真冇想到七一前夕的今天我竟被炒了。事緣係我兩星期前開的”一張單”：

那天有個客入來話只買１１件牆磚花，而嗰１１件花都不便宜的，共＄７４８。平時我們賣隻鋁摺門都係＄８２０，老闆都不知幾樂意做；再加上我認出此客之前係幫襯我們買磚的！！！只係問個客拎張”前單”來看，他没有。這時侯我覺得無謂太過執着於有冇”前單”這問題；因為反正我認得他；而且張單又唔係嗰d”幾十蚊既細單”，於是我照做照開單。整個過程大老闆娘全程在我身邊，她好生氣地問個客拎張”前單”來看，我就同她講唔洗啦，叫佢找返＄５２比個客就得啦。（她再次問個客，我又再一次咁答佢；然後我同她一齊查單簿；但都查不到。）

於是個客走後，她生氣地大大聲同我講話個客只買”幾件磚幾十蚊嘢”她唔賣比個客！我同佢解釋張單唔係”幾件磚幾十蚊”的細單，都成”七百幾蚊”；而且我認得個客之前係幫襯我們的；於是她大聲地同我講她話唔賣就唔賣∼！之後，我也着火了，但我都忍下低聲地回她一句我開單都無啦啦比佢鬧；她也回我一句話我做錯嘢就要比佢鬧！！我生氣但平靜地講我開張單都錯？！咁又係既∼打工實要受氣既！！！她又大聲地回我一句話我覺得受氣既可以唔做！！這刻我更生氣，我反問她係咪講真；如果係的話她可以炒了我！她接着說她冇資格炒我；我又回她一句話她點會冇資格，她是大老闆娘。（第二天早上，大老闆一見到我就面紅紅地同我講叫我即刻打返比個客話冇貨冇得賣喎。哈∼當然係暗示叫我呃個客啦∼！！）

呢件事發生至今巳有兩個星期了，而這段期間我和她相處得很平靜。呢段期間，我同她有傾有講，她仲請我食西餅、水果等……今日我工作狀態出奇好，我今日差唔多開了成兩萬蚊單！（可能係我明天放假，而今晚去調景嶺同班朋友打羽毛球的關係啦！）傍晚６：００時，佢仲請我食榴槤添；真係估佢唔到７：１０時出埋糧、補埋７日錢、發埋奬金叫我早d放工。（估唔到啲老女人可以做到表冇嘢；實際上好記仇的∼！！！！！！）