今日12:00醒後,我就一直上網揾工；上網睇了好耐d工唔係唔啱做就係時間太長~!!!於是未試吓ＳＥＮＴ　ＲＥＳＵＭＥ，傳了幾份工，終於有一份打比我手提叫我明天見工；而嗰份仲要好似幾好咁，唔知自己有冇本事見得成呢？！呢份工話要有基本電腦技術，唔知我應唔應付到呢？

宏進公司＂個人服務主任＂　＄９０００－＄１２０００、一至五１０：００至６：００、有銀行假、佣金、表現佣金、年終獎金、在識培訓、晋升機會；解答客户疑難、提供及推廣公司服務。

今日６：１５ｐｍ出了尖沙咀樓上ＣＡＦＥ聽阿ＫＩＭ的生意大計，也認識了他的拍檔ＬＳＡ。

今日九點幾我同吳媽媽、希敏、阿嫂(陳烈珍)和吳俊賢BB一齊去了＂深圳灣口岸的大飽口福＂食自助餐。我們食完後，喺附近的商場行了一段時間；然後我們乘車去了東門的商場和街道行至夜晚，之後我們就搭車返香港了。（喺坐車途中，我同她們傾了好多計呢＠）

昨日見嗰份工好似得又好似唔得，話要等老闆過目後，希望我下星期一可以返工喎∼！算啦，唔再想咁多，都係繼續努力再揾啦。

希望在明天吧∼！！！！！

今日見完九龍灣的工後,我約了阿柴去紅磡聚一聚,我們食完百方雲集後，去了海浼酒店的海邊、大環山的和黃公園；之後我們買了熱喳喳在家維邨坐喺公園食，我們傾了一陣計＆吃完後，我們行返去紅磡西鐵站搭車回家了。

阿柴今日同我講佢最近有位三十幾歲的朋友，有些事一時想唔通又唔同人傾，結果自殺了；一個年輕生命就這樣消失了，十分可惜呢。

今日約了阿錡&小阮去睇太空館3:50pm的全天域電影:"巨鳥夢飛翔"，它是講述飛機的發展、制造所用材料的轉變和進步。接着，我們去了尖東的ＤＮＡ商場行了一段時間，然後我們去了食素車仔麵作晚餐；之後我陪他們一齊搭車去荃灣返學，而我就逛了一陣荃新天地後，我就搭車返屯門了。

回到家沖完涼後，我就上了勞工處的網站揾工，睇吓呢幾日有冇其他更好的選擇。我發覺如果我識＂ｏｆｆｉｃｅ＂，英文和普通話都好ｄ的話；我就可以做到份放六、日和銀行假期的工作了∼唉！真係書到用時，方恨少呀！！！！！

現在都成１：３５ａｍ啦，我要睡了，準備明天下午５：００去九龍灣見工了。

（明天不能與吳媽媽他們一起食自助餐了，惟有希望明天見得成份工；後天再同他們食啦。）