尋日美蘭老師冇番, 佢唔開心比佢病左更令人擔心, 一向我心目中的女強人, 可以很快站起來嗎? 我希望放假前仲有機會見佢一面~
霖霖肯聽我講, 真係改左好多, 希望有一日佢會知道佢改唔係因為我, 而係要改善現有的生活, 佢一定有佢o既成就!
愈來愈鬆懈, 大學離我更遠, 但依家所學o既英文、日文係跟我一世ga~
今日聽左成日歌, 得自己一個o係屋企, 好悶, 咩都冇心機做, 訓左好多但都好累咁, 提唔起勁, 究竟我仲需要d咩? 我諗係恆心吧!
世貿o既事好似唔關我事咁, 但我十分同情一班示威人士, 佢地咁辛苦為乜呢? 七千蚊o既機票係買個機會, 佢地想為自己做一點事, 為所有農民求條生路, 點解呢個世界要咁自私, 強國唔肯分一點兒俾弱國, 自己強就攻人地弱, 呢個係事實, 但點解呢個要係事實呢? 教育導人向善, 唔係是非不分地認同惡勢力; 真理長存, 難道美國人就是真理? 警察仲無辜, 佢地冇做錯d乜野, 就要俾人打。d外國記者唔明點解d示威者o係呢個時候仲要咁激動, 你地d有錢人會設身處地為人地諗下咩? 如果冇飯食o既係你地, 睇下你地會點! 點解人世間咁冷漠, 大家都係人, 點解唔俾條生路人地行呢? 人地努力, 甘願擔當農民, 點解冇人欣賞佢地? 世貿開會好快結束, 希望南韓o既農民可以爭取到想要o既野。 |
