尋晚等阿妹等到三點, 訓o個陣四點, 今朝自然就一點起身, 唉...

今日屈daddy請飲茶, 又叫佢俾錢我買野, 好衰咁tim~ car car病左, 尋日仲好地地咁ma, 你要小心身體喇! 終於做哂文學功課, 但其他放棄哂, 我諗我支持唔住ga喇>.< 好想放棄, 但又冇放棄o既理由, 過得一日得一日la, 唔好後悔呀~~~

首新詩自己幾鍾意, 梗係la, 自己作ma, 不過唔夠優雅, 算la, 我o既程度, 想點喎... o係自己日記獻醜都唔係好過分姐?!

題目:情 (雖然我重情, 但我一d都唔鍾意將個情字掛o係口邊!!)

小公主呱呱墮地
只愛哭, 你逗她笑
再哭, 妳猜測她所需
她欠下了一筆流水賬...

小寶貝牙牙學語
學認字, 學認你們
還未夠, 要學走路
跌倒、成功、成功、跌倒

公主已經亭亭玉立
她聰穎、她美麗
一切建基於你們的愛
她反叛、她自私
一切也建基於你們的愛
愛, 是縱容, 還是慷慨?

你們循循善誘
她覺醒, 外面的世界雖大卻冷
她覺悟, 容身之家非小且暖
要她離開這個家
她情願還清那項債!

債, 怎能還清?
哪個秤可量衡你們的愛?
太多, 太盛...
我願代公主告訴你們:
父親母親
唯獨您是不可取替。

今日都係勸服左自己冇去街, 不過竟然一d野都冇做過, shit~ 聽日都唔方會起到身補習, 我去死la, 垃圾!!

今日同好多人傾電話, 好耐未試過, 顛夠喇, 日日都鬧自己, 點解仲係咁?? 霖霖, 我煩你係因為我想同你有將來, 希望你會明白我o既苦心, 我都唔想咁煩, 但我知道除左我冇人會再逼你, 而人o既成就往往係逼出o黎ga, 我地都逼下自己, 一齊進步la, 「學如逆水行舟, 不進則退」, 雖然老土, 但不失為一個事實, 呢個社會不斷變, 就算唔變都唔會係退步, 我地唔進就終會被淘汰, 讀書唔叻唔緊要, 至緊要有上進心, 讀書永遠都唔係唯一一條出路, 我想要o既男人係一個好錫我, 亦肯為我而努力o既人, 最好緊係自己識上進la, 不過只要肯踏出第一步, 永遠都冇人嫌遲ga, 你一樣可以有你o既成就~

新一年希望大家都有個新開始

今日下定決心, delete好多相, 都過去la, 點解過左年幾先發覺原來過左去呢... 發現左一d關於過去o既野, 點解呢個時候又要知道呢d呢... 係想試下我係咪真係放得低ma? 好想見下坤, 問下佢近況, 我想可以做個朋友, 冇咩特別原因, 只係唔想冇左情侶關係就好似咩都再唔係咁, 就算係邊個我都想做番朋友, 可能回憶總是美好, 唔想失去呢班人, 考完a-level, 我一定會搵你地...

讀唔讀到書冇所謂, 人o既成就係靠努力, 唔單只係識讀書就得ga, 只要佢有上進心, 佢一樣可以有自己o既成就, 呢樣係我一直深信ga~ 霖霖你要加油, 我好想睇到你有一番成就... 我唔會輸俾你ga!!

這是我的小妹妹呢~

今日louisa唔得閒番, 有d悶, 發現自己好多唔識, 又發現人地識好多, 我要加把勁喇~

讀書係享受過程, 唔係為左一個考試only!

冬天的毛毛雨, 好凍

尋日同霖霖睇哈利波特, 跟住同佢屋企人食pizza hut+糖水, 變左個肥婆!! 好早番屋企, 但都冇溫書, 又一日...

今日同阿欣、阿婉、大姐出去, 感情一d都冇變, 仲好似細個咁, 好開心呢~ 去左巴西燒烤食buffet lunch, 食乜冇所謂, 最緊要係第一次一齊去同埋可以傾偈, 傾極都有野講! 之後影貼紙相, kawaii~ 我地作出左重大決定, 由tst行落mk! 咁都唔止, 仲行埋去奧海城, 好叻呀我地, 去到戲院o岩o岩好tim. 睇四眼雞丁, 幾好笑, 不過個故仔有d無聊, 算la, 公仔片係咁ga喇... 去左KFC試楓糖咩撻, 四個人食個筒餐, 差唔多食得哂ga喇, 好勁ga我地, 有阿欣同阿婉, 哈哈~ 九點, 大姐要番屋企喇, 可憐的大姐, 冇所謂la, 都差唔多ge, 應承左送大姐, 梗係送la, 我都唔捨得番屋企, 欣提議去大姐屋企, 識左十幾年都未去過, 好整齊, 佢媽媽好熱情, 參觀過大姐間房, (仲睇埋情陷夜中環) ,好骨緻, 得佢一個, 冇兄弟姐妹, 係好事定壞事? 各有長短... 傾下傾下又十二點, 真係要走喇, 新年或者會去阿欣度玩, 我都想呢, 真係好想過番小學o既生活~

o係大姐屋企睇番好多細個時o既野, 好懷念... 知道多左各人近況, really hope friendship forever~

四大美人, 哈哈