AL真係令人體會良多, 睇住身邊的人, 一個一個話想放棄, 決心會俾一次失敗打破, 一次自以為是的失敗, 大家都冇左理想咁喇.. 我自己都一樣, 冇再諗讀到大學, 只希望將來可以無悔咁搵到自己想行o既路, 好似好遙遠咁, 但幾個月真係好遠咩? 努力...我是會嘗試的, 但試完呢次AL, 我唔想再試喇, 我相信我已經成長左, 我可以生存o係呢個社會ga喇... 呢段時間, 大家個心都好亂, 又想放棄但又想繼續, 不過撐下去吧, 結果如何都不致於後悔呢~

吳宇軒, 你記住你講過o既野, 唔好反口呀! 哈哈~

我和我的妹妹呢~

呢幾日冇溫書, 我都唔知做過乜, 行街lor, 睇電玩lor, 好冇心機讀, 我想快d出o黎做野.... 不過做乜好呢? 好難諗呀!!! 但目前應該要讀埋呢一個月先lor, 總係o係唔適當的時候做唔適當的事~! 冇用ga我~~~~ 但點先有心機讀書呢? 好想放棄, 但又冇理由o係呢個時候先放棄... 隨緣la, 見步行步, 好快就可以去玩ge~ 要去旅行, 去好多地方, 不過都係要搵工先...

好耐未試過咁free咁玩左成日, 唱k+睇戲+食飯, 人生一大樂事矣~ 不過聽日開始又要修心養成喇...

今日最開心o既事唔係玩, 而係令思敏心情好番d, 令佢由想放棄到有番d希望, 見到佢開心先係我最開心~ 我終於識欣賞別人的努力而不妒忌! 睇住自己長大左, 係好事ma?! 思敏, 你要支持落去呀, 爭一個禮拜, 之後又可以去旅行喎, 唔好辜負左一番努力呀, 你一定得ga!忘記今日的哀痛, 明天會更好~ (都係同我自己講ge)

還有一個月, 要加油哦~~~

獨家試愛ok 好睇la, 雖然拍得怪怪的, 但冇悶場, 有d笑位, 可以一睇ge, 結局...我相信有意思的, 霖霖都諗到, 係我諗唔到...

英文完全有fail的危機, 我冇人地咁細心, 冇人地咁好運, 所以我留意唔到d字眼, 都估唔中... 唔緊要, daddy俾我考IELTS, 我有多個機會, 就不容有失, 再辛苦都要ga喇~~~ 多謝大家鼓勵, 所以話冇左朋友就大獲呢! 考完要去旅行, 要去澳門玩~ 記得我地o既澳門之約呀! 唔開心唔好諗, 努力之後ge, 咁先唔會辜負大家對我o既期望, 到呢一刻我好想讀大學, 因為我想證明俾daddy睇我係佢最叻o既女!!!

英偉: 不是我選擇去記住, 而是我沒有能力去忘記, 他是我最愛又傷得我最深的人, 回憶是冇法完全消失, 只有感覺會逐漸減退, 的確退了很多... 眼前的人, 不是不愛, 而是沒有辦法再為愛情付出太多, 亦不再相信愛是何其偉大, 「我愛你一生一世」只是一個白色的謊言而已, 聽o個刻會感動而已~ 如果有一個人真係愛我一生一世, 我臨死前一定會相信愛.... 你可能都講過一句一生一世, 或是永遠, 但到分手時傷心一段時間就去搵第二個, 這就是愛嗎? 我也不懂愛人...

kit: 雖然我原諒你, 但係我有時都會諗番起好多唔開心o既回憶, 呢一排我諗番好多野, 以前俾人排斥, 其實都係因你而起, 如果你問我係咪真係完全原諒到你, 我想話我唔係, 條刺仍然存在, 仲會隱隱作痛, 所以我們還是保持一點距離好了。 其實我不懂得面對你... 每當我諗起你造的一切, 我覺得好可怕, 一次不忠, 百次不容, 我們是普通的同學而已, 我只想我們的關係是這樣, 你太關心我, 我反而覺得可怕, 面對你我覺得好矛盾, 七年來我想擺脫你, 又怎麼都逃不去, 我想恨卻又不懂得恨, 請恕我冇用, 我做唔到恨, 都做唔到完全的原諒.... 我只想請你不要對我太好, 有些事情是補償不了的.... 可以淡忘可能是時間的關係, 同埋愛比恨更難忘記...