今年過了一個爆笑既聖誕節, 皆因我地去左欣賞由詹SIR執導既最新作品 - 「失戀單位」

故事大綱 :

2012年，世界末日傳言滿天飛，超級火山、凍斃熱死、致命細菌、外星人入侵……無論如何，一日未末日，一日都要戀愛。潮男索女自認戀愛達人，以為自己在感情投資上眼光獨到，找到升值快回報高的靚盤，誰料臨門一腳慘遭撻訂，經歷人人也不能錯過的失戀大末日。與其沉迷失戀，不如找個吉日搜捕筍盤！

演出地點: 香港演藝學院 - 賽馬會演藝劇院

劇組班底：
金牌導演：詹瑞文
演員：翟凱泰，楊詩敏，梁浩邦，藍真珍

(由於場內不准攝影, 未能加相!)

一開場, 眾演員係大熱歌曲"江南style"襯托下, 表演勁歌熱舞, 又教我地一齊跳, 又邀請現場其中一位觀眾出黎一齊玩, 先搞起個熱鬧氣氛!  介紹一下"姻緣地產"入面四位金牌地產經紀, 各自主打自己既客路, 為不同客人找尋/推介"荀盤"~~  YEAH......

跟住就係正式進入劇目內容, 全劇共分幾個單元, 講及現今男女對愛情既態度 :

"小公主及小皇子" : 情侶之間表面相愛, 愛得痴纏, 但背後又各自有另一個伴侶, 亂搞男女關係, 總之務求要填滿自己既"愛情"生活!!
"寬頻仔與Barbara" : 交代出時下女性對於速食文化, 表面上好似多采多姿既生活, 但當一個人獨對既時候, 就會感到不安, 尋覓之間, 往往出現愛你既人, 未必係你所愛既人, 一種無奈既感覺!
"鍾醫師與Judidi" : 鍾醫師與女病人Judidi曾經相戀, 但女方被男方拋棄, 由失戀而引致"失憶", 及後一連串瘋狂惹笑既"療法", 令到鍾醫師再次與Judidi一起, 得到一個大團圓既結局!

整個劇目, 對白生鬼惹笑, 令到觀眾不禁一邊拍掌, 一邊笑到流眼淚(我亦都係其中一個)! 而演技出色既泰臣及蝦頭亦令人拍案叫絕, 仲有新進演員梁浩邦及藍真珍亦令人眼前一亮!

角色設定及內容好生活化, 能夠引起觀眾既共鳴感, 彷彿講緊身邊所認識既其中一位朋友, 真係好搞鬼!!

演出完畢, 四位表現出色既主要演員出黎同觀眾影相留念



終於可以近距離見到佢地啦, Yeah^^

今次係我既舞台劇初體驗, 原來感覺係咁難忘及特別, 多謝詹Sir今次帶比我地既爆笑劇目!! (如果有埋詹Sir既演出, 肯定笑到我地肚痛^^)

劇團網址 : http://www.pip-group.org/v2/index.html


contact me : [email protected]