發惡夢, 得po po知, 真係好可怕ga!! 送左禮物俾po po, 佢會鍾意掛~

倩明老師都唔想鬧我地ge, 但以我地o係佢心目中o既地位, 又真係唔值得因為我地唔番學而令佢俾人鬧ge, 佢話我地都正常鴉~ 都係美蘭老師了解我地多d!!

記憶真係好得意, 有d野記好耐都記唔到, 有d野唔想記又記得, 有d好似係formular咁永遠都可以機械式咁背出o黎, 例如語言。 「明日復明日, 明日何其多」好多人都一定聽過, 但唔知有冇人識哂佢全首呢?

「明日復明日, 明日何其多。我生待明日, 萬事成磋跎。世人苦被明日累, 春去秋來老將至。朝看水東流, 暮看日西墮, 百年明日能幾何？」有時我都驚嘆自己點會仲記得, 呢首係我小學背ga, 可能我成日間中都諗番起la, 呢段文字成左我的座右銘, 今天的事還是今天做好了, 如果不是強逼自己, 就會有更多的事留待明天去做, 一世也做不完呢~(我已經有好多書留待明天了>.<)

ps: 前所未有的凍

既然他可以鐵石心腸, 我還要在乎甚麼? 呢個時期一個人更好, 至少我的情緒化不用打擾別人。不捨的感覺很快就會平復, 人就是這樣, 一個月..兩個月..或許一年, 最終都能放得下。沒有人能保證不再愛別人...這就是愛, 偉大嗎?

你要將講笑當真, 我都冇野好講。我地年齡上的確係有個差別, 你o既年代同我唔同, 我地係咁溝通, 你唔係咁都唔代表我地有問題~你唔重友情, 我重視呀! 可以搵到知己係一世ga, 朋友係最少衝突而又最傾得埋o既人, 男朋友俾到o既佢地未必得, 但佢地都有好多野係男友俾唔到ga! 我同佢地個個都識左好多年先做到好朋友, 一d係間中見面, 但有好多回憶; 一d係日日番學見面, 多得佢地陪我, 番學先有意義咋~ 如果你覺得諗法唔同大家一齊唔到, 咁算喇, 我唔想為呢個問題再爭拗, 我起初都懷疑過自己, 但其他女仔都覺得好平常, 又或者女仔就係咁, 自己做就得, 人地做就話冇安全感... 我生活的圈子係咁, 我唔覺得需要改, 如果你逼我去到你o既圈子, 我相信我做唔到。同埋我覺得我冇錯, 對住自己o既好朋友, 只係好朋友, 咩語氣都冇問題, 大家都有共識係講笑, 你唔當就算喇, 就當我地溝通唔到lor~

To be frank, I won't change my style to my friend because of you. Friends are to be forever, I want to be with you also, but we fail to do so. You are a good guy and I am not a good person. Fine... Everything will be fine...

美蘭老師講得o岩, 思想不合的人不應走在一起...

佢永遠都估唔到我諗咩, 真係咁難咩? 佢愈來愈唔在意我, 係我敏感ma? 或者係la, 佢點都冇所謂喇, 橫掂我都心灰意冷。一個人行番屋企, 都幾好鴉, 有時都幾鍾意一個人行, 好舒服種感覺, 或者係自己壓倦左二人生活, 想回復單身~ 其實我同單身都冇乜分別鴉...

行番屋企經過o個條路, 有d想撞到佢, 成日諗如果見到佢同佢女友一齊行, 我會點, 佢女友會唔會問佢我係邊個, 佢又會點答呢? 不過佢答咩都冇乜所謂, 咩身份都係過去ge, whatever he said. 好想快d過多十年, 再問自己, 我最愛會係邊個。我諗起好多個女仔呢, 男仔都幾討厭, 想搵一個好了解我o既男人, 但可能我呢世都未必搵到, 我太善變喇~

滿腦子日文, 我睇我就o黎成功ga喇!!

番番學有種好fresh o既感覺, 梗係加上好天氣la, 雖然冇陽光, 但溫度剛好, 有少少累, 尋晚三點先訓得著呢~ 不過都尚算精神, 第一日多數冇乜野, 第二日就慘喇。頭先伏在床上訓著左, 食飽就訓, 起身仲飽, 但要做功課呢... 我lor, 死白痴, 將份閱讀理解夾左o係原本本野度, 佢就咁o係學校過左個聖誕, 但我又要做番佢! 冇一科有好表現, 或者我就係得咁多.. 算la, 唔努力係咁ga喇, 點解我唔努力多d? 唔o岩我style掛, 唔識死讀書, 總有第二條路更適合自己~