尋日考文學, 前日都算背得哂書, 冇溫登泰山, 好彩冇出, 不過引文又唔識, 第一題都唔知冇左幾多分, 但求不是最低分就夠了... 作文好似寫笑話咁, 合格都偷笑呢~ 番屋企即訓, 夜晚都冇心機溫acc...

今日仲勁, 六個鐘acc, 不過做得好hea, 根本唔識做, 又點會唔夠時間呢~! 今次兩份卷加埋都唔知有冇50分, 平均有三十幾分都還得神落lu... 算la, 已過去了, 好好玩樂幾日先, 坐兩日都幾累...聽日listening only, 太開心喇, 不過好累, 過兩日先出街玩, 哈哈~

呢兩日真係好平淡呢...

同阿dick溫書, 溫得唔多ga, 只係好過冇咁lor~ 好有小學o既感覺, 大家仲係好細路仔, 永遠唔大個, 係何其o既幸福呢!! 轉眼間就十年喇, 我地就咁識左十年, 仲可以咁好感情, 真係好呢, 希望仲有好多個十年~!! 真係要溫書喇, 雖然點都溫唔哂, 盡力la.. dick, 我地一齊加油哦~ 見到你咁勤力, 我簡直慚愧, 我唔要落後呢~

好想睇傲慢與偏見, 個女主角好似Trish, 超似超可愛, 係喎, 好耐冇得活得很滋味, 要留意下, 好掛住Trish~~~

今日係白痴仔日, 溫唔哂書都算la, 竟然唔知六揀四, 好喇, 答哂, 仲要勁多唔識ge, 如果miss揀頭四題, 咁我就聽pk喇...希望miss俾我揀番四題俾佢改la... 一番到屋企又狂食野, 好似要填補心靈創傷咁, 聽日先同阿dick去溫書, 今日就訓下覺呢~ 起身都六點lu, 我只是豬一隻... 星期一考文學, 星期二acc, 溫到合格o既機會唔過五成, 不過盡力而為la~!

都係海業對我最好, 冇辦法la, 我地係玩伴o黎ga ma~

發夢霖霖話同大傑睇天生一對, 佢嬲我話楊千嬅唔好, 好白痴呢...

夜晚食pizza hut, 好味道, 最開心係同屋企人去食^^

大家都好支持我, 我唔可以辜負大家對我o既期望ga, 不過努力, 從何開始呢?? 聽日考maths, 但冇溫過, 都唔會溫得哂, 好冇心機呀... 都係訓左覺, 我就係咁冇出色... 晏晝狂食野, 食飽就訓, 邪仔叫我聽日幫佢交野, 佢拎俾我先, 所以我就的起心肝起身喇, 但都係睇電視, 仆街o黎ga我!! 阿妹竟然話將我部calculator擺左o係學校, 好蠢o既我第一時間剩係諗邊個F7同學會有, 我唔識用50F呢~~ 跟住問埋阿欣阿dick, 諗住聽朝借, 連samuel都問埋, 好弱智, 點解最後先諗到有班中六同學會有呢?! 好彩我親愛o既阿古有, 要搵d野報答佢, 就請佢食糖la, 哈哈~

無聊睇到英偉留言板, 肉麻到打哂冷震, 男仔到呢個年齡真係好少會咁ga ma... 得人驚...不過可以肆無忌憚咁去愛, 都係一件好事ge...

兩日冇得打日記, 上網少左野做咁...

尋日開始考mock, 落雨已經心情唔好, 仲要遲左出門口, 撞到思敏, 佢以為番8:30, 攪到要陪我跑, 好累呢~ 英文竟然作得哂, section c爭少少, 不過期望唔高, 作文希望有進步就夠喇...晏晝考oral, 完全的差, 第一次唔係做lead o個組ge, 冇心機講, 掛住幫阿威, 自己冇諗過點講好d, 我一定唔高分, 但又幫唔到阿威咁, 希望佢起碼合格先la... 考一日試真係好眼訓, 番到屋企又訓, 夜晚好凍溫唔到書又訓, 最後就係咩都冇做過喇...

今日考中文, 實用文都ok, 但閱讀理解竟然有15分做唔哂>.< 前所未有的失敗... 文言文又唔係咁識, 唔係讀文學的同學都識, 我點考A-Level?? 同玉蘭d時間差不多一樣, 英文oral同佢一組就死了, 應該唔會掛...今日超凍, 陣間仲要補習, 好悲哀呀, 仲要十點先有得走呢, 唔想讀書呀, 好煩呀, 咩都冇準備好考咩試鴉, 唔想考...

霖霖話轉跑數, 都好ge, 有心機番工先ma, 努力la~

多謝海業鼓勵, 但我最多做到唔後悔, 一定冇好成績lor...

多謝英偉陪我傾ICQ, o係我咁頹o既心情下, 找到點安慰...