過住豬o既生活, 食飽就訓, 訓飽就食, 好多功課呀原來~~未做過...

睇到張相, 好懷念, 冇機會再好似以前咁喇, 無論係輝煌的成就定係我深愛o既佢, 都冇哂喇... 好掛住佢~曾經認為過我地係一對情侶, 我一直都將佢放o係第一位, 到今日都冇忘記過佢, 可惜我成日做錯野, 我冇心, 但佢認為我有意。依家唔單只見唔到佢, 連朋友都唔係... 好想知佢近況, 但好怕佢仲嬲緊我, 又或者已經把我遺忘, 怕...

翹, 好掛住你...

入大學o既決心一直下降, 都好ge, 唔使俾太大壓力自己先ma~ 文學test做唔哂, maths又唔識, 我唔擔心自己呀, 我唔想老師唔開心咋... 我唔讀大學幾咁閒, 我仲有大把出路, 我一定可以有我o既成就!! 但係屋企人可能想我讀到呢... 唔想daddy失望, 佢將所有希望放o係我身上ga~ 點都努力埋一百日, 唔讀書都冇乜野好做gala, 結果係點唔緊要, 努力過就得, 唔好諗大學喇... 生性就得!!

今日acc梗係唔識la, 堂堂都好hea咁, lunch有chan man接我, 去扒王好開心呢~~

最出奇就係竟然同miss祝傾左一個鐘!! 基本上我唔討厭佢, 有時覺得自己幾客觀, 我唔會單憑一次誤會而評論一個人, 嬲o既時候真係好嬲, 但諗清楚就發覺其實唔係咁衰, 人會反省都已經唔錯la, 唔係咩? 除左講關於UE o既問題, 都傾左陣偈, 都幾開心, miss祝係一個好老師o黎ge, 只係大家討厭英文而討厭埋佢, 算la, 呢個世界咩人都有, 有時唔係自己問題ge, 而係可能一班同樣固執的人碰巧遇上。

曾經以為過冇可能同miss祝傾偈, 但冇野係絕對ge。 唔敢再濫用永遠, 冇野係永遠ga, 要無開始無終結, 仲要不朽, 只要風聲、水聲同無涯的寂寞而已, 我相信畢業後我一定會回來探某些老師, 無論我多討厭這所學校, 老師們的確教我成長了不少。做老師的當然希望學生回來探望自己, 雖然係好表面, 但我的心意是真的, 我不是忘恩負義的人, 而且我最愛懷緬過去, 老師, 我又怎會忘記你們的大恩大德呢~

今日記得同大姐講生日快樂, 真乖~

生平第一次o岩, amanda仲有d用, 過幾日可以串阿sir, 哈哈!!

日文大有起色, keep on, 呢樣唔會放棄, 係我興趣ma, 讀書..我鍾意ge, 不過唔係要為試~ 人生仲有目標, 仲知前路如何, 已經好好喇...

仲未溫acc, 點測驗呢? 文學聽日睇應該都ok... maths要溫頭幾課喇...

唔想讀書, 唔知讀書為乜, 為增長知識, 其實咁讀書規範左好多野; 為將來搵份好工, 大學生係咪真係出路好d 呢? 冇人會知, 計番grant loan條數, 廿萬都唔知要幾耐先賺到, 你要用廿萬買多三年玩o既時間咁, 出o黎社會真係冇得玩? 玩o既定義好多, 唔通日日猜龍珠就係玩? 咁就值得花錢花時間入大學? 人生為乜, 我諗我都要讀下哲學書先得喇, 我的努力是這樣了, 我相信就算將來諗番今日, 都唔會後悔, 因為唔睇電視, 唔訓覺, 唔同阿妹玩, 唔搵野食, 我點都做唔到ga喇, 呢兩年我真係比以前努力左好多, 雖然比起其他人差好遠, 但我係得咁多... 唔後悔咪得lor, 諗咁多做乜, 永遠都要記住今日講o既野呀!!

又係星期三, 如果唔使補埋英文, 星期三都幾好ge...