| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| BB 狗 |
|
由於BB狗插件的供應商已終止此項服務，由即日起此插件將停止運作，請用戶將其從日誌版面中移除。
不便之處，敬請原諒。 | |
|
2007 年 2 月 12 日 星期一  |
| 07年2月12日 星期一 super公司教新仔做野 同老婆仔一齊返工 去左食許留山 去左我屋企 |
朝早6點15分起身打比老婆仔叫佢起身~我攪惦硒就出門口去左sleven買左盒蜜瓜味香口膠~順便自己換多d散銀需要時坐車用~跟住去左坐788巴士到灣仔落車~
打比老婆仔佢話差唔多落樓~我行到佢樓下等左10分鍾到啦...6點55分佢先落樓丫~一齊行返公司~換硒做野~到11點幾我地先放食飯~同老婆仔一齊食~
今日教左個新人做野叫阿恆~食完野飽硒就繼續做野~一路差唔多做到5點收工啦~同老婆仔換返硒硒走人~我地首先行左陣街去左3度~睇下d電話咁~
老婆仔想出返個電話嘛~跟住我地行左去優之良品~無買野~去左格離間狗狗店睇狗仔~再行左去英皇上面個商場同埋地庫吉之島睇野~跟住我地再行左去灣仔許留山~
叫左個咖哩雜錦~多芒西米露~鴛鴦果盤~食到一半老婆仔打返屋企話今晚唔返去食飯~佢媽咪比佢10點前返屋企丫今晚~正!跟住我地行返經super望一望d同事~
就去左巴士站等車咁岩走左架788丫~過一陣780黎到~雖然係慢d不過我地都上左去坐丫~係車度老婆仔教我摺心心~不過都係麻麻地識咋!本身我摺野唔太叻既!
跟住差唔多摺到落車= =我地就返左屋企啦~去左換衫��7點到我地一齊訓著左丫~8點25分到起身~去左沖涼~跟住一齊整野食~
我地係惠康買左兩包蘿絲粉丫~仲有買左幾包四洲蝦餅紫菜~係放工行街果時買既~我地而家就一齊煮黎食~呢個蘿絲粉之前都食過一次~見好食先再買~
跟住同老婆仔食野~表姐同佢男友都另外自己買左野食~媽返黎睇電視~我同老婆仔本來坐左係雪櫃果邊食~因為個廳唔夠位~最後我搬左張桌入去邊睇邊食~
因為做十兄弟丫~好似幾好睇咁!到9點半到都食完啦同老婆仔去左換衫走人~去左巴士站送老婆仔上車~打比佢傾到我返到屋企樓下收線上到樓打返比佢傾~
講到佢返到屋企樓下先收線架~跟住9點幾到玩陣電腦~10點幾我就打日記~11點幾打比老婆仔傾電話到夜晚就收線訓覺啦!
|
|
