這個是2010~2011年Kill標既第十次。今次Kill既又係市區既標，係位於石硤尾配水庫旁既大埔道半山休憩處既三角網測站。要注意既

係，唔係畢架山花園對面果個石硤尾配水庫遊樂場，而係大埔道北九龍裁判處後面既小山丘上面既石硤尾食水配水庫。明明三角網測站

係山頂，點解呢個公園會叫做大埔道半山休憩處呢??我覺得主要原因係，對大埔道黎講，呢度真係唔係好算山頂，大埔道再上d，去到龍

翔道交界，都仲高過呢度啦....所以先叫呢度做大埔道半山休憩處。係呢度望出去，最先望到既就係北九龍裁判處同埋嘉頓大廈，所以又有d

行友叫呢坐山做「嘉頓山」。上呢支標(坐山)有2條路，第一條路就係沿大埔道去上行，岩岩過左北九龍裁判處之後，會有一條靚樓梯，沿樓

梯直上，就會上到去大埔道半山休憩處，之後再上多1 set樓梯，就會到車路，沿車路行少少，會見到另一條上黎既路，係呢條路同車路交界

既位置，就會見到呢支三角網測站。而呢條路(另一條上山路)就比較難搵d，首先要係白田街口，轉上巴域街，留意右手邊，上少少之後會見到

石硤尾村41座既地盤入口，係入口旁，有一張指示寫住行人通道，就係呢條路，呢條路佢一開始會係一大段有蓋既行人路繞過41座地盤，之後

就會接雖上山路，其實，係未有呢個地盤之前，呢條路既出口就係白田街，因為呢個地盤既關係，呢條路先會難搵左咁多。Anyway，係三角網

測站望出去既景觀認真不錯，值得用10分鐘左右上黎欣賞一下，而家好少市區既小山丘可以睇到咁靚既景架啦!!!

路線簡介：

由大埔道北九龍裁判處後的樓梯上山，進入大埔道半山休憩處，經石硤尾食水配水庫旁車路Kill標，再沿另一條路經石硤尾村41座地盤出巴域街完結。

Kill標數目：

三角網測站：1個

導線控制點：0個

總數：1個

三角網測站#138：深水埗大埔道半山休憩處石硤尾食水配水庫車路旁
入手方式1：大埔道-->北九龍裁判處-->樓梯-->大埔道半山休憩處-->石硤尾食水配水庫車路-->三角網測站#138
入手方式2：白田街-->巴域街-->石硤尾村41座既地盤-->上山小徑-->三角網測站#138
時間：10分鐘
類形：Beacon A
高度：90.57m