這個是2010~2011年Kill標既第六次。今次行既係又係西貢區，不過同上次有d唔到，上次既係西貢西部，今次行既係西貢東部。今

次既主菜係香港三尖同埋西貢三尖都排第一既蚺蛇尖同埋一個靚過一個既西貢四灘。講開蚺蛇尖，印象入面只係行過一次，果次仲要

係初初學行山，冇乜經驗之下就跟人去行，諗番起都真係有d危險。蚺蛇尖係全香港最尖既山峰，不過，呢一樣野真係角度既問題，其

實佢唔係四面都係咁既，如果你由西面同北面望佢，會發覺佢真係好尖好直，望佢最尖既方向應該係由狐狸叫高原或者蚺蛇灣望上去

先會感受到佢既恐佈一面，順帶一提，我知道有唔少玩Abseiling(沿繩下降)既人or訓練會揀蚺蛇北脊(即係最直果面)。當你成功挑戰左

佢之後，就會入到去西貢最東北面既地方，包括長短咀以及米粉頂東灣山一帶，係呢一帶望蚺蛇尖，你完全唔會覺得佢係尖既，你會

覺得佢好平，同一般山頂冇乜大分別，主要原因係，蚺蛇尖係呢一帶山脈既最西面一座，佢既西面冇其他山峰，所以高度會急降而形

成尖既感覺，但係佢另一面連住左最少兩坐同佢差唔多高既山峰，包括米粉頂同東灣山，所以呢邊睇係比較平既。又因為只有呢邊望

過去先係平既，而入去呢邊既人都相對地少好多，所以，蚺蛇尖係好多人眼中，就係尖不可上既感覺。

今次，總算睇清楚西灣個工地既情況，老實講，我見到既第一刻，真係想講粗口，我3年前上雙鹿石澗，果陣仲係好靚既，但係今次

去到，第一眼就見到好多污水同垃圾，真係破壞哂呢度既天然環境。今次行左四灘之後，發現一個差過一個，最靚都係大灣同東

灣，我覺得主要原因係難入去，所以入得去既都係愛護環境既行山人士。所以有人話過，想保育一個地方，最好既方法唔係去set一d

乜鬼公園(example：地質公園)又或者起多d交通公具去俾人易d入去，而係乜都唔好做，因為要享受一樣野，必先有付出，希望西貢四

灘可以保留佢地最靚既一面啦。

順帶一提，今次由大灣過鹹田灣果陣，我地又一條捷徑直接出士多後面，個士多老板一見我地咁樣落黎，就講左句「乜今日得你地上

蚺蛇尖咋??」，睇黎，由蚺蛇尖落黎既人，都鐘意咁樣落士多呢......可能，呢條捷徑就係我地呢班上完蚺蛇尖落黎既人發明出黎既......

賣下廣告，鹹田灣海風士多既菠蘿雞粒炒飯好好食，都只係$45咋，GOOD!!!!!!

 路線簡介：

由西貢北潭坳出發，經麥徑直落赤徑村，續走麥徑登大浪坳，再這離開麥徑，轉上蚺蛇坳，匯合狐狸叫高原過來的路後，急登蚺蛇尖

頂，Kill標後落米粉頂。經東灣山坳轉落東灣，再沿山腰到大灣海灘，穿過長長的大灣海灘後穿過望魚角落鹹田灣大休。大休後接回麥

徑過西灣，續走麥徑上吹筒坳出西灣亭完結。

名稱簡介：

東南西北遊四灘

東=東灣山
南=蚺蛇尖、蚺蛇坳
西=西貢西灣
北=北潭坳
四灘=西貢東灣，西貢大灣，西貢鹹田灣，西貢西灣

Kill標數目：

三角網測站：1個

導線控制點：0個

總數：1個

三角網測站#63：西貢蚺蛇尖山頂
入手方法：北潭坳巴士站-->赤徑-->大浪坳-->蚺蛇坳-->三角網測站#63
時間：150分鐘
類形：Beacon A
高度：469.2m

詳細路線介紹