這個是2010~2011年Kill標既第十一次。呢排真係Kill標同行山去得好密，當係補番今年頭半年行得唔多啦。依家都差唔多五月，天氣

終於開始熱番d啦，咁就計劃行番d易行同短既路線。呢條路線，都已經Plan左好耐，亦都想行左好耐，可惜一直因為天氣唔太熱而選

擇行d長路線而冇得到呢條，終於今次有機會就去行下啦。今次主要行既係元朗丫髻山，我第一次聽過呢座山個名，已經講緊7年前有

一場野外定向賽係呢度攪，可惜果次唔得閒冇報到名玩。而之後搭西鐵經常性見到呢座山，所以好想上去睇下。直到2年前開始Kill標

之後，又聽日講過係呢座山頂既標，對住正西方，睇日落一流，再加埋大生圍、南生圍同米埔一帶既濕地，令到呢座山既景觀一流。

可惜既係，上呢座山既路途中會經過好多原居民既山墳。不過問題唔係在於山墳，係在於去山墳既果d人，依家岩岩過左清明節拜山

既旺季，所以呢一帶好多人去拜山，問題係，佢地好多人都唔理三七二十一，亦唔理政府多年既廣告勸喻，依然用火去清除雜草，呢

d動作好易會引起山火架麻，真係好危險架。我今次上到去半山，準備登上丫髻山頂時，見到一大片草地，全部俾山火燒成黑色，仲要

有d地方仲有白煙，好似想死灰復燃咁，真係幾危險。我覺得，咁靚既髻山就咁變成黑色既山，真係非常可惜，而且，仲好可能會引起

山火。其實，到最後係咪一定要用火去清雜草呢??我覺得呢d人只顧自己方便(清得快)，就唔理其他野，係非常自私的，我相信因果報

應，總有一天，自私既行為會為自己帶黎同樣既後果。

路線簡介：

由朗屏港鐵站開始，穿過朗屏村及楊屋新村，橫過朗屏村巴士總站。在楊市車場旁的小路登上橫屋村的墳區，穿過墳區下降到橫屋村

再轉上丫髻山，之後上頂Kill標。Kill標之後向北走下髻山到盛屋村，之後在盛屋村沿車路經元朗工業村出朗屏港鐵站完結。

名稱簡介：

元朗丫髻賞濕地

元朗=元朗
丫髻=丫髻山
濕地=米埔濕地、塱原濕地、香港濕地公園

Kill標數目：

三角網測站：1個

導線控制點：2個

總數：3個

導線控制點#7030.09：元朗朗屏橫洲橫屋村墳區小山丘頂
入手方式：朗屏村巴士總站-->楊氏車場-->橫屋村墳區-->小徑-->導線控制點#7030.09
時間：10分鐘
類形：Beacon B
高度：45.5m

導線控制點#7030.06：元朗朗屏橫洲永寧村對上小山丘頂
入手方式：水邊圍-->庸園路-->永寧村路-->小徑-->導線控制點#7030.06
時間：25分鐘
類形：Beacon A
高度：68.2m

三角網測站#306：元朗朗屏橫洲丫髻山頂
入手方式：朗屏村巴士總站-->楊氏車場-->橫屋村墳區-->橫屋村-->盛屋村墳區-->三角網測站#306
時間：30分鐘
類形：Beacon A
高度：122.3m

詳細路線介紹