重遇你?真的是你?難道真的是你?

今日我在facebook見到有個好像梁穎b的女仔想加我做好友!我猶疑了一會,心想:加不加你做好友呢?

此時我想起張信哲那首<<從開始到現在>>開頭的旁白,節錄了的旁白是這樣的:[假如有一天,你遇到了跟她長得一模一樣的人,她真的就是她嗎?還有可能嗎?這是命運的寬容,還是另一次不懷好意的玩笑!]

我多麼想那個就是你!難然你沒有選擇我,但至少,我們可做個朋友吧!!!

做作家冇前途,冇出息,收入好少呀!大把人讀得書多過你,大把人想做作家,大把人想揸筆搵食!你寫的文,有邊個要呀!你又唔出名,邊個睇你的文呀!又不切實際,不腳踏實地!唔得實在!以上的說話是我老豆早幾日同我講的.

有夢想有罪嗎?周星馳都有講啦:人如果冇夢想,同條鹹魚有咩分別呀!

唉!話雖如此,比我老豆話兩話,又搞到我冇咩心機寫落去,就連我對自己的文都冇信心!呢條路註定漫長而艱難,都唔知幾時先可以踏上成功之路!唉!希望......

今日....唉!琴日煎班戟只係爛左一塊,諗住自己好掂啦,今日又叫我煎,我滿懷信心去煎,點知......點知今日煎左兩塊兩塊都爛!真係好鬼冇用!可能今次個師傅叫我落少左,令塊班戟薄左,所以難翻轉,又或者我隻手重未痛完,可能係因為咁掛!(唔好自我安慰啦!)

今日又辣到手啦!左右手都辣到,辣到既位置重好對稱添!一隻紅左,一隻起水泡!批芒果皮又批到手!返左四日工,有四隻手指爆左甲!超痛!返左幾日工就搞到自己遍手鱗傷!唉!我真係冇用!

果度D師傅又惡又串,又成日講粗口!我返左幾日工就已經差唔多比佢問候曬全家!係果度返工真係好大壓力!成日驚比佢地鬧!佢地鬧我我都冇出聲!真係忍無可忍!我真係唔想再頂落去!於是我就決定......

我真係覺得自己又蠢又冇用!學野,手腳又慢,重要係個師傅捉住我隻手來整都唔識!真係唔死都冇用!

今日終於感受到我老豆以前拉腸粉的痛苦啦!十隻手指有六隻辣到紅曬!有一隻重起水泡!今日整班戟,要用手將熱辣辣,熱到出煙的班戟翻轉.過程一定要快,如果唔係就會辣到手重要唔可以整爛!頭幾片都算整得唔錯,但到中間就開始唔得啦,重整穿左一片,又有d煎黑左,好彩個師傅唔鬧我.托上天的鴻福,到尾段就好好多啦,有黑冇爛.但不過真係好辛苦!條腰好痛!真係唔係講笑!而且又企左成日!對腳累到死咁!真係......嘩......

好疲!好累!我條腰呎呎痛呀!今日第一日返工,幸好冇遲到,重早左半個鐘到我返工個間麵包店!今日放工後,我發覺其實我係一個好蠢的人!個d師傅教左我好多次點做點做,重捉住我隻手黎教我做,但我都係唔識做!佢地又話我手腳慢,係咁叫我快d快d!唉!唔係我唔想快,係我快唔到!我今日先第一日返工!點快呀!最大鑊就係打瀉左d油!又要做多d工夫,好彩冇比人罵!

嘩!做左成日野,個人散曬!聽日老闆會返黎,都唔知點算!希望聽日唔好打瀉野啦!