雖然好眼訓, 又未溫文學, 但同阿sir慶祝, 點都抵ge~!

買左枝筆俾阿sir, 又買蛋糕, 一齊唱k, 唱勁多舊歌, 甚至我唔識! 但好開心, 有嘉浩、阿wing、德興、我同阿sir過生日, 雖然冇得同以前比, 但剩係呢幾個都係有義氣ga!! 我相信以後仲有好多機會再聚~ 好想好感動呢, 最後我地一齊唱左首光輝歲月俾阿sir, 好好o既ending~!

打到呢到la, 好眼訓呀...

有定哂心理準備長期作戰, 係兩面o既仗, 一個係a-level, 一個係佩翹... 我會俾d心機ga!!

free左6堂, 今日同左都幾多同學傾偈, 人大左, 咩都唔同左, 希望我同妳係相似左...(以我表面所知尚算係)

冇溫書, 冇做功課, 算la, 唔好後悔就得~ 竟然俾我發現阿sir生日, 既然上天俾我發現左, 我都真係好想同阿sir慶祝, 仲記得以前同佩翹、小梁穎一齊整野食, 仲拎俾阿sir食, 好開心ga... 好想同阿sir食餐飯~ 打柔道唔只係為左贏ga, 係享受個過程, 妳都有開心過ga, 係咪? 妳冇荒廢過o個幾年o既任何一日!! 妳o既根基係阿sir俾妳ga, 唔好討厭佢la, 妳都係因為佢而得到你人生第一個優秀運動員ga...

恭喜何韻詩到傑出獎金獎同其中一首金曲—勞斯萊斯, 超鍾意佢, 好得意, 唱歌又好聽~~

佩翹, 我知一時之間好難要你接受番我, 又或者太陌生喇, 但我會努力建立番我地o既友誼, 我會踏出第一步, 只要你幾時肯行出o黎, 我就o係你面前, 我會等你... 你唔只曾經係我愛o既人, 以後都係...

如何回到當時　猶如情侶熱戀的那時
記憶可以　幻作一對蝴蝶飛舞在時光深處

走得那樣近　不是緣份　是雙方有心拉近
如橋樑　左半右半　一旦重遇　感情就會發生

不管我是你幾分之幾
我只要愛你

我靜靜的望著天空 試著尋找失落的感動
只能用笑容 期待著雨過天晴的彩虹

你知道我睇到你xanga o既第一反應係咩嗎? 我即刻喊左出o黎, 原來你仲記得我, 你原諒我, 我真係好開心... 但另一方面, 我怕我以後都做唔到—柔道比賽我唔敢再踏足, 我已經冇左以前o既一份勇, 我都唔夠你打喇, 有d野係番唔到轉頭, 我地冇可能再一齊練習, 我都冇機會再贏, 心態唔同左喇, 柔道只係一種興趣而已, 贏輸唔重要喇。我唔想除左柔道, 就再冇親近你o既機會, 我想好似你每一個朋友咁, 可以成日搵你, 同你去街, 一齊玩。我知我地係因為柔道而認識, 但我唔想因為我冇打柔道而再冇機會同你一齊, 我唔係你最鍾意o既人, 我只係一個同你有過回憶o既朋友, 但你記得我我已經好足夠... 有時好想同你講我愛你, 因為你對我真係好重要, 愛唔一定係指愛情, 而係你願意為一個人付出而不求回報, 想保護佢, 想永遠同佢一齊, 你o係我心目中就係有咁o既地位喇...

多謝你仲記得我, 我遲d一定會打番柔道ga, 不過短期內唔會打比賽, 但我以後都會多d去睇你打...

後記: 好好彩俾我search到佢o既日記, 知道少少佢近況, 都開心ge~ 不過見到佢有第二個, 心好唔舒服, 係ge, 佢都未必知我點諗la, 我又唔可以睇得太表面ge... 不過, 佢記得我o既機會太微喇... 唔知佢記唔記得呢, 佢係唯一一個我甘心輸俾佢o既人, 我從來唔鍾意人地叻過我, 唯獨是佢, 我會為佢o既成就而開心! 輕吻...會係你同依家o個個ma? 我地再冇機會一齊贏一齊輸, 就o係o個年會考, 少左番柔道, 冇去春茗, 少左理你, 可能由o個陣你已經討厭我, 我冇心ga, 你點先會知道你o係我心目中o既重要性呀? 雖然大家冇左大家, 日子都係咁過, 但o個陣時一定係最開心ga...

愈來愈重視友情, 尤其是妳, 妳肯回到我身邊, 我甚麼都願意... 但probability會係幾多呢? 我諗係接近0...