畫展都幾悶, 仲要乜小冊子都拎唔到, 去左等於冇去... 今日都冇做過比呢樣更有意義o既事喇@.@

黃宗澤拎飛躍男藝員, 我都估到la, bosco好野~~

chan man租左「衰鬼上帝」, 又諗番起d野tim...

霖霖唔好對我太好la, 唔值得ga, 我唔係好人, 唔好將太多希望放o係我身上, 我怕會令你失望... 咁好o既男人我會好好珍惜, 遇上一個好男人愛自己, 死心塌地, 我還要怨什麼? 但真的不要太好, 我不配這種福氣...

好充實的一天, 堂堂都有野做, 又計數又作文, 真係覺得自己好勁呀~ 如果我真係可以咁叻就好...今日作文我好俾心機作, 希望美蘭老師唔好又打哂問號la... 美蘭老師超可愛, 幫winnie the poor畫眼鏡, 仲話要幫佢做新衫, 我都想要呀!!

我發現每次一個人o既精神去到極點時, 人的內在潛能往往發揮到最高點, 唔知我的潛能有幾高呢, 但我又唔想精神崩潰~~~

同BB(以前柔道識)傾左陣電話, 變左好多, 原來身邊o既人變左好多, 點解我一直都唔發覺呢? 莫說女人, 男人更難捉摸, 可能倚賴性強o既女人係唔會明白男人點解可以好似好易放低一段感情, 原來呇ao既心都未必好過, 呇a可能都會成日諗番, 又或者好似我男友咁覺得諗o黎冇用, 小坤會是後者吧! BB你會明白我ge, 原來我同你好多諗法都似, 大家都成熟左喇, 可以傾多d偈, 交流下~

今日遇到o既精警句子：

1. 人不斷追求璀璨的人生, 是為了博取一段美好回憶吧!
2. 朋友不會傷害別人! 或者過去我所認識的才是真正的朋友, 至少他們只是無聲無息地淡出我的人生而已, 而你傷害了我...
3. 沒有愛, 自由只是對空虛人生的嘲諷!
4. 如果你在煉獄, 我寧可不到天堂!
5. 如果不可能成為他的最愛, 但願能成為他一輩子記住的那個人。
6. 誰沒有過去? 有過去就一定有遺憾, 無論是怎樣的選擇, 總有一條被放棄的路, 總有另一個更好的可能。
7. 如果一早知道未來的結局, 那人生就只淪為命運的傀儡, 只是像行屍走肉一樣把人生匆匆消耗掉而已!
8. 在再沒有什麼可以失去的當下, 我們才能擁有絕對的快樂。

部分from<<一毫米的悸動>>

香蕉西米撈, 今日和當日的已經不同了, 以前o個d好好多ga!! 自從o個一次, 亦是唯一一次, 再冇食過士多啤梨西米撈, 但...唔想觸景傷情喇...

今日free堂, 諗住溫書, 點知都係揀左傾計, 我都係鍾意及時行樂~ 最後acc梗係唔識la, 不過又學到野ge! 今日不斷俾自己放鬆, 見到d野又諗到d野。

1.今日講起生仔問題, 1e話唔會生, 好男人話老婆鍾意就得, 玉蘭話最好三個, 我反而覺得一個好, 我想專心咁照顧一個細路, 1e講得o岩, 養細路要由細擔心到大, 到我死都係擔心, 驚佢學壞, 驚佢餓, 乜都驚, 但可以照顧人係幸福ge, 至少我一直係咁認為, 我唔想有偏心, 有爭吵, 我要培養佢成乖巧、有成就o既人才。

2.唔知點解會有佢o既notes, 又諗番起之前大家好多誤會, 陌生左好多咁, but anyway, 聽日俾番佢, everything will be fine.

3.沖涼o既時候, 摸到把頭髮, 的確長左好多, 之前剪到好短係因為她, 年幾喇, 今日頭髮長番, 又代表咩呢? 就好似我同佢咁再冇關係, 依家o既係新o既頭髮喇...

