媽咪番左大陸, 每次咁o既情況下, 我同阿妹都想為屋企做d野, 話俾daddy聽我地兩個叻過阿媽, 好細路仔呢^^ 跟住用左一個鐘頭吸塵, 屋企好污粗呀!! 又要掠衫, 用左一個鐘買送, 再用一個鐘煮飯, 起碼五個鐘就係用左o係屋企上, 但好開心ga~ 可能有阿妹陪la... 結果書係冇乜溫過ga, 但冇野比及時行樂重要呢~ 因為冇人可以保證將來係咪都一定有機會有呢份快樂...

無聊上下網, 睇英偉日記, 佢真係將每日發生o既瑣事寫低, 係佢冇乜諗野, 冇乜心情變化, 定係想敷衍寫下俾左錢o既日記only 呢? 佢每日都係將佢同女朋友o既事寫低, 係因為佢好睇重愛情ma? 睇重愛情係好事ma?

每次打開ICQ, 都會見到阿古invisible, 多謝佢俾我見到佢...好自然睇下佢info, 唔知點解... 同佢好似好陌生咁, 係佢誤會我, 定我誤會佢呢, 定係根本佢唔想同我講野呢... 我唔識主動同人say hi, 但你叫我, 我一定會有禮貌應番你ga, 任何我o既朋友都係, 你地見到我叫我我實應你地ga!! 好想搵藉口問佢野, 但害怕冷淡...

今日有番學, 得十個人咋, PA又pre-mock, 唔識呀, 算la, forget it~ 晏晝倩明都唔番, 好似話得阿金一個話番, 唔知呢~ 同阿po睇<<決戰偷心男>>, 佢又遲到呢!! 齣戲幾好笑, 孫藝珍好可愛~!之後行左陣街, 好開心呀, 同po po玩係一件好開心的事呢 ^^

搵唔到會考證書, 希望真係o係maggie度la...

夜晚睇到d野, 諗番以前一d野, 其實都過左咁耐, 嬲, 我冇咩點嬲喇; 只係如果原諒你, 我會唔會俾人睇唔起呢? 我地識左咁多年, 你一直都對我好, o個件事係好過份, 但都過去喇, 如果我唔係蠢, 我點會上當。或者因為你係世上最明白我o既人, 所以冇左你點都有d可惜, 就算我想點避, 我發覺我同你都好似注定大家要好近, 本來我係接受到你, 但依家... 恨一個人, 到頭來只係辛苦自己; 原諒, 我又怕我未有咁大方, 我害怕唔清唔楚o既關係... 任憑我如何否認, 你以前係我最交心o既朋友, 被好朋友出賣, 以後還有可能成為朋友嗎? 我好想你補償, 但根本冇辦法補償...

mock就到喇, 收拾心情吧~

今日番學總算有意義, 幫我的美蘭老師!! D低form真係好無聊,  搵野o黎攪, 話美蘭老師鬧佢, 叫家長投訴, 攪到美蘭老師唔開心, 好煩呀佢!! 最後總算冇事, 但美蘭老師對我地班有點失望呢... 其實都係無心之失, 老師你唔好嬲我地班la... 今日都係傾偈日, 開心就夠喇, 阿田唔好咁激動la, 大家同學要和睦相處呢~

夜晚同maggie傾左陣電話, 佢太辛苦喇, 好唔忍心, 佢咁會好影響佢學業tim ga.. 雖然我點都唔贊成你所揀o既路, 但你都揀左我一定會支持你, 你有咩要幫即管出聲, 幫到實幫。希望你可以做到你想做o既野~ 人生唔係樣樣都要計, 隨心所欲, 想做就去做, 唔好逼自己, 開心就得喇, 人生本來就係一場賭博, 唔賭邊有得博呢? 你今日都係博緊個degree, 希望你將來o既包袱可以輕d la, 到時你先可以真正咁放鬆。但呢段時間唔係俾自己身體同心理承受太大壓力, 我好心痛呢...

又鬧交... 其實你係明白我, 但你o既行為錯了, 很錯很錯...

今日真係好開心, 成日都冇溫書, 但係同同學傾偈o既滿足感勝過溫書o既一切... 同兩堂竟然同英偉傾偈, 係咪個個男仔都唔鍾意認同第二個女仔fd呢? 英偉, 你唔好將今日d野講出去呀!!之後四堂同po、頓傾偈, 無所不談的感覺真好, 一齊食飯好開心, d野食好好食, 終於食到雪糕, 真係好好味呢~ PE堂竟然跑左九分鐘, 估唔到仲有氣跑, 每日番學o既鍛鍊真係冇白費呀^^ 放學極速沖涼、扔d衫入洗衣機, 去補習都冇遲, 勁呀! 英文好悶, 日文超好玩, 我要開始背下生字喇, 每日五個真係唔多~! 今日仲同阿po 隔住電話一齊食m記, 同一份餐呢, 好開心呀!!!

今日傾過一個問題, 點先算理想男友, 好似霖霖咁, 成晚唔訓, 驚自己唔知醒, 就係為左想一朝送野俾我, 好傻... 一個男仔肯為自己做到咁, 夫復何求呢~ 多謝你, 我好鍾意份禮物, 不過你o個份就... 點會咁呢?? 定係想你戴番我送俾你o個隻呢^^ 我只係講過下姐, 你就真係咁做, 傻佬.. 你肯做d野令我感動, 我仲有咩好嬲你鴉.. 搵到一個錫自己o既男人, 仲應該要求d咩呢?

ps:海業睇完醫生, 要好好休息, 唔好o係呢個時候病呀!

心軟係女人o既標誌嗎? 係心軟, 定係從來都唔想走o個一步呢? 改, 改太多係好事ma? 兩個人應該如何一起, 好唔明, 係我諗得太深, 定係真係咁難? 一個男人肯認錯, 值得原諒嗎? 我應該為左扮堅強而去放棄一段感情嗎? 如果要裝, 係咪應該放開懷抱去愛? 就算一齊番, 我諗態度都一定唔同左, 希望新一種模式更適合我地..

我永遠都扮堅強, 扮瀟灑, 但原來我從來都只係愛情o既奴隸... 我鄙視我自己