朝早6點鍾起身換衫刷牙就出街去左坐8P巴士返工~係車訓著左灣仔油站落車去到返公司換衫做野~有比訊息老婆仔~到左7點50分左右打比老婆仔傾電話一陣間~
佢晏左起身呀~所以今日佢坐小巴返學校~~10點28分老婆仔打黎9傾左幾句收左線佢要上堂啦~跟住我就食野,做野到2點鍾就收工換衫啦~坐8P巴士返柴灣~
返到屋企休息陣玩陣電腦~3點幾老婆仔比訊息黎同埋打比我話睇下今晚補唔補課~唔補就4點05分放學架啦~跟住到左3點50分老婆仔先比訊息我話唔補課~
所以我先即刻衝去沖涼換衫~老婆仔去到5B巴士站果時我打比佢話叫佢坐地鐵去太古等~今晚同家姐慶祝生日啦~本來我怕太夜所以唔想佢去~食完起碼都9點幾架嘛~
跟住我攪惦硒出門口打比老婆仔傾電話傾到去地鐵站~一路到太古地鐵站我落車先~因為地鐵嘈~所以我話差唔多到再打比大家~跟住我落左車老婆仔打黎~佢都就到~
我問佢係車頭定車尾~佢話車中間= =跟住地鐵到~咁岩個位就係我企個位見到老婆仔囉對住咁面對面...勁有緣...哈哈~!天意天意@@跟住我地行左去冒險樂園玩~
換左100蚊玩丫~玩左好多野~最後仲去左掉彩虹有中左綠色獎換左一盒野添老婆仔好鍾意既~跟住諗諗下未買野比家姐~所以睇下冒險樂園有咩野換~
睇左好耐丫~最後見到有個>cool順<~換左兩個~老婆仔都勁想要囉...!不過要送比家姐架嘛~時間尚早~我地行左去吉之島睇野~四圍行左陣去左3樓有個位坐~
同老婆仔坐左係度同埋老婆仔一齊整冒險樂園換左果盒野既貼紙同佢一齊貼~到7點15分~去埋廁所丫咁樣就去左坐丁丁到北角落車~慢慢行過去到8點啦差唔多~
打比媽佢地都到左啦~上到去表妹婷~細表姐~表姐~表姐男友~爸~媽~姐夫~家姐~阿寶~妹妹都黎硒~送禮物比家姐~本來想留返一份比老婆仔既~最後都送硒比家姐~
跟住到阿哥黎埋叫野食~老婆仔叫左個耙海鮮丫...我就叫左個西冷牛扒三份田螺食~不過比左一份家姐佢地食丫...我飲紅湯老婆飲白湯~佢飲奶茶我飲芒果橙蜜~
食飽飽9點幾表姐佢地買左什果蛋糕~拿埋黎切食~9點幾鍾食飽硒~走人落到樓下我同老婆仔走先~因為要送老婆仔返去~行左去砲台山地鐵站門口個2A巴士站等車~
咁岩記得無散銀~所以入左萬寧買野盒糖食~上到車送到老婆仔返灣仔樓下~勁唔捨得走丫~10點鍾到自己坐8P巴士返柴灣~到屋企就玩陣電腦~寫下日記~
10點幾同媽一齊睇電視~做史泰龍喎@@正丫...11點幾老婆仔打黎同我傾左一陣~我叫佢快d溫埋書打比我~我睇完電視打比佢~12點幾傾左一陣間電話啦~
我都見累上左床準備訓覺~跟住就收線比訊息老婆仔訓覺! 半年既日子咁就到左啦~真係好快同埋好開心呀!