唉!真係好煩呀!我d屋企人真係好煩好難頂!好難同佢地相處呀!
早幾日我呀麻病左,我老豆又好話我係屋企冇咩野做又唔出去呀麻度照顧呀麻又話我d啊叔朝早返曬工冇人睇住佢唔得,好啦!到我出到呀麻度,我呀麻又好話我唔留係我老豆度煮飯比我老豆食!
唉!你地話我應該點做呀?
唔好睇我d屋企人平時個樣好似好友善,其實個個都好惡好難相處!一係就唔發惡,一發惡就唔係人咁品!
係我老豆度又要對住我老豆成日都要我煮飯同點人做野,我呀姨都話佢好似個遙控咁,一個電話就要幫佢做野,我試過拒絕佢,就即刻比佢喝比佢鬧,而且佢成日挑剔我d野!咁又話唔得!咁又話唔啱!我洗完d碗筷,佢差唔多要好似要用顯微鏡睇過望過!一有少少洗得唔乾淨就乘機鬧我!
係我呀麻度又要對住我呀麻同我四叔,我四叔就冇咩野唔聲唔聲咁,只要平時小心d就冇事,但佢只要一發惡咁就大鑊啦!威力足以同我姑姐一較高下,不相伯仲!!!俗語有句說話攞來形容就最貼切(唔聲唔聲嚇你一驚)
到最麻煩最難頂個個啦!佢就係我呀麻!雖然話家有一老如有一寶!但係我真係頂唔順佢個d差到極點的語氣同態度!真係好乞人僧!有時叫親佢,佢就咩事呀!又點呀!張大喉嚨咁叫!有一次佢係接近我耳邊度叫,搞到我左耳聽野比右耳弱!又成日鬧人,大聲夾冇準!鬧錯人又唔道歉!佢同我老豆有個共通點,就都係鐘意點人做野!又唔講唔該!成日喃喃尋尋!
唉!今次講住咁多先!要講有排講!總之我D屋企人就好難相處啦!
有時真係好想快D死!唔洗對住D咁既人!一係我死,一係佢地死!不過都係我死好d,我咁冇用!留係世上都冇咩作為!
我真係想好似打機咁,死左可以番生,重新來過,冇病冇痛,健健康康咁就好啦!不過可惜現實就唔可能啦......唉~~ |
