復活節期間回鄉探親, 玩到身心都疲累, , 好在假期過後約好上去體驗NATURE'S Slim Beauty意大利天然亮白及身體護理~

選擇位於銅鑼灣分店進行是次療程, 一出升降機就已經見到!

店內面積唔算很大, 但環境幾舒服! 由Mandy先接待我, 奉上熱茶既同時, 填了份登記表格! 再向我講解今日所做既面部及身體護理程序!

店內附設安康健康瘦身產品

講解完畢, 就帶領我入房準備開始療程啦! 先換好衫後, 負責既美容師Gi Gi就入房啦! 

親切有禮既Gi Gi講解今次體驗既係"淋巴排毒滋潤淨肌護理", 所用既全部都係NATURE'S產品, 可以一次過體驗大部份產品...SO GOOD!

由於我想享受面部護理, 所以過程無影相, 就用文字交待啦!

程序 :

1) 卸妝

2) 潔面

3) Peeling

4)  深呼吸"灰藍精華"香薰油三次(有助放鬆!)

5)  針清 (手勢唔錯, 唔痛 之餘真係清到污穢)

6) 進行香薰穴位按摩 (好舒服呀, 力度適中)

7) 之後先搽滋潤補水面膜打底, 再倒膜(玫瑰香薰)

正當我享受緊呢個玫瑰倒膜時, Gi Gi就拎左右上圖既呢部機入房, 準備進行"科技瘦身療法"!  我預先選擇大腿作為今次試做部位!

首先搽上"體乳霜"於大腿上, 然後開動呢部機(都幾嘈!), 用杯頭於大腿上滾動(好痛..........!)Gi Gi解釋由於滿佈淋巴, 而淋巴塞左就會feel到痛..............(oh....真係好痛呢! 為左通淋巴/打散脂肪, 一於..................... 死忍!)

期間, 細心既Gi Gi表示若然真係好痛頂唔住可以通知佢, 調教細d既力度!...............為左靚, 女士既忍痛能力係可以好勁既! 哈.......

"好快"就過左30分鐘, 終於2隻腳做晒, Gi Gi仲提醒我做完療程後1小時唔好沖涼, 好等乳霜再滲透入皮膚, 加強功效!

做完身體護理, 又係時候"起膜", 清潔面部後, 再搽返護膚品, 就完成左1.5小時既面部及身體護理啦!

換返衫, Mandy已經係接待處等緊我, 填返張意見調查表後, 再介紹新優惠(下圖), 就可以離開!

總括而言, 面部護理呢part係"大愛", Gi Gi既服務細心又有禮, 按摩力度適中, 真係令我想睡著.......................!做完皮膚變得亮白, 毛孔都無咁明顯!  確實唔錯!

而身體護理呢1 part,  若然唔係咁痛, 就真係so good! 用機幫你去水腫, 通淋巴!  包你由頭到腳都靚晒!!