好耐冇打日記, 因為咁多日都冇特別事發生過, 最特別就係咁多日都冇乜溫過書, 原來仲有二十幾日就考mock, 點考??

今日去逗利是, 但唔多, 開心係霖霖媽媽俾左封大利是我, 好大ga喇~~ 唔開心係累霖霖打牌輸好多錢, 點解我唔識打牌?? 人地女朋友不斷幫男朋友贏錢, 我剩係識輸, 我應該學打牌定係做番個唔識賭錢o既乖女友呢? 雖然話輸錢俾佢家人駛冇所謂, 但我仲未識搵錢, 唔想用霖霖錢, 算la, 得閒打下, 等我有錢先再打, 邊打邊學, 用自己錢交學費la!!

尋日超開心, 有幸可以去到睇peter pan, 好慘呀阿瑩同1e, 最衰都係d form4, 一時一樣!! 其實呢個話劇唔太好睇, 可能peter pan o係我心目中係一齣卡通, 話劇太真實了, 沒有了那種仙境般的幻覺, o個幕間觀眾信唔信有仙子, 我好想話信, 但我知道根本冇可能, 因為我長大了, 成個故事都變得不合情理了~ 最開心梗係同我偶像- 美蘭老師坐, 一齊睇左三個鐘la!! 開頭都幾驚ga, 可能她一向都俾我一種高高在上o既感覺, 換轉其他老師, 我一定唔會驚~ 同美蘭老師都有傾下偈, 真係好開心o既experience~!~!

尋晚霖霖同屋企人打牌, 我一打俾佢就食糊, 我好似好旺佢tim, 如果係佢實愛死我, 哈哈~ 不過最後我冇再打俾佢, 佢最後都係輸$ >.< 今日要買六合彩!! 不過我從來未中過, 成張最多一個字, 仲應唔應該捐$俾馬會呢??

尋日大概都係幾開心o既一日, maths 65分, 雖然同七十幾分o既人比仲差十幾分, 但我冇乜溫書,(因為o個日眼訓, 同埋第二日要測文學) 我仲有進步o既空間ga~~

超開心, 美蘭老師請哂成班一人一罐曲奇, 仲寫埋"摘A在望", 想唔努力都唔得la~

acc識d la, 冇溫過, 睇左少少點知o個d全部冇出, 考天才呢!

整體上番學都開心左, 可能知就o黎冇學番la, 珍惜眼前, 我冇乜機會再有書讀呢... 就算有, 都唔係咁樣o既校園生活喇...

嘉妍太攪笑了, 係咁話自己d字靚d, sorry ar, 你o個d唔係我鍾意o既字體~

掂到喇掂到喇, 阿田請我食棉花糖, 佢咬住俾我食, 掂到佢個咀, 好sweet呢!!

放學同邪仔佢地練oral, 我以前未試過自己約埋練, 幾好玩, 原來會唔夠時間ga, 要做個好leader~!

日日都好眼訓, 好野聽日星期五, 番埋星期一就放假, 放假係好定唔好呢?? 要溫書>.<

今日真係好眼訓, 文學冇溫書, 真係一題都唔識, 算la, 等下次la... 四堂acc, 傾左兩堂, 同阿po講左d好少人知o既家事, 多謝你聽我講野~

晏晝真係太累冇番學, 同埋呢兩日都肚痛呢, 想屙想嘔, 好唔知想點lor!! 訓左陣都仲好累, 但要補習呢... 兩個鐘好難捱, 日文就易好多。今日都幾黑仔, 自己太呆滯了, 買野飲諗住俾錢, 點知俾哂成個銀包人, 人地以為我俾八達通, 算la咁; 搭lift又按G樓; 特登由油麻地去旺角間恆生, 點知部機唔見左!! 去番油麻地間匯豐, 仍然係好多人呢, 個肚超痛, 一個人拎住好重o既書, 好慘呀!!!

(番工真係幾悶ga, 日日都係重覆同一種生活咁, 我都想令妳有新鮮o既生活, 等我)

今寝ないとあしたは元気ではない