完全感到被馬會fake, 攪到我又多左十日空閒時間, 要努力搵工呢... 好難搵到d工番幾日lor, 希望補習傾得成, 希望份臨時工apply到, 希望所有事都能在掌握之中....

今日打俾邊個, 個個都唔得閒, 得我一個悶到痴線, 冇朋友, 想搵個人陪我apply份工都冇, 希望聽日有時間去apply la, 下個月冇飯開ga喇>.< 人地做得辛苦就話慘姐, 我冇野做悶到想死都好慘呀~~~

估唔到我仲唱到k, 不過把聲唔太好, 好開心呢, 一來可以唱k, 二來可以見到佢地~ 哈, 阿dick仲話肯幫我升lv再俾我玩, 多謝你呀dick~~~~

最後梗係特別嘉賓la, 超掛住我的欣姐, 對上o個次見佢就係上年聖誕, 咁快就考完AL, 睇silent hill, 超唔想睇, 不過有欣姐陪, 就陪你地癲下la... 睇完好多疑團, 同埋睇完好累lor, 累過跑千五米,(我當時係咁諗), 以後唔好再攪我喇唔該!

忽然擔心我的收入會好少好少, 點算呢咁.... 過埋呢兩個禮拜再算la... 

hea 到個人有d病, 成日好累, 喉嚨唔舒服, 好似好多人病呢... 聽日終於有d野做, 可以見到我最愛o既欣姐, 超感動~

夜晚好唔想番日文, 不過都要番, 點知阿sir去左日本, 留低Eve同我地, 成個人好唔舒服, 上堂冇乜出聲, 今日又肚痛, 係因為食左公仔麵定係d送太油呢, 尚在調查中.... 好多野都想食, 但食少少又好飽, 個胃唔係咁舒服, 可以點呢...

明明講好左唔好搵我gala, 你竟然搵我, 如果成日都有呢d驚喜就好喇, 多謝你關心我, 雖然你會覺得係應份, 但我覺得係extra o黎ga喇~

今日又出去見工, ISO+馬會, 馬會總算見得成, 不過同樹仁撞期, 希望調到la, 唔想冇左份工, 又冇書讀呀....

終於覺得有工作經驗係有用喇, 馬會俾左個顧客諮詢我做, 係我最想做ga,(但我係in電話投注), 希望最後真係做到我的目標---customer service la~

兩個人相處總有拗撬, 但冷靜落o黎, 諗番對方o既好, 覺得呢段感情值得珍惜, 我地應該努力維繫。今日, 你肯主動同我講野, 我知你有努力, 我都好開心, 希望你o既進步唔只係一兩日o既事la, 只有你keep on, 我地一定可以一齊好耐ga, 凡事總有兩個, 你可以話我對你多要求, 但我都因為關心你, 想你好先要求你, 希望我冇太過份la, 我都希望我地o既感情可以維持好耐...好耐...

可以搵過第二份工其實就係一直都想o既事, 既想試, 又唔甘心, 最好o既結局就係試過而又名正言順地唔做, 希望聽日見得成工~

男朋友究竟有咩用? 談婚論嫁未免太早, 一齊開心搵個朋友都夠la, 想有人錫似乎係好自私o既諗法, 點解要拍拖呢? 一齊耐左應該點相處? 我唔識。係我地性格唔夾, 定係我唔識相處之道呢? 成日為同一件事嘈, 即係呢個問題從來都冇解決過, 成日訓醒就冇事, 原來只係治標而已, 少講野係中和, 定係唔夾呢? 我都唔知。可以點做? 難道真係好心分手? 還是為繼續而繼續? 愛係乜野? 點先衝量到? 感情=愛 嗎? 冇藉口去逃避問題, AL已經過去, 係時候認真諗清楚, 兩個人一齊到底為乜? 我願意過著單身的日子嗎? 愛情真煩人, 但冇左又可能更煩.... 可以唔諗ma? 但我又唔想成日嘈.... 煩死人喇!!!!!!!