這個是2010~2011年Kill標既第八次。對上一次行山差唔多一個半月前，太耐冇行過所以今次行番d輕鬆少少同短小小既。今日，我

又再一次好光榮地中伏，兇手仍然係極度唔準確既香港天文台。今日臨出門口前，去睇左一次天氣報告，話今日天陰，氣溫大約

17~18度，而最緊要既係，黃色火災訊號係生效緊既，其實，黃色火災訊號係我既理解入面，係指天氣乾燥，好易有山火既意思。

我就係見到呢個天氣報告，認為可以照行，就照去左。點知，係荃錦坳落車果陣，feel到d溫度已經低過expect好多，打去天文台再問

過，得番14度，真係俾佢fake度，好彩帶夠衫咋。之後就照行，點知去到一半，大約離車路分叉口500m左右，開始落大雨，果下真係

好想講粗口。會落兩仲掛乜鬼黃色火災訊號呀，黃色「水」災訊號就差唔多。不過，我係一個準備充足既人，拎出雨具就繼續行，其

實，今日行既石龍拱發射站一帶真係比較跣既，落雨會難行好多。但係最後都成功行到。當落番去元荃古道既時候，感覺特別唔同，

因為我成功行到一個係落雨時較難行既路段，同埋呢一次拎到既經驗，真係既特別同有趣。By the way，落到去元荃古道個亭時，見

到有一班人坐左係度，之後走既時候，一直落到去港安醫院，都見到好多人上緊山，一問之下，大部分都係元荃古道落深井or錦田，

仲有就係，佢地好多班人都有一個共通點，就係冇帶地圖指南針，只係帶左一張報紙，就行左上黎。我覺得有d冒險。大佬呀，雖然

我知道上星期某報紙介紹過元荃古道，影到好鬼靚，好鬼吸引，你都唔駛乜都唔準備就衝上山架，好易出事架麻。尤其係，居然有唔

少過1 team人問我，呢度係咪元荃古道?元荃古道去邊架?要行幾耐架?我有500ml水夠唔夠呀?點行架?真係聽到都驚驚地，希望佢地

安全啦！同埋，某政府部門係咪應該考慮加強推廣山野安全呢??

路線簡介：

由荃錦公路扶輪公園出發，經大欖林道荃錦段前進(麥徑第九段)，在過了M160標距柱後，轉左走上往蓮花山的車路，經過白石橋的

發射站時，轉上小山坡上Kill標，之後續走車路到蓮花山坳，轉入泥路進入往上花山村的路，在荒廢了的馬草壟蓮花山公立學校旁轉

上往石龍拱發射站的山路，登上石龍拱平原的最高點發射站Kill標後，接小路下降元荃古道，之後沿元荃古道經下花山村及半山村出

港安醫院完結。

名稱簡介：

元荃花山石龍拱

元荃=元荃古道
花山=上花山、下花山、蓮花山
石龍拱=石龍拱

Kill標數目：

三角網測站：2個

導線控制點：0個

總數：2個

三角網測站#407：大欖牛寮白石橋對上車路山坡上蓮花山發射站側
入手方式：荃錦公路-->麥徑第九段-->往蓮花山叉口(M160後)-->蓮花山發射站-->三角網測站#407
時間：60分鐘
類形：Beacon A
高度：579.7m

三角網測站#404：荃灣元荃古道馬草壟平原石龍拱發射站側
入手方式：荃灣港安醫院-->半山村-->下花山村-->元荃古道入口-->石龍拱平原-->石龍拱發射站-->三角網測站#404
時間：60分鐘
類形：Beacon A
高度：475.5m