六點幾醒左...到八點都訓唔著..... 太多憂慮喇, 過埋聽日我諗會好訓好多! 開學o既事固然煩, 往後我可能唔再番福仁做, 見到大家都為不再熱鬧而添上一份傷感, 自己也不其然地悲從中來.... 在錯的地方遇上對的人, 無何奈可地又是一個不可能... 訓唔著仲有個原因, 就係掛住peach所以訓唔著?! 唔知點解, 冇對象o既人就係咁易對人產生好奇, 順其自然la~

本來約左dick dick哥哥食飯, 點知俾sunny一個電話打o黎, 想唔出去都唔得la, 佢話嬲我, 話我扼佢, 但係冇人話過我知lor, 仲叫我反省.... 上次咁o岩我已經放假, 今日咁得閒, 佢又話等我, 死都唔走住, 咁我梗係出去搵佢la... 同佢偷走出去m記食(佢拉我走的), 好可愛呀佢, 真係愛死佢, 好乖~ 佢媽咪幾靚ga, gd~ 之後見唔出都出左去, 就去左睇戲, 幾好睇鴉, 大滿貫d野食ok, 夜d食糖水, 我o個碗係大好多, 唔通做女仔真係好d ge?

搖身一變o既感覺令人不安, 怕打回原形, 星期一....只要過左呢一日, 我就可以肯定一點了... 我要做最細o既o個位公主, 我也不要變回灰姑娘~

而你.... 我們有可能嗎? 從一開始, 我們不是說好了嗎, 現在你又改變主意? 我無所適從... 如果你怕受傷害, 請不要愛我....

一起身差唔多十二點, 收到個咁o既電話, 想我點呢.... 諗清楚d, 做人唔可以咁短淺, 睇長遠d la, 取捨真係好煩呀! 最驚係佢o既說話令人好冇信心, 以後我做ccr都要識做喇~ 同欣姐食飯, 原來佢見過壽司男, 佢仲話好唔得ga, 以後唔使去lu... 馬會打o黎叫我番工, 但佢話冇收到我話轉更lor, 都唔知我寫信o黎做乜?! 約左中五同學, 最後都只係去明星食飯, 都好, 唔使咁熱ma, 幾開心ge知道大家近況, 之後仲要搵媽咪再食飯, 都唔算好飽... 呢個幾禮拜, 真係好累lor! 仲好熱呀!!!

明明以為所有野已經settle哂, 又要開始擔心過, 過埋星期一我就會知道所有野, 用不安的心捱埋呢兩日去... 應唔應該去識下大眼哥哥, 仍是一個迷....哈哈

一百個人有九十個係女仔, 幾好鴉, 不過我對同學都冇興趣.... 同事會好d, 人會成熟d掛.... 夜晚去食飯, 多謝龍仔陪我食香蕉船鐵板餐, 我想試好耐ga喇~ 幾好味, 我俾85分!!! 跟住allen同阿sam到左, 又去食飯, 哈哈, 去左間法國餐廳, 幾好唔錯, d甜品好正, 隻蝦好大ga, 四個人食都飽!!! 個老細好好人, 佢叫micheal, 仲教左我好多養生之道, o個度價錢合理, 要再去~~ 之後搭地鐵有兩個女人問路, 仲讚我靚, 好開心ga~ 落太子飲野, 等sam番o黎, 勁呀我地, 四個飲左成支black label, 最開心係sam仔肯同我講心事, 連飲醉都咁識講說話, 哄到我鬼咁開心^^ 原來我地係咁相似.... 今晚本來係好完美ga, 但allen太衝動了, 希望佢知道自己並唔係佢想像中咁可以完全控制到自己la~ 大家都需要冷靜下.... 有d野我都要下決定就去做....

終於完成左三日"艱辛"o既training, 其實irene真係好好, 真係好抱歉我成日訓著, 但我真係好眼訓呢... 今日我真係信哂irene, 蒙住眼都唔驚, 即使我再怕黑都唔驚~ 夜晚同龍仔、allen一齊食飯, 好開心呢, 嘻嘻哈哈, 無憂無慮, 仲去食糖水, 好耐冇食過喇, 好好味! 飽飽, 仲有龍仔陪我番屋企 都係我最叻, 識教佢行, 訓練左三日o既ccr梗係唔同d la~

本來有機會搵壽司男, 但最後都係算la, 太夜喇, 對佢地o黎講太遠, 又怕佢放假, 算la, 都係諗大眼哥哥算la....hee~