他...也挺可愛吧^^

點會train埋d咁o既野ga?? 真係好眼訓lor, 仲要玩埋d低能game, 靚仔都冇個, 激死我喇....今朝仲要遲左起身, 差唔多八點起身, 九點要番到跑馬地...原來係唔得ga! 遲左三個字, 好彩係irene, 冇事~ 就係咁過左九個鐘....夜晚食飯, 幾開心, 好耐冇同同事一大班咁o係酒樓食飯, 突然覺得自己好花心 , 想識大眼哥哥tim.... 不過都唔知同人講乜, 我唔識主動同人做朋友, 唉....睇下有冇機會la....

今日公司跑到過萬, 好野~~~ 好耐未試過喇, 要加油哦~

自己都唔知自己想點, 想識佢又唔係, 剩係咁望又成日好掛住, 諗諗下又怕佢係d壞人, 咁會破壞佢o係我心目中o既形象, 好想見佢, 好想成日望住佢, 係咪咁就夠呢? 但我諗佢已經俾我嚇親了... 發覺自己真係好專一, 依家咩人都唔想諗, 但佢係邊個都唔知, 諗o黎做乜, 對於廿四小時o既想念感到懊惱, 究竟我想點呀???

一百萬個傷心, 估唔到係咁lor...  我有細路仔o既外表, 細路仔o既動作, 細路仔o既行為, 但我有成熟o既思想, 唔好成日質疑我, 我唔鍾意咁, 點解唔可以信下我? 放心la...我冇事喎, 諗下又冇野ge, 要做正經野o既時候我自然識tune番好我o既思想, 唔好睇小我... 你冇睇小我就唔好話我.... sorry, 我知你為我好, 但有時我太硬頸, 你d說話只會令我更難受, 你無需道歉!!!!

哼, 見到愛心飯盒我就唔嬲la~

我真係冇諗過阿龍會咁同我講lor.... 呢樣係我到依家都唔敢相信的事, 不過佢今晚講o既說話, 令我唔想再睬佢lor, 怕誤會...就連朋友都唔好做喇, 係你話當冇事發生, 你依家咁同我講野....

今晚係有一百萬個開心ga, 可以見到佢~ 雖然差d先睇到佢個樣, 但見到佢已經好開心喇, 對眼真係好靚呀!!!!! 佢好似發現左我望佢, 佢d朋友都好似發現到... 死la, 好驚下次見佢tim, 怕佢認得我... 等佢放工, 係唔成功ga, 以後一定要帶住副眼鏡, 等左成個鐘, 雖然都睇唔到, 但已經夠開心喇, 仲有幻想空間ma^^

今日番工一d都唔悶喎, 人好似多過平時, 但唔太多人買, 不過總算生意同平時差唔多la~ 成日整下word, o都下貨, 好快過lu~ 日日掛住食野, 肥左好多, 要食少d喇....(妄想) 呢幾日都冇阿龍陪我玩ga喇, 唯有自己搵多d野做la~ o黎緊最快要到4/9先得閒放下假咁, 冇所謂la, 放假都冇乜好做, 好想去見壽司男呀... 有咩辦法見到佢個樣呢... 不過又真係好驚幻想破滅, 但就算樣子不俗又如何, 我都冇機會識到佢gala... 算la, 間中妄想下都幾好鴉, 成日傻笑, 但自己真係幾白痴.... 諗下幾時叫阿龍再揹我好過la, 哈哈哈哈哈

無聊又睇人地o既日記, 一個人會為另一個人努力生活, 那個人會知道嗎? 然而那個人會感到幸福嗎? 每個人都有咁o既可能成為另一個人o既精神支柱.... 我呢? 好像還未找到... 又會否有人默默地愛著我, 為我生存呢? 他每日的心情是如何呢? 唔講就冇人會知佢點諗, 講左又未必可信, 好想有法術可以睇到人地諗乜, 好想研究人o既腦袋, 到底裝乜野最多, 究竟我裝d乜最多, 我諗係食, 哈哈~