當A-Level愈來愈近, 就覺得愈來愈可怕~大家都擔心溫唔哂書, 擔心前途, 擔心出路, 冇一日係唔擔心ge! 不斷努力溫書, 再後結果如何, 根本不成正比~ 我冇咩擔心, 因為我已經作左最壞的打算, 但我會享受每一日的付出, 同埋剩番的番學日子... 初初真係唔太鍾意新學校的一切, 但到呢一刻, 發覺冇左呢班同學, 我係捱唔到今日ge! 有邊個未迷惘過, 或是想過放棄呢? 有的甚至喊過, 溫書溫到病左, 大家都好辛苦, 好在大家互相扶持, 我地都捱到今日。原來同你面對過困難的朋友, 感情真係會更深, 唔係睇時間的長短, 呢班同學應該比會考o個時o既更可貴...

好開心佩翹send一個msg俾我, 雖然唔係d咩特別內容, 但係佢肯接受番我, 就算依家只當我係普通朋友都冇所謂, 我相信我終能打動佢~ 佩翹, 我地一齊努力, 下半年我地一定得到成果, 就用呢半年去付出la!

今日好開心, 同po食飯, 好多攪笑野, 如: 英偉用黑筆油對皮鞋; 有低form仔詐死; 打架俾人罰, 仲可以訓到唔知醒; 學校地下有血跡... 番學都可以幾開心~

我地笑過哭過, 希望以後都可以互相幫助, friendship forever~

今日oral, 我本來俾左信心自己ga, 點知都係好震, 再接再厲la~ free堂第一次做到野, 做左文學, 唔識作文, 又傾左兩堂偈, 進步左~ 諗住去溫書, 點知阿po話唔去, 仲傾電話!!! 之後去左訓覺, おめでとう, 可以宣佈certified! 電視好好睇, 開心左今日就算la, 冇野值得後悔, 就算返番今日我都會咁揀gala...

同完阿頓傾偈, 讀書決心冇哂, 原來grant loan係咁還... 同阿po傾左好多以前o既野, 唔想講太多喇, 只想po po明白我, 我唔算係好人, 但都未算係壞人~

又鬧交, 我叫佢搵過第二個, 佢話好喎, 就咁la, 我地真係性格不合掛, 情人節一個人過都幾特別呀, 好耐未試過,  唔係, 我仲有po po!! 考試都有阿po 陪我, 平常心面對一切~

佩翹, 聽日加油呀, 我冇野可以幫到你, 但你只要諗住一班朋友支持你, 你唔好衰俾人睇呀, 我識o既佩翹係唔會輸ga, 我地以前一齊贏, 以後都要, 希望今年我地都有大豐收~!

<<覆雨翻雲>>勁好睇, bosco好靚仔呀~~ 「非夜月不娶」, 好浪漫呀, 所以真係好難唔睇電視ga...

ps: 今日魔鬼贏左

天使勝過魔鬼, 心情勁好! 冇人會估到我八點幾會起身, 如果冇阿po, 我諗我一定起唔到身, 我地要互相支持呀!! 唔知咁o既日子捱到幾耐呢? 其實d人都唔係好溫書, 來回左幾十次呀!! 見到好多舊同學, jenny、董凱晴、好威... 大家都咁努力, 我真係唔敢偷懶, 咁大個人都未試過俾心機溫書, 好想快d睇個結果...

等待中... 天使要長勝呀!!

終於的起心肝去圖書館, 見到好多同學, 唉, 我真係好懶惰, 不過都唔係第一日知la... 個心都仲係散, 冇乜希望, 算係作垂死的掙扎吧! 文學功課決定唔做, 真係唔識, 星期一實做得哂, 問完人先做~ 夢想係入港大, 其次係BU新聞, 入到是旦一個都好開心, 定左目標, 試下俾d心機, 唔得咪抵死lor, 盡力就得, 其實點解人地盡到我唔得呢... 我爭左d咩? 恆心掛~ 總之就努力la...

就o黎番學, 好唔拾得呢個假期呀!! 不過快d考埋個試都好ge, 唔使成日擔心咁多, 第日擔心冇野做好過, 人大左, 係要接受現實ga喇, 仲有人當我係細路仔咁錫就好喇, 一個都夠喇...

死la, 日日都有野玩, 乜都冇做, 書又未溫, 不過比起欣姐, 我仲有好多時間... 呢個A-level我都唔知點面對, 或者真係要過埋個新年先可以努力到, 自己有幾努力自己知, 到時就與人無尤lu~~ 不過點都冇所謂, 對得住自己就得, 太睇重呢d考試, 會考咪又係傻下傻下咁過左, 今次都唔需要太擔心, 讀唔到出o黎做野都唔係壞事呀, 今日玩左訓左, 第日唔得就抵死la, 訓喇!!!