4.今日睇電視, 發現黃宗澤有雀斑!!!宣萱都有! 其實好多明星都有, 近睇黃宗澤冇咁靚仔, 偶像有時真係宜遠觀不宜近看, 但都唔會損害bosco o係我心入面o既形象~

5.今日講起好多以前o既事, 小學、中學, 好多回憶, 依家真係冇以前咁多經典野喇, 但有過回憶都夠lu~

6.睇左sirena個網頁, 鍾意左佢咁耐都係第一次睇, 好靚呀, 終於知佢係點樣ge, 都第一次睇到其他人o既想法, 當中不乏志同道合者la, 以後上多d先得!!

7.仲有一件事, 今日行過橋底見到d老人家玩橋牌, 我就諗到我係老人家o既時候, 我係咪o係公園鋤弟呢?!到時我又會唔會識打橋牌呢?將來個世界會係點, 我想有人畫幅畫俾我睇...

 一生入面出現太多過客, 誰是由始至終都伴著我呢?希望是一班好友、仲有霖霖

最後就係做功課喇, 唔記得帶書番o黎, 諗住有<<吶喊>>本書幫到我啦, 佢係幫到我ga, 仲幫哂我tim, 不過我好蠢地攪左好耐printer 先print到一半<<一件小事>>, 再抄另一半, 當我打開<<吶喊>>時發覺!!!!!! 一件小事入面都有ga@.@ 好蠢好蠢, 好彩抄得一半姐, 抄哂我都唔知我會幾嬲!!  但我唔應該嬲, 只可以怪自己冇帶書番o黎, 我點都會做文學功課, 因為我愛文學, 更愛美蘭老師

英文開始有小小起息, 希望可以繼續進步la, 我要從錯誤中學習!! 文學唔識做, 佢竟然問中我未溫o個part, 最抵死係我唔記得以前教ge... 日文都開始熟d 喇, 我會努力ga, 依家溫唔到幾多, 下年考完A-level都一定溫番, 下年仲要同1e一齊考日文~ 1e你要小心身體呀, 唔好成日病la, 大家都會好擔心ga, 你仲成日關心我, 你知唔知你先係最令人擔心呀!!! 希望1e早日康復~

唔知做乜條腰勁痛, 坐唔到, 可能太累la, 但都冇計, 霖霖幫我摔, 好內疚呢~佢番工咁辛苦, 仲要幫我鍊骨, 第日到我幫番你la~ 你唔使對我咁好ga, 自己去玩多d la, 朋友好重要ga!!

好眼訓呀, 好想俾自己放假, 日日都想請假

「世史事件」, 又一次見到呢件學校o既不公平, 雖然佢地真係有錯, 都唔使唔俾人解釋掛~第一次犯就話記小過, 只會令人覺得1. 佢存心想害班學生, 趁佢地中七先咁玩佢地  2.佢o個刻係好嬲, 佢EQ都幾低... 仲要人一定道歉咁, 佢自己車人地去o既時候有冇諗過問下其他同學幾時去呀? 又或者叫佢地遲到都一定要去咁呢, 阿sir明知已經遲左放學喎...好難令人相信呢個唔係一個局, 仲要連女仔都覺得呢個阿sir偏心女仔, 算la, 只可以話佢地唔好彩。最可憐梗係海業la, 我估佢從來未試過俾人咁針對, 佢一直都係好學生呢~ 半年姐, 大家捱埋去la!!

第一次唔想去補習而又真係唔去, 去到都係訓覺gala, 唔好o徙時間喇, 訓下la。俾人叫我起身食飯, 算la, 當起身睇電視, 太好睇喇, 幾時先戒到電視呀??? 冇心情溫書~黃宗澤呀!!!!唔睇電視點得ga?! 唔使補習o既日子真好, 要好好珍惜喇~