超開心又搵到個好老師, 美蘭老師, 劉sir, 依家仲有個蕭sir, 我o既前途靠你地呢^^

肚痛, 好想休息, 好似好多日都唔夠訓, 每日六七個鐘都補唔番之前一日唔夠訓, 好想要一日假, 俾我抖下la!! 唉...聽日仲要文學test呢@.@

十二點 凌晨交界
黎明前 天還是黑的
自由了 我的靈魂
我狂奔著 拼命追 不會停歇
血液裡留著頹廢 到哪裡都向著明天
天亮了另個起點告別從前

今日發現左同美蘭老師好多野相似, 首先梗係大家都對文學有興趣la, 原來美蘭老師都欣賞<聽陳蕾士的琴箏>, 佢係第一個有同感的人, 包括以前的中文老師, 都話呢個作者係黐線,果然係我最愛的美蘭老師~仲有好多性格方面o既都幾似, 尤其係直言同不畏強權, 可能咁我就咁愛佢, 偶像~我諗有時緣份真係冇得解釋, 我第一眼(interview)見到美蘭老師就好鍾意? 可能劭既外表有種好剛強o既感覺~型+幾靚, 就這第一眼就被她吸引住...冇諗過奀苳敺? 冇諗過我可以轉班, 緣份把我倆拉在同一個班房裡, 依家仲成日可以見到? 超愛文學堂呢~好佩服美蘭老師有種壓倒人o既氣勢, 但佢好嬌小玲瓏~有時見到佢咁弱不禁風的身子又會感到一陣心痛, 始終女人還是等人疼的好, 唔知美蘭老師有冇人疼呢...冇o既話, 我願意做第一個~

愛文學...愛日文...我始終離不開文字...

原來放低好容易, 令自己好忙就得喇, 日日都係測驗、補習, 好充實~我有我o既目標, 忽然覺得呢個世界咩都有可能, 好有希望咁, 唔諗對錯, 唔諗贏輸, 只要努力過就得! 我地要記住教訓, 記住歷史, 唔好俾佢地白白浪費左, 佢地有好大o既意義。人人都試過挫敗, 試過失落, 但我們總係捱得過, 就知道根本係冇野解決唔到, 亦都冇乜大不了, 跌過痛過, 幾日後又係一條好漢, 我地點解要怕, 點解要胡思亂想? 諗少左人o既憂慮又少左, 我地好多時都杞人憂天, 先會產生誤會, 明明我地係可以做到好朋友, 可是你猜我想, 從而變得陌生, 甚至對對方的態度、言語十分敏感。原來任何事只要用平常心面對, 它的結局也會變得平常, 平常得令人以為是神蹟,。把思緒拉回來, 這個世界根本未有過異樣~

十一月喇, 係時候要發奮呢~~

努力的結局=入到大學    這就是平常得不可置信的結局

尋日polly生日, bbq到四點幾, 好耐未試過咁開心, 由於損友o既關係, 成日冇做過功課, 唉...算la, 冇乜幾可~

你講得o岩, 我都會同一時間掛住好多人, 我都想知自己最愛係d咩, 或者只有hello kitty同酒井法子, 又或者係我o既好朋友, 又或者係我曾經一齊過o既人, 我o既心入面冇唯一, 又憑咩要做你心入面o既唯一...我太高估自己, 以為你會後悔, 以為你會念念不忘, 可能你一早就後悔, 可能一直我地都只係朋友, 可能...一句"u r my special one"夠喇, 再冇遺憾, 再冇唔岔氣, 唔需要再執著喇...

「既然曾經係一段美好o既回憶, 今日又點解要拋棄?」唔需要介懷仲記唔記得, 開心過就夠喇, 及時行樂都係咁o既原因姐...唔好刻意記住, 唔好刻意忘記, 人生總不會是空白一片的...

愛恨有咩分別?有多恨, 倒頭來原來有多愛...

「百歲光陰一夢蝶, 重回首往事堪嗟。今日春來, 明朝花謝, 急罰盞夜闌燈滅。」

人生就好似場夢, 我地唔應該只記住往事, 時光飛逝, 要把握現在, 活在當下, 及時行樂~