今日仲係肚痛, 個胃好唔舒服, 個人好累, 咩精神都冇, 溫唔到書... 三個鐘pre-mock, 其實冇咩野做過, 都唔識, 好多野都記錯、諗錯, 但番屋企睇番我都識ge, 係太緊張, 驚做唔哂, 定係點呢? 不過次次考試都諗錯真係死得, 最唔衰o既其實係d英文, 唯有做多d la, 不過唔係依家, 真係好累(但已經訓左晏覺), 個胃又好唔舒服... 中化小組討論, 7s d人講野唔太叻, 老師都唔見得好, 學生又真係好難好, 今日o既表現唔太好, 好多想講o既又未講, 冇point, 肯定好低分...

美蘭老師心情唔好, 仲叫我電直d頭髮, 有一刻我真係想去咁做, 但同學們都勸服左我, 仲有七日番學咋, 之後考mock, 跟住我就唔再屬於呢間學校喇, 聽日唯有唔番頭兩堂la, 避過大檢, 對唔住呀miss祝, 我都想番學, 但冇辦法, 點都要過埋個大檢先得..

既然佢唔答我, 就當所有心意都送左出去, 告一段落~ 唔再煩其他野住, 努力考好個試先!

想買Gundam錶, 好得意, 女仔帶會唔會有d奇怪呢? 但我都唔似女仔gala, 希望有人送俾我, 哈哈^^

又到左又愛又恨o既星期三, 要補英文, 但又有日文, 好唔想番英文, 不過都要頂硬上, 聽日pre-mock, 考天才... 今日短講-貪心的小狗, 我最愛講故事, 唔知動唔動聽呢^^ 12分, 不過不失la, 但好想拎13分, 但我估我冇咁好o既內容~ 倩明生日, 一人一枝花, 佢地先諗到ga咋, 不過真係好感動, 大家都好開心, 蛋糕好好味!! 今日都係傾偈多, 可能考試壓力大, 所以可以同班同學一齊o既時候總想放鬆一下, 所以冇溫書, 但真係好開心呢~

sensei番左o黎, 好惡呀, 去左日本之後惡左, 可能近得日本d大男人多左!! 以後要俾d心機, 唔可以成日唔記得, 唔可以成日錯, 唔可以俾sensei有機會話我~~! 今日學左好多日常用語, 番日文好開心, 要好似Eve咁叻! 好想搵時間溫日文, 但連A-Level都未溫, 好難溫日文住呢, 不過好快會溫ga喇, 我要考好個三級試~

夜晚見到林傑, 不過佢見唔到我掛~ 去左食cheese cake, 因為餵食lor^^ 好味道, m記d野都ok, 暖mocha好好味, 不過之後胃痛, 肚痛依然, 聽日好多野做咁, 好忙呀, 不過忙都幾好ge, 充實ma~!

今日冇番學, 唔係溫書, 係肚痛番唔到~ 情人節一d氣氛都冇, 連禮物都冇, 唔緊要la, 我自己都冇預備d咩, 其實又真係冇咩唔開心, 可能都冇乜心情慶祝la, 但希望其他人情人節快樂~ 唔知佢收唔收到, 我只希望送到佢手上, 佢嬲我好喇, 唔好嬲份心意, 冇罪ga... 今晚同霖霖, daddy, 阿妹去唱k, 錢買到o既開心我覺得幾多都值得, 尤其是同家人~ 好飽仲好肚痛, 聽日倩明生日, 死都死番去, 仲要短講, acc未溫哂, 星期四點pre-mock?? 玩完今日, 聽日開始再冇節日, 的起心肝la!!

祝大家情人節快樂~~

今日勁冇心機, 一對住本書就諗起佢, 冇辦法la, 我唔係怕佢會唔鍾意, 而係怕心意送唔到去佢度, 多謝阿po俾信心我, 我好左d喇~ po同思敏去海濱溫書, 死la我乜都冇做過, 同chan man 訓覺、行街, 個心好左d, 其實擔心d咩都冇用, 到時先算la! 買左一大盤sushi食, 好味, 但好飽... 聽日測文學, 試下溫書la, 唔係試, 係一定要溫到!!

成日都諗住佢, 溫唔到書... 原來我騷擾到佢, 個心好痛, 佢真係咁討厭我... 問佢d朋友我覺得係我做得最錯o既事, 倒頭來一d關於佢o既野都唔知, 仲俾佢鬧我騷擾佢朋友, 我冇心ga~ 無論點, 我都寧願錯多一次, 其實你可能會更加討厭我, 覺得我煩, 但起碼我會心息, 就當俾我錯多次la~

希望有奇蹟出現... 我要回復心情讀書先得喇~!

今晚富善春茗好開心, 雖然d人我都唔識, 但我知道大家都係富善o既, 真係好開心~ 你地一定要忠於富善, 繼續努力打好柔道, 為富善增光!!