今日放假~約硒通同賢,歐佩詩~詩男友~老婆仔同埋我一齊去環球嘉年華玩~老婆仔叫左我幫佢拿眼鏡所以我都好早起身~8點15分老婆仔打黎同佢傾電話~因為佢學校今日有d戶外活動既~
係西環果邊攪~同佢傾電話傾到佢到~收線~我訓到9點15分起身~鬧鍾係9點響左架啦~不過我遲左幾個字醒姐~打比通叫佢起身~跟住我就去左沖涼換衫~
通話我打比佢果時佢剃緊胡so喎....仲話因為聽電話整到流硒血~又真係流硒血= =跟住攪到成10點40分先去到我樓下等~行左去坐8P巴士~行左去電器店買兩排電先~
因為相機無電啦~上8P巴士到銅鑼灣sogo落車~係車老婆仔打左黎同埋賢都打左黎~賢話要返屋企換左衫先黎~約左係嘉年華門口等~我就同老婆仔晏左出門口所以未拿眼鏡而家先去~
最後就決定左老婆仔同詩去學校拿眼鏡~我同通就上左接佢地~11點幾~係老婆仔學校附近間sleven度會合~佢男友都黎左係sleven食左野~跟住同老婆仔去左對面間m記~
詩同埋老婆仔去左換衫~我地坐左係度等~跟住佢地話買埋m記去食喎~我就買左個4號餐食~老婆仔都係4號餐~通叫左個6號餐~詩都好似係叫左4號餐~
我飲芬達老婆仔都係~全部外賣拿走~同通去左匯豐禁錢先~跟住我地再行天橋度食包~好快咁去到巴士站上車~勁多人...迫爆!老婆仔話我丫...叫我唔好帶短褲同埋絲襪比佢又帶左~
加上有埋d頸巾佢個袋好迫好重同埋好多野丫._."所以老婆仔係巴士一路都麻麻地開心架咋!跟住落車行一路由天橋食埋薯條~係嘉年華門口見到賢~
一齊去左買飛入場~見到勁多機動遊戲...正...一開始我地就玩左個激流滾木(同老婆仔兩個人坐一架船),之後就玩左係格離既海盜船既物體...但就唔係海盜船~
(通,賢,我,老婆仔四個玩)跟住就行左去前小小玩左一個好似滑梯滑雪既個個都有玩~不過要行上去好高咁玩~正既~!之後我地就玩左個極速大風車~(我同老婆仔,賢三個玩)
勁正丫呢隻!!再玩埋格離既老鼠也瘋狂(我同老婆仔仲有通,賢一架)再到行去玩下睇下d攤位遊戲咁~好快咁中左一隻公仔比老婆仔啦~呵呵!玩左八爪魚(老婆仔,我,賢)
跟住我地再玩跳樓機(老婆仔,我同埋賢三個玩)再玩多次跳樓機~玩完再去玩飛天椅~個個都有玩既~跟住再玩左靈異火車,排左半個鍾丫呢個~因為開始多人啦~~見到有隻過山車既倒吊版壞左~修理緊~
影左好多相丫我地~仲見到陳嘉欣同埋佢兩個同學添~勁開心呀!我地再行左去排隊玩個急流漂進~又係d水野...排左好耐~又玩到成身水咁= =哈哈~之後我地就排左個玩過山車既倒吊版= =修理完啦!
排隊玩返~超正~(我同老婆仔~詩~詩男友一架)跟住我地再去左玩摩天輪~成班一齊~正丫~好風景唷~到行左去玩電動碰碰車~老婆仔坐係我格離丫~
我地有四圍玩下d攤位遊戲既~跟住老婆仔d同學都差唔多三個走硒啦~我同老婆仔,賢去左再玩多一次個極速大風車~因為天都黑啦~d野四圍都好令~包括呢一隻大風車玩果時~勁正~
再同老婆仔佢地行左去玩多一次隻激流滾木(通,賢,老婆仔同我四個一齊)又變左水人= =哈~,八瓜魚格離有隻game,轉左上又轉右上咁既~我地玩得勁開心丫果隻!
之後我地玩多次八瓜魚(我同老婆仔,賢)就走啦~因為都成7點幾同埋阿通都等到好悶啦~去左出門門口有架雪糕車~通請食雪糕~老婆仔要左個橙冰~我叫左個雪糕~
一齊去搵野食~行左去坐巴士站上車~同老婆仔坐車尾最尾~影相相~通今日都影左好多相!坐到銅鑼灣落車~決定左去食吉野家~跟住我就去左廁所~佢地搵位~好快搵到了~
老婆仔叫左個砲飯食~我就叫左個大既牛肉飯37蚊既~之後大家食飽硒~詩男友本來話想去世貿不過我地又唔係好想硒錢打機~最後決定左去d coffee店飲野~
上左之後第一次去果間玫瑰飲野~今次第二次上去啦~上到去無乜人~詩男友就頭痛成日訓訓下~老婆仔就睇雜誌~我同通賢詩四個玩牌~老婆仔叫左杯芒果綠茶飲添~
唔錯既~一路玩到11點詩同佢男友走左先~跟住我地坐多10分鍾~賢撞爛左兩隻杯~哈哈~灰到爆啦佢~諗住要賠錢不過走果時都唔使賠~一齊行到鵝頸橋賢坐小巴走~
我同老婆仔,通三個送到老婆仔返到屋企樓下就走啦~好唔捨得老婆仔丫...好想快d一齊住丫!之後同通去左坐8P巴士返柴灣~落車後行左陣經過漁灣後段小眅檔有開~
買左d魚旦同埋>游魚<食左幾串啦~好味丫~之後就返屋企啦~上到屋企打比老婆仔傾陣電話就去訓覺啦~已經好累了~聽日仲要返工丫!!
今日真係好開心好開心...!好想快d同老婆仔再去旅行玩...~去邊度都去~都真係覺得好開心~好好玩!